لە ١٢ پارێزگای عێراق، پێش هەمووشیان کەرکووک، خورماتوو، دیالە و خانەقین کە ناوچەی کێشە لەسەرن، لە ٢٨ی نیسان/٧ی بانەمەڕەوە کێڵگەکانی دانەوێڵە دەسووتێن.

کازم سەلمان، فەرمانداریی بەرگری شارستانی عێراق لەبارەی ئەو بابەتەوە ڕاپۆرتێکی ئاشکرا کرد و وتی، لە ١٢ پارێزگای عێراق لە ٢٨ی نیسان/٧ی بانەمەڕەوە تا ئێستا نزیکەی ٢٠٧٦٠ دۆنم کێلگەی دانەوێڵە سووتاوە.

لە ڕاپۆرتەکەدا ئەوە راگەیاندراوە کە زۆربەی زۆری لە سنووری پارێزگاکانی موسڵ، سەلاحەددین، کەرکوک ڕوویداوە و زیانیان پێگەیشتووە.

ئاماری سووتانەکان لە عێراق بەم شێوەیە بووە

بەگوێرە راپۆرتەکە ئاماری کێڵگە سووتاوەکانی پارێزگاکانی عێراق بەمشێوەیەیە:

کەرکوک: ٣٧١٩ دۆنم کێڵگە سووتاوە، زیان بە ٣٣٠٠٤ دۆنم گەیشتووە.

کەرخ: ٣٦ دۆنم کێڵگە سووتاوە و زیان بە ٧٤ دۆنم گەیشتووە.

رەسافە: ١٤ دۆنم کێڵگە سووتاوە، زیان بە ٤٠٢ دۆنم گەیشتووە.

بابل: ٨٥ دۆنم کێڵگە سووتاوە، زیان بە ٤٦ دۆنم گەیشتووە.

میسان: ٤٩ دۆنم کێڵگە سووتاوە، زیان بە ٧ دۆنم گەیشتووە.

واست: ٢٢٧ دۆنم کێڵگە سووتاوە، زیان بە ٣٦٦ دۆنم گەیشتووە.

دیوانییە: ٥ دۆنم کێڵگە سووتاوە، زیان بە ١٠ دۆنم گەیشتووە.

دیالە: ٣٧٩ دۆنم کێڵگە سووتاوە، زیان بە ٤٦٦٧ دۆنم گەیشتووە.

موسەننا: ٢٧ دۆنم کێڵگە سووتاوە، زیان بە ٨٨ دۆنم گەیشتووە.

سەلاحەددین: ٤٩٠٧ دۆنم کێڵگە سووتاوە، زیان بە ٤٢٨٦٢ دۆنم گەیشتووە.

نەینەوا: ١١١٨٣ دۆنم کێڵگە سووتاوە، زیان بە ٤٤١٠٢٠ دۆنم گەیشتووە.

ئەنبار: ٩٩ دۆنم کێڵگە سووتاوە، زیان بە ٢٩٢ دۆنم گەیشتووە.

ئەوەی جێگەی سەرنجە ئەوەیە کە سووتانەکە زۆرتر لەو ناوچانە بووە کە پێشتر لە لایەن داعشەوە داگیر کرابوون.

ک-ش