ڕۆهات ڕووار ئەندامی کۆردیناسیۆنی کۆمەڵەی جەوانانی ڕۆژهەڵاتی کوردستان لە چاو پێکەوتنێکدا بۆ ئاژانسەکەمان هەڵسەنگاندنی بۆ دۆخی باکور و ڕۆژهەڵاتی سوریا کرد و هەڵوێستی جەوانانی دیاری کرد و ڕایگەیاند:" دەبێت لەبەرامبەر شەڕی داگیرکەری دەوڵەتی فاشیستی تورکیادا گەنجان خاوەن هەڵوێستێکی ڕادیکاڵ بن، مادەم شەڕێکی هەمەلایەنەیە لە دژی ئازادیخوازان بەڕێوەدەچێت ئەوا دەبێت هەموو گەنجانی ئازادیخوازهەمەلایەنە وەڵامی دەوڵەتی داگیرکەری تورکیا بدەنەوە"

هێرشی داگیرکاری لەسەر باکور و ڕۆژهەڵاتی سوریا بەردەوامی پیلانگێری نێودەوڵەتیە

ڕۆهات ڕووار ئەندامی کۆردیناسیۆنی کۆمەڵەی جەوانانی ڕۆژهەڵاتی کوردستان لە چاوپێکەوتنەکەی دا بۆ ئاژانسەکەمان دەڵێت:" ٩ی کانوونی یەکەم کە ئەو هێرشە بۆسەر ڕۆژئاوای کوردستان و باکور و ڕۆژهەڵاتی سوریا دەستی پێکرد، هاوکاتە لەگەڵ پیلانگێری نێودەوڵەتیدا، ئەو هێرشە بەردەوامی پیلانگێری نێودەوڵەتی لە دژی ڕێبەر ئاپۆ و ئیرادەی ئازادی گەلی کوردە. ئێمە دەزانین ساڵی ١٩٩٨ لە ڕۆژێکی وەهادا کاتێک کە پیلانگێری نێودەوڵەتی دەستی پێکرد ڕێبەر ئاپۆ لە سوریا بوو، گەلێک هێزی هەژموونگەرایی جیهانی و هەرێمی وەک ئەمریکا و ڕووسیا و تورکیا هێزەکانی دیکە لە  ناو ئەو پیلانگێریەدا جێگایان گرت"

ڕۆهات ڕووار لەبەردەوامی قسەکانیدا دەڵێت:" ئامانجی ئەو پیلانگێریە ئەوە بوو کە هیچ کەسێک نەتوانێت بەناوی ئیرادەی گەلان سەربەخۆ و بە گوێرەی ئارمانج و چاند و زمان و نەتەوەی خۆی ژیان بکات، ئێمە کە دەڵێین ئەو هێرشەی کە ئەمرۆ لە سەر باکور و ڕۆژهەڵاتی سوریا هەیە بەردەوامی هەمان پیلانگێریە لە خۆڕا نیە، سەیرکەن ئامانجی پیلانگێری نێودەوڵەتی دژی ڕێبەر ئاپۆ چی بوو، ئەمرۆش هەمان ئامانج لەو شەڕە  داگیرکاریەدا هەیە کە بەرۆکی ڕۆژئاوای کوردستان و باکور و ڕۆژهەڵاتی سوریای گرتووە"

ڕووار دەشڵێت:" لە  باکور و ڕۆژهەڵاتی سوریادا هێزک بە پێشەنگایەتی گەلی کورد و جەوانانی گەلی کورد، عەرەب، ئەرمەنی، کلدانی، ئاشوری و جەوانانی گەلێک نەتەوەی دیکەی ئازادیخوازی ڕۆژهەڵاتی ناوین و ئەورپا سیستەمێکی کۆمەڵگای دیمووکراتیکیس بونیاد ناوە، بەمەش ئیرادەی گەلان نیشان درا. دیارە هێزە هەژموونگەراکانی مۆدێرنیتەی سەرمایەداری جیهانی کە لەناو قەیراندایە، ناتوانن تەحەموولی ئەو پێشکەوتنەی گەلانی ناو ئەو کۆمەڵگایە بکەن. لەبەر ئەوە  ئێمە سەیردەکەین هەمان ئەو هێزانەی کە دەستیان لەو شەڕەدا هەیە، هەمان هێزن کە پێش ٢١ ساڵ پێش ئێستا دەستیان لە  پیلانگێری نێودەوڵەتیدا هەبووە، هەندێک هێز ڕاستەخۆ بەشدارن هەندێک هێزیش بە شێوازێکی نا ڕاستەوخۆ لە دژی ئیرادەی گەلان دەوەستنەوە. زۆر ئاشکرایە کە ئەمرۆ بە پێشەنگایەتی دەوڵەتی داگیرکەری تورکیا داخوازی داگیرکردنی باکوور و ڕۆژهەڵاتی سوریا هەیە. هەندێک هێز هەتا ئێستا بێ دەنگە، هەندێک هێزی دیکەش ڕێگا بەو شەرە داگیرکەریە خۆش دەکەن و پاڵپشتی لە دەوڵەتی داگیرکەری تورکیا دەکەن"

