کەمپینی بزوتنەوەی ژنانی ئازاد لە شاری مێردینیش بەڕێوە چوو. ژنان لە بەردەم باڵەخانەی رێکخستنی هەدەپەی شارەکە گرد بوونەوە و لە بارەی کەمپینەکەوە راگەیێنراوێکیان بڵاو کردەوە.

ئەبور گونای وتەبێژی هەدەپە و پەرلەمانتاری شاری مێردین و پەرۆ دوندار پەرلەمانتاری هەدەپە بەشداریان لەو چالاکیەدا کرد.

ئەیلەم ئالماک ئەندامی بزوتنەوەی ئازادی ژنان لە گردبوونەوەکەدا وتەیەکی پێشکەش کرد و رایگەیاند، لە مێردین و سەرتاسەری تورکیا توندوتیژی بەرامبەر بە ژنان زیادی کردووە.  

ئالماک جەختیشی کردەوە، لە بەرامبەر هێرشەکان هەنگاو بۆ دواوە نانێین و لە دژی گۆشەگیری، ئازادی دەپارێزین و وتیشی:"ژنان لە هەر گۆڕەپانێک لە دژی زیهنیەتی پیاوسالاری تێدەکۆشن و تا دواجار پەیمانی ئەستەنبول دەپارێزن.

لە کۆتایی چالاکیەکەشدا باس لەوە کرا کە ئەوان لە بەرامبەر زوڵم و ستەم سەر دانانوێنن و بۆ ژیانێکی ئازاد و یەکسان لە خۆڕاگریدا دەبن.

ز.ش