لە چالاکییەکەدا کە پۆستەرەکانی رێبەری گەلی کورد عەبدولا ئۆجالان و پانکارتی 'بێ سەرۆک ژیان نابێت'، 'ئازادی سەرۆک ئاپۆ ئازادی ژنانە' و 'ژن، ژیان، ئازادی' بەرز کرانەوە، لە لایەن چیچەک رزگار ئەندامی یەکێتی ژنانی ئازاد لە ئەرمەنیا بەیاننامەیەک خویندرایەوە.
 

رزگار رایگەیاند، ژنان کە لە خەباتی رۆزاوە دەستیان پێکرد و تا رۆژی ئەمڕۆمان بەو قوربانیانەی داویانە، تێکۆشانیان پێشخستن و لە ئەنجامیشدا سەرکەوتنی گەورەیان بەدەست هێناوە و وتی:" لە بزوتنەوەی ئازادی گەلی کورددا، ژن بە ئایدۆلۆژیای رێبەر ئاپۆ و بە رۆناکی فەلسەفەکەیەوە بوو بە هێزی پێشەنگی بزوتنەوە و هێز و ئیرادەی ژنانی خستووەتە بەر چاو."
رزگاری لە بەردەوامی قسەکانیدا وتی:"بزوتنەوەی ژنانی کورد کە لە بێریتانی میراسی مێژووی تێکۆشانی ژنان هەتا دەگاتە ئارین، قوربانی زۆری داوە بۆ تێکۆشانی ئازادی ژنان، گەیاندوویەتیە ئاستێکی باش. نموونەی بەرچاوی ئەمەش دەستکەوتەکانی ژنانە لە باکور و رۆهەڵاتی سوریا. دەوڵەتی تورک لەو دەستکەوتانەی کە هیزی ژنان پیشان دەدات، دەترسێت. بۆیە هێرش دەکاتە سەر رێبەر ئاپۆ و ژنان. ئێمە گۆشەگیری سەر رێبەر ئاپۆ وەکو گۆشەگیری سەر هەموو ژنان دەبینین. ئازادی رێبەر ئاپۆ ئازادی ژنانە. ئێمە وەکو ژنانی کورد لە ئەرمینیا، دڵخۆشین بە چاوپێکەوتن لەگەڵ رێبەر ئاپۆ و باشبوونی باری تەندروستی ئەو. بەڵام تا رێبەر ئاپۆ ئازاد نەبێت و مەرجی خەباتی بۆ نەرەخسێنرێت، تێکۆشانمان بەردەوام دەبێت."
چالاکییەکە بە وتنەوەی دروشمی 'ژن، ژیان، ئازادی' کۆتایی پێهات.
ز.ش