بە پاو ئەرەیاونیایەکا جە بنەیاکەیشۊ سەرسەعبوو ئارۊی جە ستکهۊڵموو پایتەختوو سویدینە هونەرمەندی نامدراوو کوردی" بەیتۊجان" دماو ٦٨ ساڵا ژیوای بە نەوەشیی شێرپەنجەی کۊچی دماینش کەرد.  

بەیتوڵڵا گونەری، نامۍ تەمامەو بەیتۊجان-ینە و ساڵەو 1955 جە فارقینوو سەر بە پارێزگاو ئامەدینە پەیدا بییەن لەدایکبووە و لە تەمەنی 8 ساڵییەوە خێزانەکەیان چوونەتە شاری ئامەد و ئەرەنیشتۍ ئاگەیە بیێنۍ، فرەو خەڵکوو پانیشتوو کوردسانیچەنە ڕاو گۊرانییەو " ئاگر کەتییە دلۍ من"یوە، ئشناساشا.

کۊچکەرڎە دماو کودەتا سەروازییەکۍ 12ـی ئەیلوولوو 1980 حکومەتوو تورکیای گێراش و 15 ساڵ زیندانیش ملەرە سەپنا، و دماو زیاد جە شش سالا زیندانی ئازاد بۊ و ئامەدۊ ڕووە کەرۊ ئەستەنبوڵی.

بەیتۊجان جە بنەیانێوە شێخین و تاتەش نامێش"شێخ زادەن" و سەرڎەموو ئەوساینە چەنی دەوڵاتوو عوسمانی بیەن بە کێشەش کە داواو مافوو کورڎاش کەرڎێنە و حەر پەوکای تاتەشا دان قەنارە. یاگۍ واتەینە یوەم ئەلبوومش نامێش "یان مرن یان دیاربەکر" بۍ و ساڵەو 1990  وەڵاش کەرڎۊ  و دماو وەڵابییەیۊ ئەلبوومەکەیش کۊچش کەرڎە بەرەو  سوید و بە هونەرمەندۍ وەڵاتپەروەر و وەڵاتدۊس ئشناسیۍ دلۍ گەلەکەیش و هەوادرەکاشنە، مەرڎەیش داخەش دا بە دڵوو هەوادارەکاش.

بەیتۊجان بە گۊرانییەکانی "ئاگر کەتیە دلۍ من"ی و "دیاربەکر مالا من"ی نامێش فرە لوا دلۍ گۊشگیراو نەتەوەکەیشەنە، ساعیبوو چوار ئەلبوومە گۊرانییان کە "یان مرن، یان دیاربەکر"، "تە نادەن من"، "21ـی ئادار" و "ئەتونا دلۍ من"ی.

یاگۍ واتەینە یوەم ئەلبوومش نامێش "یان مرن یان دیاربەکر" بۍ و ساڵەو 1990  وەڵاش کەرڎۊ  و دماو وەڵابییەیۊ ئەلبوومەکەیش کۊچش کەرڎە بەرەو  سوید و بە هونەرمەندۍ وەڵاتپەروەر و وەڵاتدۊس ئشناسیۍ دلۍ گەلەکەیش و هەوادرەکاشنە، مەرڎەیش داخەش دا بە دڵوو هەوادارەکاش.

دماو چوار ساڵا ملەملۍ چەنی شێرپەنجە، سەرسەعبوو ئارۊی ستۊکهۊڵمنە و غەریبینە سەرەش نیاوە.

س.ز