ئەوەڵوو تارێخییەنە تا ڕۊو ئارۊی چندین سەرەورڎایۍ کورڎا  پەی دۊزوو سەربەوێیی کوردستانی کریێنۍ، چندین ئەرەپڕایێچ بە هامکاری بڕۍ لایەناو کوردی چەنی دوژمنی، سەرکوتۍ کریێنۍ. یۊ چانیشایچ کۊماروو مەهابادین، کە ١١ مانگۍ درێژەش کێشت و سەروو دەساو بنەیانەو بارزانیرە، کە چەکدارەکێشا کێشنێوە و سەرکوت کریا. ئارۊیچ دیسان بنەیانەو بارزانیی وەراوەرووجمیەروو ئازادیی کوردستانیوە لوێنۍ پاڵوو دوژمنی و جەنگوو دلێنەبەرڎەی کەرا و هجووم کەرا و هجووم کەرا سەروو وەرنیشتی. بە وستەیرەی دەروازەو سنووروو بەینوو پانیشتی و وەرنیشتی، بە هامکارییەکاو هجوومەکاو سەروو هەرێمەکاو پارێزنای مێدیا و شەنگالی، مەخموور و گرڎوو ئا یاگا کورد دلێشانە مژیوۊ ئاستوو خیانەتوو وێشا نیشانە دان. سەبارەت بە هەڵوێستی دوژمنکارانەو بنەیانەو بارزانیی، ئەنداموو ئەنجوومەنی گرڎینوو پارتوو یۊبییەی دیموکراتیک (پەیەدە)ی، ساڵح نوح قسێش پەی بۊ ئاژانسوو هەواڵوو فورات (ANF)ی کەرڎۍ.

'گنا وەروو نەفرەتەو تارێخیوە'

ساڵح نوح باسوو ئانەیچشە کەرد، ئینسان تووشوو سەرسڕمەنەی و سەروەنەشێویای بۊ، کە چەنی ئا دۊخەیە ورسەنگنۊ پێسە واتش: "ئیتر بنەیانەو بارزانیی ئاستوو خیانەتیشا ویەرنان. ئا کرڎەوە نائەخلاقیۍ گنا وەروو نەعلەتەو تارێخیوە. فرە ئەرەپڕایۍ و سەرەورڎایۍ کورڎا سەروو دەسوو خیانەتکاراوە پێسە سەرکوتۍ کریێنۍ. نموونەو مەهابادی وەرەچەمتەرینا. بنەیانەو بارزانیی هێزەکێشا کێشنێوە و ئیتر کۊمار بە قەنارەدای ڕابەراو کوردی یاوا ئاخر. بنەیانەو بارزانی بەرڎەوام پەی بەرژەوەندیی وێشا جووڵیاوە. سات و سەودا سەروو ئیرادەو گەلەکەیشاوە کەرا. ئا خیانەتە جە بنەیانەو بارزانییوە دەسش پەنە کەرد، ئانا پەی مەسعوود، نێچیرڤانی و مەسرووریچ مەنەنۊ. هەرکام چادیشا بە جۊرێوە گوزارشت وەنەو چیرۊکەو خیانەتی کەرۊ، وەلۍ تارێخ نەعلەتەشا وەنە کەرۊ. ".

'بنەیانەو بارزانی دژوو گەلوو کوردی و ئیرادەو ئازادیوازی جەنگ کەرۊ'

نوح کۊکوشی جە خەسەخانەو هەولێرینە و دژوو ڕاویاراو ڕاو ئازادی کە سەروو دەسوو بنەیانەو بارزانیوە کریابۍ، یادش کەرڎۊ و پێسە درێژەش دا پەنە: "ئا کۊکوشییە سەروو دەساو فاشیزمی و بنەیانەو بارزانییوە کریا. گەرەکشابۍ ئیرادەی ئازادی دلێنە بەرا. بە درێژایی تارێخی دوۍ خەتۍ بیێنۍ، یووە خیانەت و ئەوەی تەرە کۊشیای پەی ئازادی.  ئا دووە خەتۍ بەرڎەوام هامتەریبۍ یۊی لوێنۍ، ئارۊ کەشەکاو کوردسانینە گەریلا پەی ئازادیی کوردستانی مدرامانێوە ئەفسانەیی کەرۊ. وەلۍ لاو دەوڵەتوو تورکی ئەرەگیری و پەدەکەیۊ، کە نوێنەرایەتیی بنەیانەو بارزانی کەرا، هجوومی دژوارشا کریۊ سەر. بنەیانەو بارزانی پەی بەرژەوەندیی بنەیانەکەیشا گرڎ چێوۍ کەرا و هیچ نەمەنەنۊ نەکەراش.  

نوح دەستنیشانش کەرد کە بنەیانەو بارزانی دژوو گەلوو کوردی و ئیرادەی ئازادوو ئا گەلەیە جەنگ کەرا و پێسە واتش: "گەرەکشانە وەراوەروو شۊڕشوو ١٩و تەمووزی و مدرامانوو کەشە ئازادەکانە مرڎاوە و دلێشانە بەرا. پەدەکە ئیتر جە ڕووەو خیانەتیوە وێش سەلەمنان. وەرەچەماو دنیێوە ئانەیە کەرۊ، ملا عەفرین و چا بنۍ وزا. نامۍ کوردی بەکارە مارا و بەشداری جە پلانەو  تاڵانکاری و فاڕای دیموگرافیای کەرا. وەلۍ جە حەقیقەتوو کوردی و کوردستانیوە دوورێنێ".

نوح ئانەیچش وات، کە ئیتر وێورەشی و خیانەت بییەن بە ڕێبازوو ژیوای بنەیانەو بارزانی و پێسە دماییش بە قسەکاش ئارد ، "ئێمە قوربانی و شییەینەی قورسمان دان، مشۊم  بزانیۊ، کە ئادۍ هەرگیز سەرکەوتۍ مەبا، ئا ئینسانە کە خیانەت وەنەو گەلەکەیش کەرۊ، ئاخیرۊ بە دەسوو دوژمنوو کورڎا دلێنە مشۊ".

س.ز