هەپەگە ڕاگەیەندراوی شەڕی دێرسمی ڕاست کردەوە
هەپەگە ڕایگەیاند، کەسێک کە بەر لە ئێستا لە شەڕی دێرسمدا وەک شەهید ڕاگەیەندرابوو، خۆی ڕادەستی دوژمن کردووە و هەروەها ئاماژەی بەوەدا گەریلایەک بە ناوی شێخموس ئۆزدەمیر شەهید بووە.
هەپەگە ڕایگەیاند، کەسێک کە بەر لە ئێستا لە شەڕی دێرسمدا وەک شەهید ڕاگەیەندرابوو، خۆی ڕادەستی دوژمن کردووە و هەروەها ئاماژەی بەوەدا گەریلایەک بە ناوی شێخموس ئۆزدەمیر شەهید بووە.
ڕاگەیەندراوی ناوەندی ڕاگەیاندن و چاپەمەنی هەپەگە بەم شێوەیەیە:
"لە ڕاگەیەندراوی ٩ی تشرینی یەکەم دا ئاماژەمان بەوەکردبوو، سوپای تورکی داگیرکەر لە ٩ و ١٠ ئایاردا لە هەرێمی مێرگا چەپەرا و شەهید جەعفەر و ڤارتینیسی دێرسم دەستی بە ئۆپەراسیۆن کردبوو و لە ئاکامدا ٥ هەڤاڵمان شەهید ببوون. کەسێک بە ناوی جانفەدا (ڤەدات چەکەن) کە وەک شەهید ڕامانگەیاندبوو، شەهید نەبووە، بەڵکو خۆی ڕادەستی هێزەکانی دوژمن کردووە. بە هۆی بارودۆخی شەڕ ماوەیەک لێکۆڵینەوە لە ڕووداوەکە کرا و لە ئەنجامدا ئاشکرا بوو، هەڤاڵێکمان بە ناوی شێخۆ (شێخمووس ئۆزدەمیر) شەهید بووە.
زانیاری لەبارەی هەڤاڵمان شەهید شێخۆ بەم شێوەیەیە:
نازناو: شێخۆ خانچەپەک
ناو و پاشناو: شێخمووس ئۆزدەمیر
شوێنی لەدایکبوون: ئامەد
باوک و دایک: نێرگس و حەسەن
کات و شوێنی شەهیدبوون: ١٠ی ئایاری ٢٠١٩ / دێرسم
هەڤاڵ شێخۆ لە ساڵی ١٩٩٤ لە ئامەد لە ناو بنەماڵەیەکی وڵاتپارێز لەدایک بووە. لەنزیکەوە ئاگاداری قڕکردنی کلتوری و فیزیکی دەوڵەتی تورکیا لەبەرامبەرمان بووە. لە ساڵی ٢٠١٤ دا بەشداری ڕیزەکانی گەریلا بووە. هەڤاڵ شێخۆ لەو ڕۆژەوەی ڕێگەی چیاکانی هەڵبژارد بە خەمخۆری، فیداکاری و وابەستەبوونی هەموو کاتێک لە ڕیزی پێشەوەی خەباتدا بوو. دەوروبەری خۆشیان دەویست و هەموو ئەرکێکی بە سەرکەوتوویی جێبەجێ دەکرد. لەدژی هێرشە داگیرکەریەکانی دەوڵەتی تورکی فاشیست هەردەم تێکۆشانی کرد و لە دێرسم لە دژی یەکینەکانی دوژمن بە شێوەیەکی قاڕەمانانە شەڕی کرد.
لە سەرەتادا سەرخۆشی خۆمان ئاڕاستەی بنەماڵەی شەهید شێخۆ و هەموو گەلی کوردستانی وڵاتپارێز دەکەین و بەڵێن دەدەین، ئاڵای ئازادی شەهیدەکانمان شکۆدار دەبێت."
ف.ق