نزیک بە یەرۍ ساڵان هیچ ئەرە یاونێوە جە بارەو دۆخ و ڕابەر ئاپۆیۆ نییا، ئینیچ بیەن بە مەڵامەت و ئانەی کە گلیرگەو کوردی و تەمام و ئازادی وازاو دنیۍ نیگەرانۍ با، چی بارۆ. تامێ فشارو دڕندەیی دەوڵەت و ئەرەگیرو تورکیەی جە وەرانوەرو ئاخیزو کوردینە، فراوانتەر و دڕندانە تەربۆ. ٢٥ ساڵېن دەوڵەت و فاشیست و تورکیەی جە کەسایەتی ڕابەر ئاپۆینە درېژە بە کۆکوشی گلېرگەو کوردی میۆ، بەهامکاری ناتۆی. ئاخیزو پەکەکەی کە ڕەگ و ڕیشەش گېلۆوە پەی وەڵینگەو ١٥تا ٢٠ هەزار ساڵا،نمایندە و ڕۆحیەت و گلېرگەو سروشتی کەرۆ جە وەرانوەرو سیسەمی دەوڵەت گەراینە، کە جە زەقورەکا سۆمەریۆ و سەرچەمەگیرۆ، جە سیسەم و تازە گەری مۆدێرنیتەی سەرمایەداری‌و دەوڵەت نەتەوەینە ماوەو ٥٠٠ ساڵان وەرکەوت‌و میامینی بە خراپتەرین دۆخ‌و گیژاوەرە ویەرۆ. فەلسەفەو ڕابەر ئاپۆی ڕا چارەسەرو تەمام و ئا کیشەو ئاریشانە کە ژیانش نابووت کەردەن. ڕابەر ئاپۆ جە بارەو ڕەوش‌و گلیرگەو کوردی و نیشتیمانەکەیشۆ، وەڵۍ ئاواکەردەو پەکەکەینە ماچۆ ئێمە وەڵۍ ئانەی دەس بە ئاخېزی کەرمی، دووۍ ڕاسیېما پەی بەر کۊتۍ بێنۍ، ئاڎیچۍ ئانۍ بېنی کە نیشتیمانێما هەن کە نامیش کوردسانا، وە زاناما کە ئی کوردسانە ئەرەگیرکریان و پەنەوازەن کە ئازاڎ کریۆ. جە دماو ئی ڕاسیەیۆ پەکەکە بە سەرمەشقایەتی ڕابەر ئاپۆی‌و هەڤاڵەکاش دەسشا کەرد بە هورگیسناو ئاخېزی. زیاتەر جە ٥٠ ساڵان پەکەکە سەرمەشقی ڕۆحیەت‌و کوردی ئازاڎیی کەرۆ جە وەرانوەر و

سیسەم‌و سەرمایەدارینە، هەر ئینەیچ بی بە مەڵامەت و ئانەی کە ڕابەر ئاپۆ جە لایەن و ناتۆیۆ، بە ئامانج گیریۆ. تەمامو ئا دوژمنایەتیەی کە دەوڵەت و ئەرەگیرو تورکییەی کەرۆش جە وەرانوەرو گلېرگەو کوردینە بە هامکاری تەمام و ناتۆی ملۊڕاوە. سەروبەنوو فشارەکا تورکیەینە پەی سەرو سوریەی تا ناچاربۆدەسبەردارو مەنەیۆ ڕابەر ئاپۆی بۆ، حوسنی موبارەک سەرۆک‌و میسری سەردان‌و حافز ئەسەدی کەرۆ و ماچۆ بە حافز ئەسەدی کە پەنەوازا دەسبەردارو مەنەیۆ ئۆجالانی بی، تا نەگنی دلی جەنگێ گەورەی چەنی تورکیەی، وەگەرنا هیچ دەوڵەتێوە عەرەبی پشگیریت مەکەرۆ، چوونکە ئی جەنگە بەتەنیا جەنگ‌و تورکیەی مەبۆ چەنی سوریەی بەڵکو چەنگ‌و ناتۆین، پیجۆرە دیمەشق ناچارکریۆ کە دەسبەردارو ڕابەر ئاپۆی بۆنە و دماتەر بە هامکاری ٣٦ دەوڵەتا دەسگیرکریۆنە و ڕادەس‌و ئەنقەرەی کریۆوە. دماو ویەرڎەو ٢٤ساڵا جە دورگەو ئیمڕاڵینە ڕابەر ئاپۆ تەمام بڕیەنشارە جە پارېزنەر و بنەیانەکەیش، ئینەیج دژا بە تەمام‌و یاساکا ئۆروپای. جە ئیسەنە زیاتەر جە ٧٦ وڵاتانە وېنیشاندای پەی ئازاڎیی ڕابەر ئاپۆی‌و بەرئاردەو پەکەکەی جە لیست‌و تیرۆرینە ملۊڕاوە