باقرخان: دمایی بە گۆشەگیریی ئیمراڵی باردۍ
هامسەرۆکی گردینوو دەم پارتی تونجەر باقرخان واتش: "ئەگەر شمە حەز بە ئاسایی بیەیۆ کەردێ، مشۆم بزاندێ چارەسەر ئنەو دوورگێوە چنەتاوە دوورا".
گلێرۆبیەی فراکسیۆنوو دەم پارتی
هامسەرۆکوو گردینوو پارتوو یەکسانی و دیموکراسیی گەلا (دەم پارتی) تونجەر باقرخان جە گلێرۆبیەی حەفتانەو فراکسیۆنوو پارتەکەیشەنە دەربارەو ڕۆژەڤەکا قسێش کەردێ.
بۆنەو ١٥ ی ئایاری جەژنەو زوانی کوردییوە، باقرخان بە زوانی کوردی دەسش بە قسەکاش کەرد، جە کەسایەتی جەلادەت عەلی بەدرخانی و عوسمان سەبری و قەدری جانۍ و جگەرخوێنی و محەمەد شێخۆی و ئارام تیگرانی و ئاپێ موسای و فەرزاد کەمانگەرینە گردوو خەباتکارا زوانی کوردیش ویرئاوردێ و واتش: "بە کوردی منویسمێ و قسێ کەرمێ و ویرکەرمێوە". باقرخان سەرنجش وست سەروو ئاستەنگەکا وەروودەم و زوانی کوردی و ئەرەیاوناش سەرەڕاو ئینیشا گردی، زوانی کوردی بیەو وێش پارێزنان.
باقرخان سەرنجش وست سەروو فشارە سیاسییەکا سەروو پارتە کوردی و ئۆپۆزیسیۆنەکا، بەتایبەت کەردەیۆ دۆزوو کۆبانێ دژوو سیاسەتمەدارا کوردی و واتش: "ئەگەر ئاسایبیەیۆیێ حەقەتینەتا گەرەکا، دمایی بە دۆزوو کۆبانێ و دۆزە سیاسییەکا تەری باردێ".
دماتەر باقرخان داواش کەردە دەسەڵات دمایی بە گۆشەگیری ڕەهاو سەروو ڕابەروو گەلو کوردی عەبدوڵا ئۆجالانی بارۆنە و واتش: "هەروەخت بەڕێز ئۆجالان دەوروو وێش جە ئاشتی و چارەسەرینە گێڵنابۆ، فەرحانی ئامان وڵات، گەنجا بە هومێدێوە گەورۆ تەماشەو ئایندەو وڵاتی کەرێنێ. بەڵام هەروەختێ دەسوەردای کریان جە سیاسەتوو دیموکراتیکینە، بێهوایی و قەیرانی ئابووری و ملیۆنان کەسێ ناهومێدێ بەرکەوتێنێ. بەڵێ ئاسایبیەیۆ عالا، بەڵام ئەگەر ئاسایبیەیۆ حەقەتینەتا گەرەکا، مشۆم بزاندێ چارەسەر ئنەو دوورگێوە [ئیمراڵی] نزیکا چۆتاوە".
باقرخان ئەرەیاۋناش گرنگتەرین پرس جە تورکیانە، پرسوو کوردین، ڕاو ئاسایشوو دلێینەی و بەروو تورکیای، بریتییا جە ئاشتی بەینوو تورکی و کوردی، تا ئی ئاشتییە نێ دی ئابووری و ماف و دیموکراسی هەرپاسە لەرزۆک بۆ، جەختش کەردۆ ئاسایش بە تۆپ و تفەنگ و فیشەکۍ و ئۆپەراسیۆنوو بەروو وڵاتی و نکۆڵی و پەشتگۆش وستەی کورداوە نمێ دی، پێویسا ئاشتیێوە گلێرگەیی جە بەینوو کورد و تورکینە بێ دی و ئازادیی و دیموکراسی چەسپیۆ.
* چارەسەری پرسوو کوردی بە ئیسفادەو تورکیای و وەرکەوتوو دلێڕاسەین، پێویسا ئەرەنیشتەی بکریۆ پەی بەدیئاردەی چارەسەری، بەبێ ئینەی سەدەی تازەو تورکیای و دەستوور نمەیا دی.
* مسۆگەرکەردەی مافوو سیاسەتی دیموکراتیکی و ڕاگێرتەی جە کودەتای سەروازی و سیاسی.
* هەرمانکەردەی هامبەش پەی چارەسەری قەیرانەو ئابووری، پارێزنای مافوو کرێکارا و هەژارا و گلێرگەی.
* دمایی ئاردەی بە هجووم و سەرو ژەنا و بنیاتنیای گلێرگێوە یەکسان و ئازادیوازی.
* پەی ئاشتی گلێرگەی پارێزناو مافوو گرد لێوە، مردایۆ دژوو جیاکاری یاسایی وەراوەر بە کوردا و کرێکارا و شۆڕشگێڵنا و ئۆپۆزیسیۆنەکا. نیایرەو دەستوورێوە سەروو بنەماو دیموکراسی هەرێمی و دابەش بیەی هێزەکا. وەنایۆ حەقەتینەو پەیامەکا گەلی جە ٣١ و ئادارینە، هەرمانکەردەی پەی ئاشتی و دادپەروەری و ئارامی جە وڵاتەنە.
جە دماینەا باقرخان داواش جە تەماموو کوردا وەرکەوتوو دلێڕاسەی کەرد یەکێتی نەتەوەیی کوردا پارێزنا و کەس هەوڵ نەدۆ پەی تێکدای یەکێتی نەتەوەیی کوردی پەی هیچ مەسڵەحەتێوە، ئەرەیاوناش یەکێتی کوردا دژوو هیچ لێوە نییا، بە ئیسفادەو تەماموو کوردا و وەرکەوتوو دلێڕاسەی مەڕیۆوە، واتش: "ئینە هەڕەشێ نییەنە پەی سەروو دیموکراسی تورکیای، بەپێچەوانۆ، دیموکراسییەت و ئازادیی چنی وێش مارۆ. بەیدێ پێوەرە جە ڕاو دیموکراتیکیۆ پرسوو کوردی چارەسەر بکەرمێ".
باقرخان ئەرەیاوناش جە گلێرۆبیەکاشانە دماو هۆرچنیەکا ٣١ و ئاداری چنی پارتە سیاسییەکا چن پێشنیارێوەشا وستێنێ ڕووە، پێشنیارەکێ بە پوختی چا پەنج خاڵەیە پێکئامێنێ:
