سەرسەعبوو ئارۊی بە ئاماڎەبییەی نوێنەروو پارت، ڕێکوزیا، عەشیرەت و کەسوکاروو قوربانییاو شەنگالی هۊتیلەو نەغدەی میاننەتەوەیینە بە مێمانداریی فرەو کەسایەتییە ئەکادیمیا و نوێنەراو نەتەوەی جیاوازا، پارتە سیاسییە عێراقییا و کوردستانییەکا جە نۊیەمین ساڵیاڎوو کۊکوشیی ٣ ئاب کۊنفڕاسێوە بەسیۊ.

  کۊنفڕاسەکە جە ڕاو وێڕاوەبەریی شەنگالیوە بە درووشموو (وێڕاوەبەری گەرەنتی پێکئاما جیاوازەکاو عێراقین) ڕێکوزیان، قەرارا وێرەگا بەرڎەوام بۊ.

چا بارەوە غەزال ڕەشۊ وەرپرسوو کۊمیتەی دیبلۊماسیی وێڕاوبەریی شەنگالی، ئەرەیاوناش:"  کۊنفڕاسەکەنە تاوتۊو مافەکاو گەلوو ئیزدی کریۊ، بە پاو دەستووروو عێراقی، ئێمە جەخت چانەیە کەرمێوە گەلوو ئیزدی مافوو وێشا پێسە پێکئامایۍعێراقی وێش وێش بەرۊ ڕاوە، ئا ئەمرۍملوو گەلەکەیمارە چەسپیا، بەڕسمی لاو حوکمەتوو عێراقیوە پێسە جینۊسایدی بشناسیۊ".

ئا وەرپەرسەو وێڕاوەبەریی شەنگالی ئانەیچش وست ڕووە، کە جە کۊنفڕانسەکەنە "دەربارەو بابەتوو ئا کناچا، کە هەڵای دەسوو داعشینە مەنێنۍ، چەنی گێڵایۊ ئیزدییەکا هەرمانەی وەڵێنێمانە و واتەواچش سەرۊ کەرمێ".

سەبارەت با ئیزدییا، کە تا ئیساتۍکەمپەکانە مژیوا نامێبریا واتش:" داوا جە گەلیما کەرمۍکە گێڵاوە پەی سەروو حاڵویانەو وێشا چونکوم گرد گەل و ئەتنیکێوە ماواو وێشنە متاوۊ وێش پارێزنۊ، پەوکای ئێمە پێسە وێڕاوبەریی شەنگالی چێشما پەنە کریۊ پێشکەشوو گەلەکەیماش کەرمۍ، حوکمەتوو عێراقیچ جە پڕۊژە یاساو بودجەو عێراقینە بودجەی تایبەتییش تەرخان کەرڎەن، پەی ئاوەدانکەرڎەیۊ شەنگالی، هەرچندە ئانە کە دیارییش کەرڎەن وەسۍنیا پەی ئاوادانکەرڎەیۊ شەنگالی، وەلۍکاریگەرییش هەن سەروو ئاوەدانکەرڎەیۊ شارەکەی".

س.ز