باسکی وانی "ڕاپیمای گەورەو ئازادی"ی کە بە داواکاریی ئازادیی جەستەیی ڕابەروو گەلوو کوردی عەبدوڵا ئۆجالانی و چارەسەری دیموکراتیکوو پەرسەو کوردی، دەسشپەنە کریان، گەڤەرنە بە چەپڵەڕێزان و هەلهەلێ بەرەو جۆلەمێرگ یانەئاواییشا وەنە کریا. هامسەرۆکی گردینوو پارتو هەرێمە دیموکراتیکەکا (دەبەپە) کەسکین بایندر، هامسەرۆکی فیدراسیۆنی کۆمەڵەکاو پەشتیوانیی یاسایی جە بنەیانەو زیندانییا و سزادریایاو مەد (مەد توهاد-فەد)ی ئەمینە کایا، پەرلەمانتاراو پارتوو یەکسانی و دیموکراسیی گەلا (دەم پارتی) و ژمارێ فرێ  جە نوێنەراو ڕێکوزیا مەدەنییەکا بەشدارییشا جە ڕاپیمایەکەینە کەردەن. بەشداربیێ وەردەموو بیناو دەم پارتیینە گەڤەرنە کوێ بیێوە. دماو کەردەیۆسەروو کاسبکارا چاوە بە چەپڵەرێزان و واتەیوە دروشموو "بژیوۆ مدرامانوو زیندانەکا" یانەئاواییشا وەنە کریا.  .

ڕاپیمەرەکێ بە ورە و جۆشوخرۆشی بەرزۆ، بە گەرمی و بە واتەیوە دروشماوە خێرامایشا کریۆ. باسکی وانی ڕاپیمایەکەی سەرێ پردەو گەنجە شۆڕشگێڵناشا دا، کە ساڵەو ١٩٦٩ دەنیز گەزمیش و هامڕایەکاش سەروو بەحروو زاپیوە وەش کەردێبێ.  

بەشداربییاو ڕاپیمای ئازادی جە ناوەندوو جۆلەمێرگینە چەنی خەڵکی کوێ باوە و چاوە ڕووە کەرا شڕنەخ. گێرا  چالاکێ ڕاپیمایەکەی سەرسەعب گنا ڕا.