دۆزوو کۆبانێ کە پېسە فرت و فێڵ و ساختەکاریێوە دەسەڵاتی دژ بە هەدەپەی منریۆرە، بە بەهانۍ ۋێنیشانداکاو ٦-٨و تشرینی یووەم و ٢٠١٤ ی دژوو هجوومەکا داعشی پەی سەروو کۆبانێ کریانۆ.

جە دۆسیەکەنە کە ١٠٨ سیاسەتمەدارۍ دادگایی مکریا، ١٨ کەسێشا زینڎانیێنۍ و ئارۆ ئەرەنیشتەو قەراردای سەروو دۆسیەکەی ملۆڕاوە.

ئەرەنیشتەکەی جە هۆڵوو زینڎانی سینجانی ملۊڕاوە. هامسەرۆکاو گرڎینوو پارتوو یەکسانی و دیموکراسی گەلا (دەم پارتی) تولای حاتەمئۆغیولاریە و تونجەر باقرخان جە هۆڵوو دادگاینە ئاماڎۍ با.

بۆمانی مکریۆ سیاسەتمەدارا زینڎانی بەشداری جە ئەرەنیشتەکەینە نەکەرا. نامۍ سیاسەتمەدارە زینڎانیەکا پی جۆرەنە: "فیگەن یوکسەکداغە، سەلاحەدین دەمیرتاش، عەلی ئورکوت، گونای کوبیلای، نەزمی گور، ئیسماعیل شەنگول، بولەند پارماکسز، ئاڵپ ئاڵتنۆرس، سەباحەت تونجەلە، زەینەب کارامانە، زەینەب ئۆلبەجیە، ئاینور ئاشانە، ئایشە یاغیجیە، ئایلا ئاکات ئاتا، دیلەک یاغلی، پەرڤی ئۆدونجو، مریەم ئادیبەلی و گوڵتەن کشاناکە.