پەی فاڕای زیهنیەت و پیاسالاری و نەریتە دژە ژەنانەکا گلێرگە پەنەوازش بە زانست و ئشناسیاو ژەنێ هەن، کە ڕابەر ئاپۆ پېسەو بەشێوە سەرەکی ئایدیۆلۆژیاو ویش بەرهەمش ئاوردەن. بەرهەم و ئی زانستەیجە ئاخیزو ژەنی ژیوای ئازادین کە بییەن بە هومێڎو ڕزگاری مرۆڤایەتی.
تنووتیژی سەرو ژەنا یۆن چا کېشا کە چەنی بەرکەوتەو زیهنیەت و پیاسالاری بەرکەوتەن و تامێ توونوتیژی فراوانتەر بۆنە. چارەسەرکەردەو هەر ئاژێوە گلیرگەی پیویسیش پانەی هەن کە بەشێوێوە ڕاس و دروس پیناسەش پەی کریۆە؛ دوور جە زیهنیەت و دەسەڵاتی. ئارۆنە ئاژەو ژەنی یۆن چا ئاژا کە پەنەوازیش پانەی هەن کە چارەسەری تەمامش پەی بیزیۆوە، ئیمە ڕۆزگارێوەنە ژیومی کە توونوونیژییەکا سەرو ژەنا تامێ فراوانتەر و دڕندانەتەر بۆنە، ئینەیج زەمینەو ئانەیش وەشکەردەن کە جە کەسایەتی ژەنێچەنە تنووتیژی فراوان سەرو تەمام و گلیرگەی کریۆنە. دەسگێرتەی سەرو زیهن و ڕۆح و ژەنیرە بییەن بە سەرچەمە و واردەدای بە سیسەم و پیاسالاری و دۆڵەتی، ئارۆنە کە فرە باس جە پرس و جێندەری کریۆ پا واتەیە کە گلیرگێوە بە دڵ و دۆڵەتی چەنی وەشکریۆنە!
سەرەتاو ڕازەو ٢٥و گەڵاڕیزانی گێڵۆوە پەی ڕۆو ٢٥گەڵا ڕێزان و ساڵەو ١٩٦٠ی جە وڵات و دۆمێنیکانی. کوشتەو "پاتریا، مینروا و ماریا ترێز"ی کە بە دەسە واڵۍ"خوشک" میرابڵی نامێشا لوا، جەلایەن و "ڕافائیل تروخیۆ" کوشیێ، چێرو بەهانێ ئانەینە کە هامژینەکێشا دژو زوڵمی و ستەمو ڕژێمەکەیش بەشێوێوە فراوان پەرەشا بە کۆشیای دان. سەرەڕاو دڕندەی ڕژیمەکەو دۆمۆنیکای جە مانگۆ و یوەم و ساڵەو ١٩٦٠ینە پاتریا سەرۆکایەتی گلېرۊبیەیێش کەردو بی بە ئامیان و ئاخێزێوە فراوان پەی ئازادی ژەنا.
جە کاتێوەنە پیا جە پاڵ و ژیوایێوە ئازادانەینە چەنی ژەنێ ماناو بیەی بە دەس مارۆنە. ئەر جۆرو مرۆڤی بێ رەگەز بیێ، ئاوەختە چێوێ نە بەنامی ژەنێوە ۍ نە بە نامۍ پیایۆ، و تەنیا ڕوو وە ڕوو بییەو مرۆڤی بێنمۍ. ئا ڕاسییە ڕوانیۍ کە فرەچەشنۍ یاسێوە ژیوگەینۍ. پۆکەی ژەنی و پیا پێوەرە فرەی جە توخمات و مرۆڤی زامن کەرۆنە. پەوکەی هەردووە توخمەکە ماناو تایبەت و ویشا هەن و چی مانا تایبەتەیچەنە پەنەوازا هامبەشیش پەنە کەرانی.
ئارۆنە تێکشیەو هامبەشیکەردەی ژیواێوە ئازادانەی بیەن بە مەڵامەتو فراوان بیەو توونووتیژی دژو ژەنا، هەرپاسە جۆرە زیهنیەتێوە سەرپاکەوتەن جەلاو پیایۆ کە وێش بە ساحیبو تەمام و بییەو ژەنێ زانۆنەو. پۆکەی هەرجۆرە ژیواێوە کۆیلانە و دوور جە هەست و ئحساسی پەی ژەنێ بە ئاسای وینۆنە.
ئارۆنە مۆدێرنیتەو سەرمایەداری جۆرە ژەنێوەش بەرهەم ئاوردەن کە تەنیا بە بەیەنش ژەنینە، وەگەرنا پیسەو کاڵێوە بۍ ئەرزشی هەر یاگێوەنە پیشکەشەکریۆنە. پیسە ڕێبەر ئاپۆ ماچۆ بەبێ کۆیلەکەردەو ژەنۍ هیچ دەسەڵاتێوە مەتاوۆنە گلیرگەی لاواز و کۆیلە بکەرۆنە.
ژەنی ئارۆنە ڕووبەڕوو گرجۆرە توونووتیژێوە بۆوە، هەر جە دلی خێزانەکەیشۆ گیرە تا بە گلیرگەی و سیسەم و سیاسی. ئارۆنە مەیان و ئەرەیاونای یۆتەرا جا ناوەندا کە بۆردومان و کەسێتی ژەنیش چەنە کریۆنە، بەشێوێوە تەمام نێرسالارانە و هەر جۆرە بەکەم ویناێ جە بارەو ژەنێوە کریۆ ئاژەو وەشکەردەو بەرنامەی پەی دایوەنەو کەسێتی ژەنێ.
پەی فاڕای زیهنیەت و پیاسالاری و نەریتە دژە ژەنانەکا گلێرگە پەنەوازش بە زانست و ئشناسیاو ژەنێ هەن، کە ڕابەر ئاپۆ پېسەو بەشێوە سەرەکی جە ئایدیۆلۆژیاو ویش بەرهەمش ئاوردەن. بەرهەم و ئی زانستەیجە ئاخیزو ژەنی ژیوای ئازادین کە بییەن بە هیواو هومێڎو ڕزگاری مرۆڤایەتی.
