بورجوگوڵ چوبوکە، پەرلەمانتارەو ئیزمیری جە چەمپنەکۊتەیېنە چنی ئاژانسوو هەواڵی فورات(ANF)ی، باسوو کۊنفرانسوو ژەنا پارتوو چەپی سەوزیش کەرڎ و ۋاتش:"ژەنی بە تایبەتی جە زیاڎ بیەو  دەسەڵاتوو پیایا دلۍ ڕېکوزیاکەینە نیگەرانېنۍ. ئاماژەش پانەیچ کەرڎ، ئاڎۍ ڕووبەڕوو قۊرتېوەنۍ، کە چا هەرمان و چالاکیانە کە جە مەنتیقەکەنە ملا ڕاوە، حۊڵېوە هەن کە فرەو ئا هەرمانا جە لاو پیایاوە ئەنجام بڎریا و فرەو مەنسەبیەکا بە پیایا پەڕ کریاوە. ئانەیچ مەنەیۊ ژەنا بە وشیاریېوە ژەنانۊ و فیمینیستیوە دلۍ پارتەکەینە قورستەر کەرۊ".

واتیچش،چی خاڵېنە ئامنجما ئانەن بە ڕېکوستەی بیەیما بەقوەتتەر کەرمۍ. متاومۍ ئینەی جە ژمارەو ژەنا بەشڎار جە کۊنفرانسەکەینە بۋینمۍ. فرېوە جە ژەنا گەرەکشانە مافوو قسەکەرڎەی هۊرگېرا، گەرەکشانە قسۍ ۋېشا کەراو بەشڎاری گفتووگۊیەکا کەرا. ئی ئاژە فرە جیاوازا جە ساڵا ۋەڵینی. بەرش وزۊ کە ژەنی گفتوو گۊ جە بارەو ئاژەو ۋېشاوەکەرا.

"فاشیزم بەتایبەت ژەنا کەرۊ ئامانج"

بورجوگوڵ چوبوکە باسش چانەیچ کەرڎ، بەمەڵامەتوو دەسەڵاتی فاشیستی ئاکەپە-مەهەپەیۊ جە تورکیا و کورڎسان، قۊرتەکۍ ژەنا فرە قوڵتەرۍ بیېنێوە و ۋاتش،"فاشیزم بەشېۋېوە چڕتەروو بەتایبەتی ژەنا کەرۊ ئامانج".

" بەڕېکوستەبیەی ۋېما بەقوەتتەر کەرمۍ"

ئا پەڕلەمانتارۍ پارتوو چەپی سەوزی ڕۊشنش کەرڎۊ، جە کۊنفرانسەکەنە پرسەکا نەفەقەی و هەنگامنیای پۍ ژەنا خۊتان پېداویستی تایبەتی و ئەشکەنجەدای ژەنا و گۊشەگیرکەرڎەی و هجووم کەرڎەی سەروو ژەنا ژینڎانی کریای شەن و کەو گفتووگۊشا جە بارۊ کریۊ و ۋاتش،"جە ڕاسینە چن چېۋۍ هەنۍ جە کە جە ۋەڵینەو هەرمانەکامانە نیېنێمارە. دلۍ پارتەکەینە بەڕېکوستەی بیەی ۋېما بەقوەتتەر کەرمۍ و بةرۍکوستە بیەی ژەنا فراوانتەر کەرمۍ. وەختۍ بەقوەتتەرما کەرڎ، ژەنی زیاتەر بەشڎاری چالاکیەکا ژەناو پارتەکەی کەرا. مشۊم میکانیزمۍ بنریۊرە پۍ ئانەی ژەنا خۊتان پېویسی تایبەتیچ بەهەمان شېوە بتاۋا بەشڎاری کەرا".

بورجوگوڵ چوبوکە، حەرپاسە سەرنجش وست سەروو ئا قۊرتا کە ڕووبەڕوو ژەنا کرېکاری جە تورکیا و سەرنیشتوو کورڎسانینە باوە و ۋاتش،"سەبای کۊنفرانسېوەما بۊ کە ماوەو ٢ ڕووا ۋەردەوامیش بۊ. ئا چېۋۍ چۍ باسما کەرڎۍ،  چایچ وزیا ۋەرو باسی. چیولای ئامانجما بەقوەتکەرڎەی و بە ڕېکوستەبیەی ژەنان".