ڕوانگەی سووری پۍ مافەکا مرۆڤی جە ئەرەیاۋنېوەنە ۋەڵاش کەرڎۊ، ڕۊو دۋشەممەی چەتەکۍ داعشی هجومشا کەرڎەن سەرو نوقتېوە هێزەکا دیمەشقی و ئاێرشا جە ترۊمبېل و عەرەبانە سەروازییەکا ۋەردان.

جە بەشێوە تەرو ئەرەیاۋناکەینە ئامان، جە ئاکامو هجومەکەینە ١٠ سەروازۍ کوشیېنۍ، ٦ سەروازېچ زامڎارۍ بیېنۍ، کە ئاژەو تەندروستی بڕېشا خراپا.

ئا هجومە جە ۋەختېنە ڕۊو یەکشەممەیچ، جە سەرنیشتوو ۋەرنیشتوو سوریای هجومېوە تەر کریا سەرو هێزەکا دیمەشقی و جە ئاکامەنە ٦ سەروازۍ کوشیۍ.

مەنتیقەکۍ ۋەرکەوتو و پانیشتوو ڕەقەی ئینۍ چېرو هەیمەنەو هێزەکا حکومەتو دیمەشقینە، حەرپاسە فرەو مەنتیقەکا سەرنیشتوو ڕەقەیچ ئینۍ چېرو هەیمەنەو ئیدارەو ۋېڕاوەبەرینە.

شارو ڕەقەی کە چەتەکۍ داعشی ساڵانېوە پېسە 'پایتەختو خەلافەت'ی ئشاناسابېشا و چنەشەنە تیرۆر ئەنجام دېنۍ، ساڵەو ٢٠١٧ جە لایەنو هێزەکا سوریای دیموکراتیکی (قەسەدە)یۊ ڕزگار کریا.

هـ . ش