لە پێشانگایەکدا تاوانەکانی دەوڵەتی تورک نمایش کران
لە پێشانگایەکدا لە سلێمانی، دڕەندەیی، هێرش و بە تاڵانبردنی خاکی کوردستان لەلایەن دەوڵەتی تورکەوە، نمایش کران.
لە پێشانگایەکدا لە سلێمانی، دڕەندەیی، هێرش و بە تاڵانبردنی خاکی کوردستان لەلایەن دەوڵەتی تورکەوە، نمایش کران.
ئێوارەی ئەمڕۆ لە بەردەم باخی گشتیی شاری سلێمانی، ڕێکخراوەکانی کۆمەڵەی ئافرەتانی کوردستان و لاوانی کوردستان، پێشانگایەکی بەڵگەیی فۆتۆییان بە درووشمی “داگیرکەران وێرانی دەکەن، ئێمە ئاوەدانی دەکەینەوە” لە دژی بڕینەوە و سوتاندنی دارستانەکانی کوردستان لەلایەن دەوڵەتی تورکەوە، کردەوە.
لە پێشانگاکەدا، ٢١ وێنەی بەراوردکاری نمایش کرابوون كە تێیاندا دڕندەیی دەوڵەتی تورک و هێرش و داگیرکارییەکانیان دەخستەڕوو، هەر لە وێنەکاندا بڕینەوەی دارەکانی کوردستان و بەتاڵانبردنی خاکەکەی نیشانی هاتوچۆکاران درا.
پێشانگاکە تا درەنگانێکی ئێوارەی ئەمڕۆ بەردەوامبوو.
ف.ق