رۆژی یەکەمی رێپێوانی درێژمەودا کە لە چوارچێوە هەڵمەتی 'ئازادی بۆ رێبەر ئاۆ، چارەسەر بۆ پرسی کورد' بە پێشەنگایەتی گەنجانی کورد و ئینتەرناسیۆناڵ بەڕێوەدەچێت، لە ئێوارەدا بە بەڕێوەبردنی سمیناری 'ژن، ژیان، ئازادی' کۆتایی هات.

گەنجان لە وێستگەی ناوەندی شەمەندەفەری بیلەفێڵد دیلانیان گێڕا، رۆژی یەکەمیان کۆتایی پێهێنا و دروشمەکانی "بژی سەرۆک ئاپۆ"، "بێ سەرۆک ژیان نابێت"، " ئازادی بۆ ئۆجالان" و "ژن، ژیان، ئازادی"یان وتەوە.

دواتر بەمەبەستی بەشداری لە سیمیناری 'ژن، ژیان، ئازادی' لە ناوەندی کۆمەڵەی دیموکراتیکی کورد لە بیلەفێڵد کۆبوونەوە.

دواتر هونەرمەند حەکیم سەفکان قسەی کرد و باسی لەوەکرد کە پاڕادایمی عەبدوڵا ئۆجالان نەک هەر بۆ گەلی کوردە، بۆ سەرجەم مرۆڤایەتی چارەسەرییە. حەکیم سەفکان لە سمینارەکەدا هۆنراوەیەکی لە بارەی ژینا ئەمنیەوە خوێندەوە.

دواتریس هونەرمەند سینان گۆرانی وت و گەنجانیش گۆڤەندیان گێڕا.

لە چالاکیەکەدا وتەکانی عەبدوڵا ئۆجالان لەبارەی ئازادی ژن و سۆسیالیزم لە بەڵگەفیلمێکدا نمایش کرا.

رۆژی دووەمی رێپێوانی درێژمەودا ئەمڕۆ کاتژمێر ٠٩:٠٠ لە وێستگەی شەمەندەفەری ناوەندی هام دەستپێدەکات.