ئێشکیگری دادپەروەری ئەمینە شەنیاشارێ کە هامژین و دووێ کوڕێش جە ١٤ و حوزەیرانو ٢٠١٨ جە مەنتیقەو پیرسوسی ڕحای جەلایانو پاسەواناو قۆما پەرلەمانتاری وەڵینوو ئاکەپەی ئیبراهیم خەلیل یەڵدزیۆ کوشیێ، ٩٧ ڕوێن بەردەواما. پەرلەمانتاراو پارتوو یەکسانی و دیموکراسیی گەلا (دەم پارتی)، مەراڵی دەنیش بەشتاشە و عومەر ئۆجالان و مەحمود دنجار و زوڵکوف ئوچار سەردای بنەیانەو شەنیاشاریشا کەرد.

مەراڵ دەنیش بەشتاشە ئەرەیاوناش ئەمینە شەنیاشارە ٨٤٦ ڕوێن جە ڕحا ئەرەکۆشای دادپەروەریش کەردەن و ٩٧ ڕوێن وەردەموو وەزارەتو دادینە، داواو دادپەروەری کەرۆ. پەشتگیریش پەی داواکارییەکەو ئەمینە شەنیاشارێ بەربڕی و ئەرەیاوناش، نەک پێسەو پەرلەمانتارێ، بەڵکوم پێسەو ئینسانێ هامسۆزو ئەرەکۆشای ڕەواو بنەیانەو شەنیاشارێنە.

مەراڵەئاماژەش پانەیە کەرد هەڵای بنەیانەکەش ڕووبە ڕوو چەنی وەزارەتی کۆنەبیێنێ، واتش: "بانگەواز جە وەزیرو دادی یەڵماز تونجی کەرو، ئەیێوە ئینا چنیتا. جارێ گۆش دەیدێ داواکاری ئەیا ئەمینەی و مافش پەنە دەیدی. تاکە داواکاری ئاڎێ، ئازاد بیەی کوڕەکەیشا. ئێمە چەنی داواکاریو دادپەروەری ئەیا ئەمینەینمێ".