لە شاری وینترتوری کانتۆنی زوریخی سویسرا خولی فێربوونی زمانی کوردی وەک بەشێکی ئاسایی لە ساڵی خوێندنی ٢٠٢٤-٢٠٢٥ دەستیپێکرد.

یەکەم وانەی وەرزی نوێ له ناوەندی کۆمەڵگەی کوردی وینترتور بەڕێوه چوو.

بانگەوازی خاوەندارێتی لە کورد و کوردستان کرا

سەرەتا منداڵان و بنەماڵەکانیان بۆ خویندنی سروودی ئەی ڕەقیب خولەکێک ڕێزیان گرت. دواتر مامۆستا ئیسماعیل دەمیر باسی لە خولەکانی زمانی وەرزی نوێ کرد و وتی: "زمانی کوردی هەبوونمانە و ئەگەر زمانی کوردی نەبووایە گەل و وڵاتمان بوونی نەبوو دەمیر وتی: "دوو شت پێویستە بۆ قوتابخانە، یەکەم زمان. ئەوەی تر وڵاتە. زمانمان کوردییە و وڵاتەکەمانیش کوردستانە کەواتە دەبێت خاوەنداری لە وڵات و زمانەکەمان بکەین."

عەلی شیمشەک بەناوی ئەنیستیتۆی کوردی سویسراوە وتی: "ئێمە بەهۆی زوڵم لە وڵات و زمانەکەمانەوە بۆ ئەم ناوچەیە دەربەدەر بووین، لەو باوەڕەدام کە بە هەوڵەکانمان و کۆمەڵگاکەمان و ڕەوتی مێژوو ئامانجی خۆمان بەدەست دەهێنین و ڕۆژێک بەدڵنیاییەوە دەگەڕێینەوە بۆ سەر وڵاتەکەمان و بەیەکەوە تێدا بە ئازادیی دەژین."

منداڵان و بنەماڵەکانیان بەجۆشەوە پێشوازی زۆریان لە خولی وەرزی نوێی خوێندنی زمانی کوردی کرد.