سه‌ركرده‌كانی ٢٧ وڵات به‌په‌له كۆده‌بنه‌وه
سه‌ركرده‌كانی ٢٧ وڵاتی یه‌كێتی ئه‌وروپا ئێواره‌ی ئه‌مڕۆ كۆبوونه‌وه‌یه‌كی باڵا له بروكسێل ساز ده‌كه‌ن و له به‌رابه‌ر مۆسكۆ "هه‌ڵوێست" و "چالاكی هاوبه‌ش" دیاریده‌كه‌ن.
دوای ئه‌وه‌ی مۆسكۆ رایگه‌یاند، كۆماره‌كانی گه‌لی لوگانسك و دۆنێتسك له ئۆكرانیا به فه‌رمی ده‌ناسێنێت، سه‌ركرده‌كانی ٢٧ وڵاتی یه‌كێتی ئه‌وروپا بۆ دیاریكردنی "هه‌ڵوێست" و "چالاكی هاوبه‌ش" ئه‌م ئێواره‌یه كۆبوونه‌وه‌یه‌كی باڵا ساز ده‌كه‌ن.
به‌رپرسێكی ئه‌وروپی رایگه‌یاند، "كرده‌وه هێرشكارانه‌كانی فیدراسیۆنی روسیا یاسا نێونه‌ته‌وه‌ییه‌كان و یه‌كپارچه‌یی و سه‌روه‌ری خاكی ئۆكرانیا پێشێل ده‌كات. هه‌روه‌ها گورز له سیستمی ئاسایشی ئه‌وروپا ده‌وه‌شێنێت" و به‌م جۆره به‌رده‌وام بوو، "گرنگه كه له ناو یه‌كێتیه‌كه‌ماندا ئێمه خاوه‌ن بڕیار بین و هه‌ڵوێستێكی هاوبه‌ش بگرینه‌به‌ر".
كۆبوونه‌وه‌ی باڵای رووبه‌ڕوو كاتژمێر ٢٠:٠٠ ساز ده‌كرێت.
هـ . ب