"گەلانی باکور و ڕۆژهەڵاتی سوریا بە ئیرادەی خۆیان تێکۆشان دەکەن"

ئەو بەرێوبەرەی کۆمەڵەی جەوانانی ڕۆژهەڵاتی کوردستان سەرنج دەخاتە سەر بەرخودانی و قوربانی دانی گەلانی باکور و ڕۆژهەڵاتی سوریا و دەڵێت:" گەلانی ڕۆژئاوای کوردستان و باکور و ڕۆژهەڵاتی سوریا بە درێژایی شۆرشی ڕۆژئاوای کوردستان لە دژی چەتەکانی داعشدا بەرخودانیان کرد و زیاتر لە ١١ هەزار شەهید و ٢٢ هەزار برینداریان داوە. ئەم قوربانی دانە ئاستی تێکۆشانی گەلانی باکور و ڕۆژهەڵاتی سوریا نیشان دەدات. بەڵام دەبینین دوای کۆتایی هاتنی داعش هەموو دنیا پشتیان لە گەلانی باکور و ڕۆژهەڵاتی سوریا کرد"

لەبارەی ئەوەی کە ئەمریکا پشتی لە تێکۆشانی گەلانی باکور و ڕۆژهەڵاتی سوریا کردووە ڕۆهات ڕووار دەڵێت:" کەس گلەیی لەوە ناکات کە بۆ پشتیان لە کوردان و گەلانی دیکەی ئازادیخواز کردووە. بەڵام دەبێت ئەو هێزانە ڕێگە بۆ ئەو داگیرکاریە خۆش نەکەن و هاوکاری تورکیا نەکەن. ئێمە دەبینین کە بەرخۆدانیەکی مەزن بەڕێوە دەچێت، جەوانانی کورد و عەرەب و پێکهاتەکانی بە هەموو هێزی خۆیان لە ناو بەرخۆدانی دان. شەرڤانان شەهید دەبن، گەل کۆمەڵکوژ دەکرێت، بەڵام لە ئەنجامی بەرخودانی گەلاندا ناهێڵن کە هێرشی داگیرکەری دەوڵەتی تورکیا بەرەو پێشەوە بچێت. عەشیرەتی عەرەب لێدوانیان داوە کە ٥٠ هەزار شەرڤان بەشداری ئەو شەڕە ببن، ئەمەش یەکێتی گەلانی باکور و ڕۆژهەڵاتی سوریا نیشان دەدات، ڕۆحی کۆمەڵگای دیمووکراتیک لە باکور و ڕۆژهەڵاتی سوریا نیشان دەدرێت"

دەبێت هەر کەس لەبەرامبەر ئەو شەڕەدا وشیار بێت

ئەو کۆردیناسیۆنەی کۆمەڵەی جەوانانی ڕۆژهەڵاتی کوردستان ئاماژە بەوە دەکات کە دەبێت لە بەرامبەر ئەوە شەڕەدا هەستیاریەک هەبێت، ڕووار ڕۆها دەشڵێت:" سەیرکەن ئەمڕۆ هێرشێکی گشتی بەڕێوەدەچێت، دەبێت هێزە دیمووکراتەکان لەسەرانسەری جیهاندا خاوەن هەڵوێست بن. چونکە ئەگەر ئەو هێرشە بە ئەنجام بگات،  تێکۆشانی گەلان تێکۆشانی دیمووکراسی شکستێکی مەزن دهێنێت. لە ئەنجامی شەهید و قوربانیدانێکی گەورەدا سیستەمێک ئاوا بوو، دەبێت بە سەرکەوتنی ئەو هێرشە ئەو دەست کەوتانە لە ناو بچن. ئەمە  مەترسیەکی گەورەیە. ئەو مەترسیە تەنها بۆسەر جوگرافیای ڕۆژئاوای کوردستان نیە. ئەگەر ڕێگری لەو هێرشە نەکەین ئەوا لە کوێ کوردێک هەبێت کە تەسلیمی سیستەمی داگیرکەری نەبووبێت هێرشێ ئەوێ دەکرێت، دوور نیە هێرشی هەموو پارچەکانی دیکەی کوردستان بکرێت. بۆ ئەوەی لەئاستی جیهاندا ئیرادەی کوردان بشکێنن"

