هەڵوێستی بەرپرسانی باشووری کوردستان لەسەر گرتنی ساڵح موسلیم،
بەرپرسانی باشووری کوردستان داوای ئازادیی بۆ ساڵح موسلیم، بەرپرسی پەیوەندییەکانی تەڤدەم دەکەن.
دەستگیرکردنی ساڵح موسلیم، هاسەرۆکی پێشووی پەیەدە و بەرپرسی پەیوەندییەکانی دەرەوەی تەڤدەم لە وڵاتی چیک کاردانەوەی بەدوای خۆیدا هێنا.
قوباد تاڵەبانی، جێگری سەرۆکی حکومەتی هەرێمی کوردستان، لە پەڕەی تایبەتی خۆی لە تۆڕی کۆمەڵایەتی فەیسبووک نووسیوێتی:"ئازادی بۆ بەڕێز ساڵح موسلیم، دیالۆگ و تێگەیشتنی ژیرانە باشترین چارەسەرە بۆ کێشەکان".
هەروەها، عادل موراد، سەرۆکی ئەنجومەنی ناوەندی یەکێتی نیشتیمانی کوردستان لە راگەیەندراوێکدا، بە توندی ئیدانەی دەستگیرکردنی ساڵح موسلیم دەکات و دەڵێت:"ئێمه سه‌ره‌ڕای ئه‌وه‌ی که به‌توندی ئیدانه‌ی ئه‌و کاره ده‌کەین، پێمان وایه که ئه‌و کرده‌وه‌یه پێشێلکردنی مافی مرۆڤ و گه‌لانی ئازادی خواز و سته‌م لێی کراوه".
هەروەها، داوا له‌رێکخراوه نێوده‌وڵه‌تییەکان و لایەنه په‌یوه‌ندیدار و گه‌لانی ئازادی خواز دەکات، کە به‌زووترین کات کاربکه‌ن له‌پێناو ئازادکردنی.
لە کۆتایی ڕاگەیەندراوەکەشیدا عادل موراد، به‌ڵێنی پشتیوانی و پشتگیریی ی.ن.ک بۆ هه‌ڤاڵ ساڵح موسلیم و هاوڕێکانی له ڕۆژئاوای کوردستان و هه‌موو گه‌لی کوردستان دووپات دەکاتەوە له‌پێناو به‌ده‌ستهێنانی مافه ڕه‌واکانیان ل ه‌ئازادیی و دیموکراسی و مافی مرۆڤ.
هەروەها، محەمەد عەبدوڵا، هاوسەرۆکی تەڤگەری ئازادیی کۆمەڵگەی کوردستان لە ڕاگەیەندراوێکدا دەڵێت:"گرتنی به‌ڕێز ساڵح موسلیم په‌ڵه‌یه‌کی ڕه‌شی تره به‌ناوچه‌وانی سیسته‌م و ده‌سه‌ڵاتی مۆدێرنیته‌ی سه‌رمایه‌داریی".
