لە ڕاگەیەندراوێکدا کەمپینی دەنگی نیشتیمان ڕایگەیاند، خۆپیشاندانەکە ڕۆژی هەینی لە سڵێمانی لەدژی تورکی داگیرکەر خۆپیشاندانێکی فراوان بەرێوەدەچێت بەڕێوە دەچێت.

هەروەها لە کەلار و ھەڵەبجە و عەربەت و سەیدسادق و ھەورامان و شار و شارۆچکەکانی دیکەوە ھاووڵاتیان  بەشدار دەبن.

ڕاگەیەندراوەکەی کەمپینی دەنگی نیشتیمان بەم شێوەیەیە:

ھاووڵاتیان و نیشتیمانپەروەران، ئەم کاتەتان باش.

رۆژی ھەینی کاتژمێر ٢:٣٠ی دوای نیوەڕۆ لە شەقامی سالم (سەھۆڵەکە) لە شاری سلێمانی خۆپیشاندانێکی جەماوەری ئەنجام دەدرێت؛ تیایدا لە کەلار و ھەڵەبجە و عەربەت و سەیدسادق و ھەورامان و شار و شارۆچکەکانی دیکەوە ھاووڵاتیان لەگەڵمان بەشدار دەبن.

بەشداری تۆ وەستانەوە دەبێت دژ بە داگیرکاری و کۆمەڵکوژی تورکیا و ئەردۆغان لە رۆژئاوای کوردستان.