دوای ئەوەی هەفتەیەک لەمەوبەر لە هێرشێک دا لە مارکت پلاتزی شاری مانهایم بە چەقۆ ئەفسەرێکی پۆلیس کوژرا، هەزاران کەس ڕژانە سەر شەقامەکان. هەروەها پارتە سیاسییەکان و ڕێکخراوە دیموکراسیەکان، بەتایبەتی ڕێکخستنەکانی دژی فاشیست لە مانهایم، پشتیوانیان لە خۆپیشاندەران کرد. نوێنەرانی ڕێکخراوەکانی گەنجانی سەندیکاکان بە قسەکردن لە گردبوونەوەکەدا لە ئاڵتەر میسی پلاتز ناڕەزایی خۆیان دەربڕی و هێرشەکەیان شەرمەزار کرد. سەندیکاکان کاردانەوەیان بەرامبەر بە پڕوپاگەندەی AFD و ڕێکخراوە فاشیستییە هاوشێوەکان سەبارەت بە ڕووداوەکە نیشاندا و داوای یەکڕیزییان کرد و ڕایانگەیاند کە ڕێگە بە پێکهاتە فاشیستە ڕاستڕەوەکان لە مانهایم نادەین.

هەروەها سەندیکاکانی کرێکاری، پارتە سیاسییەکان، ڕێکخراوەکانی گەنجانی دژە فاشیست و کۆمەڵەی کۆچبەران، بەتایبەتی ڕێکخراوی مانهایم گگەن ڕێچتس، بە ئاڵا و پلانکارتەکانیانەوە لە گۆڕەپانەکە بە شداریی چالاکییەکە بوون.

جێی ئاماژەیە لە خۆپیشاندانەکەدا لە مارکت پلاتز، نزیکەی ٤٠٠٠ خۆپیشاندەری دژە فاشیست بەشدارییان کرد.