"بە وانایوەی مانیفێستەکاو ڕابەر ئاپۆی وێما ڕێک موزمێ"
یاسەمین مەشایخە ئاماژەش پانەیە کەرد، کە وانایوە مانیفێستەکاو ڕابەروو گەلوو کوردی عەبدوڵڵا ئۆجالانی فرسەتێوە گەورەن پەیشا و واتش:" ئێمە وێما سەروو بنەماو ئی مانیفێستا ڕێک موزمێ."
کەمپەینوو " ئازادیی پەی عەبدوڵا ئۆجالانی، چارەسەری سیاسی پەی کێشەو کوردی" لوان قۆناغوو، گەلێ سەرتاسەروو سەرنیشت و وەرکەوتوو سووریاینە دەسشا کەردەن بە وانایوە مانیفێستەکاو ڕابەروو گەلوو کوردی عەبدوڵڵا ئۆجالانی و گرووپێ وانایۆشا ئەرەمەرزنێنێ و دلێ ئا گرووپانە، گرووپێ سەربەوێ ژەنایچ هەنێ. وانای مانیفێستەکاو ڕابەروو گەلوو کوردی عەبدوڵائۆجالانی ٧ کانتۆنێنە بە ئەرەمەرزنای گرووپا دەسش پەنە کەردەن، گردوو شار و هەرێمەکانە، چالاکییەکێ بە بەشداریی فرەو جەماوەری خێرامایشا وەنە مکریۆ. حەرپاسە دەزگا و ڕێکویزا وێڕاوەبەرییە دیموکراتیکەکێ بە گردوو ئەندامەکاشاوە بەشدارییشا چالاکییەکەنە کەرد.
بە سەرمەشقایەتیی جمیەروو گەنجە دیموکراتیکا و گرووپێوی ژەناو قامیشلۆی، پەی وانایوە مانیفێستەکاو ڕابەروو گەلو کوردی عربدوڵڵا ئۆجالانی ئەرەمەرزیان، گرووپەکە جە یۆبییەی ڕۆشنویراو کانتۆنوو جزیرەی، یۆبییەی کرێکارا و هونەرمەنداو شاروو قامیشلۆی و ڕێکوزیاو وەرنیشتی و چندین ڕێکوزیێ تەرێ وەشێ بیێنێ. گرووپەکە حەفتێ دووێ جارێ (دووە شەممە و پەنج شەممە) کوێ باوە و وانایۆ مانیفێستەکا ملۆ ڕاوە.
وانایۆکا بە زوانی کوردی و عەرەبی ملا ڕاوە
بۆنەو ئانەیوە کەسانێوە تەرێ جە نەتەوەکای تەریوە بەشدارێنێ جە گرووپەکانە، مانیفێستەکێ بە زوانە جیاجیایەکا پێسە عەرەبی و کوردی مونیاوە. وانایوەکانە قسەوباس ڕووە مدۆ. سەبارەت بە حەر بابەتێوە دەس بە ئەوەکۆڵیای مکریۆ، پەیلوای و پەرسەکێ موزیانە ڕووە، گردوو ئا ژەنا بەشداریییشا قسەوباسەکانە کەردەن، پەیلوایەکێشا بەروستێنێ، گەرەکشانە سەروو بنەماو هزر و فەلسەفەو ڕابەروو گەلوو کوردی عەبدوڵا ئۆجالانی وێشا ڕێک بوزا.
ئامانج وەڵاکەردەیوەی هزر و ویرۆکەکاو ڕابەر ئاپۆیا
یاسەمین مەشایخە ئەندامەو ئەنجوومەنوو ڕاوەبەریی ڕۆشنویراو کانتۆنوو جزیرەی و ئانەش وست ڕووە، کە مەبەست جە وانایوە منایفێستەکاو ڕابەروو گەلوو کوردی عەبدوڵڵا ئۆجالانی هۆشیارکەردەیوەی گرد لاێوەن بە پەیلوایەکاش و واتش:" ئامانجی سەرەکیما جە وانایۆشا وەڵاکەردەیوە ویروڕاو ڕابەرایەتیمانە، ئێمە ئیساتێ مانیفێستوو کۆمەڵشناسیی ئازادیی موانمی، ئێمە پێسەو ژەنا مشۆم ئیسفادێطوە فرە چی مانیفێستا هوربگێرمێ. دماو شۆڕشو وەرنیشتی فرسەتی فرە پەی وانایوەۆی ئامان وەرۆ، ، ڕاسا دەوڵەتی فاشیستوو تورکی گۆشەگیرییشسەروو سەرۆک ئاپۆیرە سەپنان، وەلێ ڕا و ڕێبازەکاو سەرۆک ئاپۆی ئینێ دەسو ئێمەنە، مشۆم بەردەوام سەروو هزروو ڕابەر ئاپۆی وێما ڕێک بوزمێ."
