جە دەن هاگ، یۊ جە سەرمەشقا جمیەرو جەمەو گەنجا ، باران ماوا (عەلی ئۆنجو) کە جە ٧ و تەمووزو ٢٠١٨ گەشمەرڎە بیەبۍ، حەرپاسە پۍ گەشمەرڎا تەرو جەمەو گەنجا مەراسیمێۋە یاڎکەرڎەیۊ سازکریا. چالاکیەکە جە لایەنو ئەنڎاما جمیەرو گەنجا شۆڕشگێڵی (تەجەشە)ی و ۋڵاڎپارێزا کورڎسانیۊ سازکریابۍ.

چالاکی یاڎکەرڎەیۊکەی جە کەسایەتی باران ماواینە، بە دەیەقېۋە بێدەنگی پۍ گیانو گرڎو گەشمەرڎا ئاخېزو کورڎسانی دەسش پنەکەرڎ. جە هۆڵەکەنە ۋێنەکۍ 'بەرژین زەندا، نودا ئەلفتریا، ئاخین ماهیر دیجلە، ئاندۆر ئۆزگور، ئامەد و باران ماوا'ی نریېبێنێرە. جە یاڎەکەنە بەڵگەفیلم سەرو ژیای باران ماوای نمایش کریا.

دماتەر بە نامۍ (ئەنجومەنو خانەواڎەو گەشمەرڎاوە) قسۍ کریۍ و چنەشەنە ئامابۍ، "مشۊم وەعدما ۋەران ۋەر بە گەشمەرڎا بەرمۍ سەر و پۍ سەروستەو کۊشیای ئاڎیشا ئانەی گنۊ سەرو شاناما کەرمېش".

یاڎەکە بە دروشمەکا "گەشمەرڎۍ مەمرا"، "بژیۋۊ سەرۆک ئاپۆ" و "بژیۋۊ مدرامانو گەریلا" ی دمایش پنە ئاما.

هـ . ش