لەندەن

ئەنداموو دەسەو فەرماندەیی هەپەگەی ئۆرهان بینگۆل (عەلی دینچەر)، کە ٦و حوزەیرانوو ٢٠٢٤ هەرێمەکاو پارێزنای مەدیاینە هجووموو ئەرەگیریی دەوڵەتوو تورکینە گەشمەردە بی، بیناو ئەنجوومەنوو گەلوو کوردینە بەریتانیاینە مەراسیمێوەنە یادش کریاوە، کۆمسیۆنوو بنەیانەو گەشمەرداو گەلوو کوردی  مەراسیمەکەش ساز کەردەبێ.

مەراسیمەکە بە دەیەقێوە بێدەنگی و مدرای پەی یادوو گەشمەردا دەسش پەنە کەرد، چەنی بنەیانەی و کەسوکاروو گەشمەردە فەرماندە ئۆرهان بینگۆلی ژمارێوی فرەو کوردسانییایچ ئامادێ بێنێ.

مەراسیمەکەنە ئاماژە پانەیە کریان، کە گەشمەردە ئۆرهان بینگۆل کەسایەتیی وێشنە نیشانەش دا، کە هەڵوێست دژوو داگیرکەری و خیانەتی مشۆم بە چە شێوێوە بۆ.

ساینت ئاڤۆڵد

شاروو ساینت ئاڤۆڵدوو فەرەنسایچەنە پەی هەمان مەبەستی مەراسیمێوە یادکەردەیۆش ساز کەرد.

مەراسیمەکە ناوەندەکاو کۆمەڵەو دیموکراتیکوو کوردی ساینت ئاڤۆڵدی و ستراسبورگیوە ڕێک وزیابێ.

دماو دەیەقێوە بە بێدەنگی مدرای پەی رێزگێرتەی یادوو گەشمەردا، بارەو کۆشیای گەشمەردە ئۆرهان بینگۆلی بەڵگەفیلمێوە نمایش کریا.

 مەراسیمەکەنە بە بەردەوامی دروشمەکاو "گەشمەردێ نمەمرا"، "بژیوۆ سەرۆک ئاپۆ"ی وچیێنیوە و دمایی زاهیدە دینچەرە واڵێ گەورێ گەشمەردە ئۆرهانی قسێش کەردێ و سەرەوەشییش وەنەو ڕابەروو گەلوو کوردی عەبدوڵا ئۆجالانی و سەرجەموو گەلوو کوردی کەرد و واتش: گەشمەردە ئۆرهان تەنیا گەشمەردەو بنەیانەکەیشا نییەن، بەڵکوم گەشمەردەو کوردستانین.

زاهیدە دینچەرە واتش:" براکەم هامسەرگیرییش کەردەبێ،زارۆڵێوەیچش بێ، بەڵام دەسبەردارشا بێ کە پەی ئازادیی گەلوو کوردی بکۆشیۆ و پەنەوازا گەنجێ ڕێبازوو گەشمەردە ئۆرهانی بگێرانە وەر و واتش: "دوژمن ئارۆ دلێمانە بەرۆ. سەرەمڕ کوردێ مکەرۆ ئامانج. پێسە چەنی وەڵێ ٣٢ ساڵانە ئۆرهان دەسش بە کۆشیای کەرد، ئانە بانگەوازوو کۆشیاین ڕووەو شمە، بڕوام هەنە کە کوردسانی ورمێزندێوە سەروو پایا و زیاتەر قەوەتێما مکەرۆ".