لە سکۆتلەندا دژی دانانی قەیوم و دەستبەسەرداگرتنی ئیرادەی گەل لەلایەن دەسەڵاتی ئاکەپە-مەهەپەوە، بە بەشداریی ژمارەیەک لە ئازادییخوازان گردبوونەوەی ناڕەزایەتیی بۆ پشتیوانی لە ئیرادەی گەل بەرێوەچوو.
ئێوارەی یەکشەمە ۹ ی حوزەیران لە سکۆتلەندا ، لە سەنتەری شاری گلاسگۆ لەسەر بانگەوازی ئەنجومەنی گەل لەبەریتانیا ، چالاکیەک بۆ پشتگیری لە شارەوانیەکانی باکوری کوردستان بەرێوەچوو.
لە گردبونەوەکەدا بە پۆستەرو پانکارتی جیاواز بە زمانی ئینگلیزی سیاسەتی شەرانگێزانەی دەوڵەتی تورکیا شەرمەزارکرا ، هەروەها بەشداربووانی چالاکیەکە وتیان نا بۆ دەست بەسەرداگرتنی ئیرادەی گەل.
چالاکیەکەدا بە دروشمەکانی "نا بۆ یاسای قەیوم" ، "بژی ئیرادەی گەل" ، "بژی رێبەر ئاپۆ" ، دوای دوو کاتژمێر کۆتاییهات.
هـ . ب
