ڕاپیمەراو ئازاڎی مەنتێقەو گمگموو موشی هاکان بۆکشور، کە جە مدرامانوو کۆبانێنە  ٧ تشرینوو دووەموو ٢٠١٤ ئەنجاموو گولەوارانوو زرەپۆشانە گەشمەرڎە بی، حەرپاسە گەریلاو یەژاستاری کەوسەر ئەلتورکە (ئەکین وان)ە، کە ساڵەو ٢٠١٥ گەشمەردێ بییە و جەنازەکەش شێونیا، یاڎێ کریێوە.

چالاکێ یاگێ گولەوارانکەرڎەی بۆکشورینە دەیەقێوە ڕێزگێرتەیشا نیشانە دا، پەرلەمانتاروو دەم پارتی عومەر ئۆجالان قسێش کەردێ و باسوو ئانەیش کەرد لەوە کرد هاکان چی یاگێنە دڕندانە کوشیا، واتش: "پڕۆسەو چارەسەری پی غەڵەتا دماییش ئاما، بەڕێز ئۆجالان ٢ ساڵێ قسێش کەردێ و ونی نەمجیا.  مدرامانوو کۆبانێنە دەیان هامڕێما کوشیێ. ئێمەیچ ئیساتێ شۆنەو ڕاسی و ئاشتییرە گێڵمێ. ئێمە سەروو ڕاو ئاشتی و یەکسانییوە ویەرمێ. ئینە هەرمانەو پارتەکەیمانە. گەلەکەما هومێدش بە ئێمە هەن و ماچمێ "پەی ئازاڎیی بەڕێز ئۆجالانی هەرمانە کەردێ". پەوکای ئێمەیچ ئینایمێ چێگە. وەعد بە هامڕا هاکانی مدەیمێ، تا بەدیئارڎەی ئاشتی کۆشیەیمێ".

"تاوانوو جەنگیشا کەرد "

چالاکە ژەنەکێ لوێ یاگێ بەخاکسپارای جەنازەو گەشمەرڎە ئەکین وانی و دەیەقێوە ڕێزشا نیشانە دا. پەرلەمانتاروو دەم پارتی نەورۆز ئویساڵ واتش: "دماو پرۆسەو ئاشتیی دەوڵەتوو تورکی ڕاو هەرمانە نائینسانانەکاوە گردوو شارەکاو کوردستانینە تاوانوو جەنگیش کەرد".

ئویساڵ ڕۆشنایش وست سەروو شێونای جەنازەو گەشمەرڎە ئەکینی و واتش ئینە هجووم و پەیامێوە بێ پەی ژنان و گەلوو کوردیچ، وەلێ ژەنێ سەرانسەروو کوردستانینە بەردوامێنێ جە مدرامانی و واتش: "حەر کۆکوشیێوە سەروو ژەنێ هاموەخت هجووما پەی سەروو پارادایموو ژەنێ لاو بەڕێز ئۆجالانیوە، چی ڕاپیمایەنە میاومێ ئا راسییەیە، ئازاڎیی بەڕێز ئۆجالانی، ئازاڎیی ژەنێن. بەڕێزۆ ئەکین و وانی یاڎ کەرمێوە".