پەروین بوڵدانە، هامسەرۊکەی وەڵینەو هەدەپەی میانەو جە دەروازەی سنووریی کادیکۊینە ئەرەیاوناش: " دەروازەکەنە فشارێوە فرە وزیۊ سەروو ئا کەسا کە گەرەکشانە بە مەبەستوو بەشداریکەرڎەی جە بۊنە کۊمەڵایەتییەکانە یا بازرگانینە بلا ئێران، ئێمە ئینەیە قبووڵ مەکەرمێ.
پەروین بوڵدانە، هامسەرۊکەی گردینەی وەڵینەو پارتی دیموکراتیکوو گەلا (هەدەپە)ی و پەلەمانتارەو پارتوو چەپی سەوزی، سەرێش دا کاسبکارا جە دەروازەی سنووریی کادیکۊینە مەنتێقەو سەراڤوو پارێزگاو وانینە.
زولکوف ئوچارە، پەرلەمانتارەو پارتوو چەپی سەوزی بازنەو وانینە واتش، وەختێوەنە جە جوگرافیاو کوردستانینە، کورڎۍ تەوقە دریێنۍ و زوانی کوردی قەدەغەن سەروو تابلۊکاوە بە زوانی عەرەبی، ئینگلیزی و تورکی هاگادارکەرڎەیوە نویسییان، وەلۍ بە زوانی کوردی حیچ تابلۊیێوە نییا. وەراوەر بە زوانی کوردی تەرسی و نیگەرانی هەن. چێگە قۊرتۍ فرێنۍ، ئێمە ملمۍ شۊنیشارە. جیاکەرڎەیۊ و مامەڵەی جیاواز چەنی هاموەڵاتاو کوردی بە بەراورد چەنی هاموەڵاتاو ئێرانی و تورکی قبووڵ مەکەرمێ".
'هاموەڵاتۍ تەنانەت وەختۍ ملا پەی بۊنە کۊمەڵایەتییەکایچ ڕووبەڕووۍ گرفتا باوە'
لاو وێشەوە پەروین بوڵدانە واتش: "گەلەکەما چێگە ڕووبەڕوو چندین قۊرتە گەورا کریۊوە. حەرچندە هاموەڵاتۍ یانمان قەوم و کەسوکارشا دیمەکەی تەروو سنوورینە هەنۍ، وەلۍ وەختۍ ملا بۊنە کۊمەڵایەتییەکا پیسە زەماوندۍ و پەرسەی تووشوو بەزمە نەوازییایا باوە، ئێمە قبووڵش مەکەرمۍ و هاموەخت فشارێوە فرە وزیۊ سەروو ئا کەسا کە پەی بازرگانی ملا پەی ئێرانی. پەی چارەسەرکەرڎەی ئی قۊرتا، حەوڵەکاما بەرڎەوام کەرمێ".
س.ز
