هێزە کانی سەر سنووری کۆماری ئیسلامی ئێران لە سەر سنوورەکانی نێوان ڕۆژهەڵات و باشوری کوردستان، دەستڕێژیی گولـلەیان لە کۆڵبەرانی کورد کردووە و لە ئەنجامدا دوو کۆڵبەر برینداربوون و کۆڵبەرێکیش کوژراوە.
کوشتنی سیستماتیکی کۆڵبەرای کورد لەسەر سنووری ڕۆژهەڵات و باشورری کوردستان لە لایەن چەکدارانی کۆماری ئیسلامی ئێرانەوە بەردەوامە، بە پێی هەواڵەکانی کۆڵبەرنیوز، دوێنێ دووکۆڵبەری دیکە بوونەتە قوربانی.
نیوەڕۆی دوێنێ لە سنووری نەنۆری سەربە بانەی پارێزگای سنە، تەقە لە گروپێکی دیکەی کۆڵبەران کرا و لە ئاکام دا دوو کۆڵبەر برینداربوون، هێزە سەربازییەکان ڕێگایان نەداوە بریندارەکان بگەڕێندرێنەوە بۆ ناو خاکی ڕۆژهەڵاتی کوردستان و هەر بۆیەش نێردراون بۆ پارێزگای سلێمانیی باشوری کوردستان.
