گەنجا کورڎسانی و ئینتەرناسیۊنالیستی ۋېشا ئاماڎەکەرا پۍ ئانەی بەدروشمەو'بەڕۊحی ئاپۊیی بەرەو ڕاپیمای ئازاڎیی' جە ئەڵمانیانە مجیارە مېڎانەکا. پەی ئازاڎیی جەستەیی رابەر ئاپۊی جە بەینو ٣ پۍ ٨ و ئەیلوولینە گەنجۍ دەس بە چالاکی ڕاپیمای ئازاڎیی کەرا. چالاکیەکە جەبەینوو شارەکا دۊرتمۊنی و کۊڵنی جە ئەڵمانیا ئەنجام مڎریۊ.

کۊمیتەی ئاماڎەکار سەبارەڎ بە چالاکیەکەی سەروو هەژمارو ۋېشۊ جە تۊڕە کۊمەڵایەتیەکانە داواش کەرڎو ئەرەیاۋناش،"ئېمە گەنجا کورڎسانی و ئینتەرناسیۊنالیستی یۊگېرمۍ، دژ بە سەرمایەداری،فاشیزمی و کۊلۊنیالیزمی بەشېۋېوە ۋەرچەم ۋېڕاگری  کەرمۍ و سەرگنمۍ، پۍ ئانەی ئامانجەکاما کە ئازاڎیی ڕابەر ئاپۊیا بارمۍ دی درېژە بەکۊشیای مڎەیمۍ".

چەمەڕاکریۊ جە فەرەنسا، ئەڵمانیا، سویسرا، بەریتانیا و سەرانسەرو ئەوروپایۊ بەسەڎان گەنجۍ بەشڎاری جە چالاکی ڕاپیمای ئازاڎینە کەرا. یۋەم ڕۊو چالاکیەکەی کۊنفڕانسېوە جە بارەو گۊشەگیری سەرو ڕابەرو گەلوو کورڎی عەبدوڵا ئۊجالانی ساز کریۊ.

بەرنامەو کۊنفرانسەکەی پی جۊرەنە:

٢-٩-٢٠٢٣ کۊبیەیۊ – برۊنستراس ١٦٦ دۊرتمۊند

٣ -٩-٢٠٢٣ ڕۊی یۋەم – کۊنفرانس

٤ -٩-٢٠٢٣ ڕۊی دووەم – دۊرتمۊند ئېچ بی ئېف – بوخۊم ئېچ بی ئېف

٥-٩-٢٠٢٣ ڕۊی یەرەم- بۆخوم ئێچ بی ئێف- ئەسەن ئێچ بی ئێف

٦-٩-٢٠٢٣ ڕۊی چوارەم- ئۆبەرهاوسن ئێچ بی ئێف – دویسبورگ

٧-٩-٢٠٢٣ ڕۊی پەنجەم- نییوس ئێچ بی ئێف- دۆسێلدۆرف ئێچ بی ئێف

٨-٩-٢٠٢٣ ڕۊی ششەم- کۆڵن ئێچ بی ئێف-کۆڵن موڵهەیم

هـ.ش