چالاکی پێشوازییەکەی نەورۆز بە هاوکاری فیدارسیۆنی کۆمەڵگەی کوردی دیموکراتیکی نەمسا (FEY-KOM) و شارەوانی گراز ئەنجام درا، نوێنەرانی سەندیکا، پارتە سیاسی و ڕێکخراوەکانی کۆمەڵگەی مەدەنی بە شداری پێشوازییەکە بوون.

عەلکە قاهری سەرۆک شارەوانی لە پێشوازییەکەدا قسەیکرد و پیرۆزبایی نەورۆزی لە ئامادەبوون کرد، دواتر نوێنەری FEY-KOM مافی قسەکردنی وەرگرت و باسی لە گرنگی و ماناداری نەورۆز لە ڕوانگەی گەلی کوردەوە کرد و دواتر بە چڕینی گۆرانییەک هەستی دڵخۆشی خۆی بۆ جەژنی نەورۆز دەربڕی.

چالاکییەکانی نەورۆزی گراز، ڕۆژی یەک شەممە ٣٠ی ئادار لە ١٤:٠٠دا بە شەوە ئاهەنگێکی گەورە لە ئاک ساڵ ئەنجام دەدرێت، لە ئاهەنگەکەدا هونەرمەند هۆزان دیار، نارین‌خان و کۆما دەم بەرهەم و هونەرەکانی خۆیان پێشکەش دەکەن.