عاسم دەمیری عمر ٦٦ ساڵ زینڎانو نۊعو ئێڵی ئەسپیەی گیرەسون-ینە زینڎانییا. سەرەڕاو ئانەی کە ماوەو سزاکېش تەمام بیەن، ئازاڎ مەکریۊ. دەمیر فشارەکا دەسەی چەمڎاری و کارگێڕی زینڎانەکا پۍ پەشیمانبیەیۊ ڕەڎکەرۊۋە، حەرپۊکەی ئازاڎکەرڎەیش پۍ جاری یەرەمی دما وزیان.

ساڵەو ١٩٩٢ و جە دماو ٤٠ ڕۋا جە گېرتەیش دادگاو ئاسایشو دەوڵەتی بە بانگەشەو ' تێکدای یۊبیەی و یەکپارچەیی دەوڵەتی' سزای زینڎانی حەتاحەتاییش سەرو عاسم دەمیریرە سەپنابۍ. دەمیر جە مووش ٢ ساڵۍ، جە دیلۆک ١٣ ساڵۍ، جە میدیات ٥ ساڵۍ، جە ئۆردو ٨ ساڵۍ زینڎانی کریابۍ، دماتەر جە ساڵەو ٢٠٢١ی بەرەو زینڎانو نۊعو ئێڵی ئەسپیەی گیرەسونی دوور وزیاۋە. بەمەڵامەتو ئانەی دەمیر فشارەکا جەبارەو بەربڕیەی پەشیمانی قبوڵ مەکەرۊ، بە قەرارو دەسەی چەمڎاری و کارگێڕیی زانیڎانی ئازاڎکەرڎەیش جە مانگەو ئادار و دماتەریچ جە مانگەو حوزەیرانی پۍ یەرۍ مانگا دما وزیا.

هەدیە دەمیرەی هامسەرەش باسش چانەی کەرڎ کە ڕاۋەبەرۍ زینڎانی فشارۍ فرەش ۋنەکەرا و نا حەقیا کە سەرەڕاو دمایی پنە ئاماو سزاکېش ئازاڎش مەکەرا. دەمیرە ۋاتش، "مشۊم بە خېرایی دمایی پا کردەوە نایاساییە بۍ. زینڎانییەکە ٣٠ ساڵېن ئینا زینڎانەنە و سزاکېش تەمام کەرڎېنە. سەپناو پەشیمانی جە دژوو شکۆمەنڎیی ئینسانین. مشۊم تەمامو زینڎانیا ئازاڎ کریا.

هـ . ش