هەپەگە رایگەیاند، ٢٠ی تشرینی دووەمی ٢٠١٩ لە هێرشی ئاسمانیدا ٤ گەریلا لە خوارکوک شەهید بوون و راشیگەیاند "لە دژی جموجوڵی داگیرکەری، بە ورە و ئازایەتییەکى گەورە و رۆحی فیدایی ئاپۆییەوە لە بەرەی پێشەوە خۆڕاگرییان کرد".
ناوەندی راگەیاندن و چاپەمەنیى هێزەکانى پاراستنى گەل (هەپەگە) لەبارەى گەریلا شەهیدەکانى خواکورکەوە راگەیاندراوێکى بڵاوکردەوە.
لە راگەیاندراوەکەدا هاتووە:
لە ٢٠ی تشرینى دووەمی ٢٠١٩دا بەهۆی بۆردومانى فڕۆکە جەنگییەکانى دەوڵەتى تورکی داگیرکەرەوە لە ناوچەى خواکورک لە هەرێمەکانى پاراستنى مەدیا هاوڕێیانمان پاڵە، سەرهەڵدان، ستێرک و زانا شەهید بوون.
ناسنامەى شەهیدەکانمان بەمشێوەیەیە:
نازناو: پاڵە دێرسیم
ناو و پاشناو: ژیان تاشدەمیر
شوێنى لە دایکبوون: ئیستەنبول
ناوی دایک – باوک: نەتیجە – سەلیم
شوێن و کاتی شەهیدبوون: خواکورک / ٢٠ی تشرینی دووەمی ٢٠١٩
پاڵە – ژیان تاشدەمیر
****
نازناو: سەرهەڵدان گمگم
ناو و پاشناو: ئەمین کاراتاش
شوێنى لە دایکبوون: موش
ناوی دایک – باوک: لوتفییە - عەبدولباقی
شوێن و کاتی شەهیدبوون: خواکورک / ٢٠ی تشرینی دووەمی ٢٠١٩
سەرهەڵدان – ئەمین کاراتاش
****
نازناو: ستێرک هێڤی
ناو و پاشناو: نوپەلدا شاهین
شوێنى لە دایکبوون: ئامەد
ناوی دایک – باوک: نوجان - عەلی
شوێن و کاتی شەهیدبوون: خواکورک / ٢٠ی تشرینی دووەمی ٢٠١٩
ستێرک – نوپەلدا شاهین
****
نازناو: زانا سەرحەد
ناو و پاشناو: سەرحەد گیولەر
شوێنى لە دایکبوون: وان
ناوی دایک – باوک: بەدەڤی - جەسیم
شوێن و کاتی شەهیدبوون: خواکورک / ٢٠ی تشرینی دووەمی ٢٠١٩
زانا – سەرحەد گیولەر
****
سیاسەتەکانى دەوڵەتى تورکی فاشیست لە دژی گەلی کورد هەموو کاتێک هەڵتەکێنراوە، عەقڵییەتى قڕکەری دەوڵەتی تورک هەموو جارێک خواستویەتى بە دەمامکێکى ترەوە ئەو خەونەى خۆی بەدی بهێنێت. سەرباری هەموو سیاسەتەکانى ئاسیمیلاسیون و توانەوە و راگواستن، گەلی کورد خاوەنداریی لە کولتور و مێژووی خۆی کرد و لەگەڵ دروستبوونی پەکەکەشدا بەرخودانى تاجدار کردووە. هەر ئەوەندەى بەرخودان گەشاوەتەوە و لەگەشەدا بووە، کردەى دوور لە مرۆڤایەتى و کوشتاری دەوڵەتى تورک گەورەتر بووە و خواستویەتى ئومێد و بەرخودانى گەلی کورد تێکبشکێنێت.
گەنجانی کورد بەرامبەر سیاسەتى سڕینەوە و لە ناوبەردنى دەوڵەتى تورک، کە ساڵەهای ساڵە بەڕیوەی دەبات هۆشیار و ئاگان. لە بریى ترس، ئازایەتى و لە بریى کۆیەلەتى، ئازادی هەڵدەبژێرین و بەشداری تێکۆشانی ئازادیى کورد دەبن و رۆژ لە دواى رۆژ زیاتر لە ئازادی نزیک دەبنەوە.
دەوڵەتى تورک بە هەموو توانا و دەرفەتەکانى بەردەستی لە دژی گەلی کورد و بزووتنەوەى ئازادی دەستیکردووە بە جموجوڵی داگیرکەریی هەمەلایەنە. لە رۆژی یەکەمی ئەو جموجوڵەوە تاوەکو ئێستا لەسەر دەستی گەریلا گورزی یەک لە دوای یەکی بەردەکەوێت. هاوڕێیانمان پاڵە، ستێرک، سەرهەڵدان و زانا جەنگاوەری فیدایى ئەو بەرخودانەن.
هاوڕێیانمان پاڵە، ستێرک، سەرهەڵدان و زانا لە ناوچە جیاجیاکانى کوردستان و گەورە شارەکانى تورکیا لە دایکبوون و لە نزیکەوە شاهیدی عەقڵییەتى فاشیستیی دەوڵەتى تورک بوون و ئەزمونیان کردبوو. بە ئومێدی ئازادی و سەرکەوتنى ئازادی روویان لە ریزەکانى گەریلا کرد. بە ورە، ئازایەتیی گەورە و رۆحی فیداییى ئاپۆییەوە لە دژی جموجوڵی داگیرکەری لە بەرەى پێشەوەى شەڕ خۆڕاگرییان دەکرد.
لە پێش هەموانەوە سەرەخۆشی لە بنەماڵەى ئەو شەهیدانەمان و گەلە وڵاتپارێزەکەى کوردستان دەکەین و بەڵێنی سەرکەوتنى خەونی شەهیدەکانمان دووبارە دەکەینەوە".
ژ.ت
