سەلما ئیرماکە، پەرلەمانتارەی وەڵینەو پارتوو دیموکراتوو گەلا (هەدەپە)ی، بە تۊمەتوو "سووکایەتیکەرڎەی بە سەرۊککۊماروو تورکیای" و "بێڕێزیکەرڎەی بە حکومەتی"، سزاو ٤ ساڵا و دووۍ مانگا زینڎانیش ملەرە سەپییا.
دەوڵەتوو تورکی جەنازەو حاجی لوقمان بیرلیکیش بەست پۊو پەشتەو زرەپۊشیوە و کێشش کەرد و بەڕووتی سووکایەتییش بە جەنازەو ئەکین وانی کەرد و عەبدولعەزیز یورال، کارمەنی پزیشکی و شێخموس دورسون سایەقوو ئەمبولانسیشا کوشت و قەبرسانشا وێران کەرد. دەسەڵاتی داڎوەریی تورکیای، سەلما ئیرماکە، سیاسەتمەدارەو کوردیش کەرڎە ئامانج، کە ساڵەو ٢٠١٥ سەبارەت پا کرڎەواو دەوڵەتوو تورکی جە بەرنامێوە تەلەفزیۊنینە قسێش کەرڎێبێنۍ.
ئەرەنیشتەی قەراروو بارەو ئا دۊسیێوە، کە دژوو سەلما ئیرماکۍ کریاوە، جە لەقوو نۊیەموو داڎگاو تاوانەکاو ئەسلینە لوا ڕاوە.
لاو ڕاجی بیلیجی، پارێزنەروو سەلما ئیرماکێوە ئەرەیاونییا، مشۊم جە چوارچوەو ئازادیی ڕابەروستەینە ورسەنگنای پەی قسەکاو موەکیلەکەیش کریۊ و داواو ئازادکەرڎەی ئیرماکیش کەرڎە.
داڎگا بە تۊمەتوو "بێڕێزیکەرڎەی بە حکومەتی"، سزاو ساڵێوە و ٣ مانگا و بە تۊمەتوو "سووکایەتیکەرڎەی بە سەرۊککۊماروو تورکیای " سزاو ٢ ساڵا و ١١ مانگا زینڎانیش ملوو سەلما ئیرماکێرە سەپنا.
س.ز
