نزیکەو ٣ ساڵان هیچ زانیارییوە دەربارەو ڕابەروو گەلوو کوردی عەبدوڵا ئۆجالانی دەس مەگنۆ،  براو ڕابەروو گەلوو کوردی عەبدوڵا ئۆجالانی، محەمەد ئۆجالان و پارێزنەرەکەش مەزڵوم دینچ، بەمەبەسوو کەردەی دیداری سەرێ سەرۆکایەتیی داواکاری گردینوو کۆماروو بورسای و ڕاوەبەرایەتیی زیندانوو ئیمراڵییشا کەرد.

براو عومەر خەیری کۆناری، عەلی کۆنار، براو حامیلی یەڵدرمی، پۆڵات یەڵدرم، واڵێ وەیسی ئاکتاشی، مەلیحە چەتینە، پەی کەسوکارەکەیشا کە ئینێ ئیمراڵیینە چێروو گۆشەگیرییوە تندینە سەرێ سەرۆکایەتیی داواکاری گردینوو کۆماروو بورسای و ڕاوەبەرایەتیی زیندانوو ئیمراڵییشا کەرد.  

پەیوەندیی ڕابەروو گەلوو کوردی عەبدوڵا ئۆجالانی بە جبەریوە، بە تەمامەتی بڕیان.  جوابوو داواکاریی چەمپەنەکەوتەی مەدریۆوە، فرەو جارا دماو چندین مانگا، سزاو دیسپلینی پێسە بە بەهانێ بە پارێزنەرەکا ماچا.

بە پاو ڕاپۆرتەو دماینەو نویسیگەو یاسایی سەدەی، کە جە ١٧ کانوونوو دووەمینە وەلا کریاوە، سالەو ٢٠١٤ تەنیا ٥ جاری بنەیانەکێ دیدارشا کەردەن.