ڕووار ئەوەش دەڵێت:" ئێستا کاتی پارچەبوون و لاوازی نیە، کاتی حیزبایەتی و عەشیرەت پارێزی نیە، ئێستا کاتی قسەکردن و لێدوان داین نیە، دەبێت گەلی کورد و ئەو گەلە ئازدیخوازانەی لەگەڵ گەلی کوردان بەیەک دەنگ و یەک هەڵوێست لە بەرامبەر هێرشی داگیرکەراندا بووەستنەوە. تەنها بەو شێوازە دەتوانین ئەو هێرشە بشکێنین. ڕاستە ئەو هێرشە مەترسی قڕکردنی هەیە بەڵام لە هەمان کاتیشدا ئەگەر ئەو هێرشە بوەستێنرێت ئەوا سیستەمی نەتەوەی دیمووکراتیک دەتوانێت ببێت هەوێنی دیمووکراسی لە ڕۆژهەڵاتی ناوین دا"

"ئەرکی سەرەکی جەوانان ئەوەیە کە بەشداری ناو شۆرشببن"

ڕۆهات ڕووار دەڵێت:"جەوانان لە هەر پارچەیەکی کوردستان و ڕۆژهەڵاتی ناوین و ئەوروپا لە کوێ هەن دەبێت ببنە پارچەیەک لەو بەرخودانە. هەمیش لە بەرامبەر ئابووری  تورکیا دا دەبێت جەوانان خاوەن هەڵوێستێکی ڕادیکاڵ ببن. هەر خواردن و جل و بەرگێک یان هەر کاڵایەک کە لە دەوڵەتی داگیرکەری تورکیای دەکرێن، دەبێت فیشەکێک و لەسەر دڵی جەوانێکی ڕۆژئاوای کوردستان دەکەوێت. لەبەر ئەوە دەبێت ئیدی کاڵای تورکیا بەکار نەهێنین. دەبێت گەلەکەمان لە باشوری کوردستان و پارچەکانی دیکە زەحمەتی بکێشن، برسی ببن، پێوستە گەلی باشوری کوردستان لەو ڕاستیە باش تێبگات و بتوانێت بە بایکۆت کردنی کاڵا تورکیەکان بتوانێت ئابوری تورکیا توشی دارووخانێکی گەورە بکات"

ڕووار ئەرکی جەوانان دیار دەکات و دەڵێت:" دەبێت هەڵوێستی جەوانان ئەوە بێت، لە هەر کوێ کە ناوەندی دەوڵەتی تورکیا وەک ناوەندی بازرگانی، گەشتیاری، بیرۆکراتی و ئیداری هەیە دەبێت جەوانان لەبەرامبەر ئەو ناوەندانەدا چالاکی بکەن و ئەو ناوەندانە تەفروو تونا بکەن. هەر ناوەندێک کە خزمەتی ئەو داگیرکاریەدەکات دەبێت بسوتێت و نەمێنێت. دەبێت لە بەرامبەر شەری هەمەلایەنەی داگیرکەری تورکیادا جەوانان بەرخودانێکی هەمەلایەنە بەڕێوە ببەن.

ڕۆهات ڕووار ئەندامی کۆردیناسیۆنی کۆمەڵەی جەوانانی ڕۆژهەڵاتی کوردستان بەم شێوەیە کۆتایی بە چاوپێکەوتنەکەی هێنا:" جەوانان دەبێت ئابوری تورکیا بکەنە ئامانجی خۆیان، لە ئێراندا ناوەندی دەوڵەتی تورکیا زۆر هەیە، دەبێت جەوانانی ڕۆژهەڵاتی کوردستان و ئێران لە دژی ئەو ناوەندانە چالاکی ڕادیکاڵ ئەنجام بدەن.

ف.ق