گەریلاکانى هەپەگە لە ناوچەى برادۆست لە باشوورى کوردستان چالاکییان لە دژى سەربازانى سوپاى تورکیا ئەنجامدا. لە چالاکییەکەدا ٢ سەربازی تورکیا کوژران و ٥ سەربازى تریش برینداربوون.

بەپێى ئەو زانیارییانەى پەیامنێرەکەمان لە سەرچاوەکانى ئەو ناوچەیەوە دەستیخستوون، تەقەمەنى لەسەر رێگاى نێوان کەڤۆرت و شەپانێ لە ناوچەى برادۆست دانراوە و کاتێک سەربازى تورکیا بەو شوێنەدا تێپەڕیون پیایاندا تەقیوەتەوە.

بەهۆى ئەو تەقینەوەیەوە، ٢ سەربازى تورکیا کوژراون و ٥ سەرباز و جەردەوانى تورکیاش برینداربوون.

ئاماژە بەوەشکراوە، بەهۆى خراپیى کەش و هەواوە، سوپاى تورکیا نەیتوانیوە تەرمى کوژراوەکان و بریندارەکانى بگوێزێتەوە.