نەورۆزی ئەمساڵی ئامەد لە ژێر دروشمی "بە دڵنیاییەوە سەردەکەوین و گۆشەگیری تێکدەشکێنین" بەڕێوەدەچێت. پارکى شوێنى ئاهەنگی نەورۆزەکە لەلایەن پۆلیسەوە گەمارۆدراوە.

دانیشتوانى ئامەد لە هەر چوارلای شارەکەوە بەرەو پارکى نەورۆز دەڕۆن. گەلی ئامەد لە گۆڕستانى یەنی کۆی، شەقامی ئەفریم ئالاتاش و شەقامی یەنی هالی بەرەو گۆڕەپانى نەورۆز دەڕۆن. جەماوەری گەل لە شەقامی زومڕوتکەند کۆبوونەتەوە و چاوەڕێ دەکەن لە خاڵی پشکنینى پۆلیسەوە تێپەڕن بۆ گوڕەپانى نەورۆز.

خوێندکارانى خوێندگەکان، ئەمڕۆ خوێندنگەکانیان بایکۆت کرد و ژنان بە جلوبەرگی ئاڵواڵی کوردی و خۆجێیەوە بەرەو گۆڕەپانەی نەورۆزدەڕۆن و لە پێشی پێشەوەن.

گەنجان بە دەم گۆڤەند و ئاهەنگگێڕانەوە دروشمەکانى "لەیلا گیوڤەن شکۆمانە"، "زولکوف گەزەنمان لەگەڵدایە" ، "بژی بەرخودانى زیندانەکان" و "بژی سەرۆک ئاپۆ" دەڵێنەوە.

سەدان گەنج لەسەر رێگاى رحا کۆبوونەتەوە و بەرەو گۆڕپانى نەرۆز رێدەپێون. هاووڵاتییانى ناوچەکە بەشداری رێپێوانى گەنجان دەبن و تاوەکو دێت رێپێوانەکە گەورەتردەبێت.

سەدان کەسیش لە ٣ قۆڵی ترەوە خۆیان گەیاندووەتە پارکی نەورۆز و لە بەردەم خاڵی پشکنینى پۆلیسدا ریزیان گرتووە.

پیرۆزبایى ئاهەنگى نەورۆزى ئەمساڵی ئامەد لەلایەن ٢٦٨ میدیا و دامەزاروەی میدیای و ئاژانسى هەواڵی ناوچەیى و جیهانییەوە رووماڵ دەکرێت.

بەردان ئۆزتورک هاوسەرۆکى کۆنگرەى کۆمەڵگەى دیموکراتیک، پەروین بوڵدان هاوسەرۆکى گشتیى هەدەپە، محەمەد ئارسلان هاوسەرۆکى گشتیى دەبەپە و نوێنەرانى حیزبە کوردستانییەکان لە ئاهەنگی نەورۆزدا وتە پێشکەش دەکەن.

هەروەها پەیامی لەیلا گیوڤەن هاوسەرۆکى کەجەدە دەخوێنرێتەوە.

تیپی مۆسیقای شار، تیپی مۆسیقای پەل و هونەرمەند پنار ئایدنلار دەچنە سەر تەخەتە و هونەرەکەیان پێشکەش دەکەن.

ر.م