داکەبە یۆبییەی ژەنە دیموکراتیکە عەلەوییا ساڵیادوو سەرەوردای 'ژەنی، ژیوای، ئازادی'یش مەبارەک کەرد و ئەرەیاوناش:" خاستەرین پارێزنای ئانەنە کە گرد ژەنێوە خاوەنداریی جە بەهایەکاو ئازادیی بکەرۆ و بۆنە بە کۆشەرێوە ئازادیی."
یۆبییەی ژەنە دیموکراتیکە عەلەوییا (داکەبە) بە بۆنەو ساڵیادوو سەرەوردای "ژەنی، ژیوای، ئازادی"یوە، بەیاننامێوەشوەڵا کەردۆ و ئەرەیاوناش:" ١٣و ئەیلوولوو ٢٠٢٢ێنە کناچە کوردەی ٢٢ساڵە ژینا ئەمینییە پلیسوو ئەخلاقوو ئێرانی تارانەنە، بە بەهانێ سەرەڕووتییوە، گێرتەشا و بە دایوەنەی و ئەشکەنجە ١٦و ئەیلوولینە و دماو یەرێ ڕوا گیانش جەدەس دا. مەراسیمەکەشەنە ژەناو کوردی و جەماوەر بە دروشموو "ژەنی، ژیوای، ئازادی"ی دژوو ڕژێمی کۆنەپەرس و مەلایەکاو ئێرانی داواو ژیواێوە ئازادانەیشا کەرد. ژەنی پێسەو کاردایۆێوی قژێشا بڕیێ و ئاوازی شۆڕشگێڵنانەی کوردییشا واتۆ."
درێژەو بەیاننامەکەینە ئامان:
"٩ چالاکێ، هونەرمەندێ و کەسێ ناڕازیێ، کە کاردایوەشا وەراوەروو کوشتەی ژینا ئەمینیێ نیشانە دابێ، دریێ قەنارە، ڕێکوزیا میاندەوڵەتییەکاو مافوو ئینسانی، کە کاردایوەشا وەراوەروو کوشتەی ژینا ئەمینێێوە نیسانە دابێ دریێ قەنارە. ڕێکوزیا میاندەوڵەتییەکێ مافوو ئینسانی ئەرەیاونانشا،کە ئێران سالەو ٢٠٢٣ێنە ٨٥٣ کەسێ دریێنێ قەنارە و قەرارش پەی قەنارەدای دووێ ژەنە کۆشەراو کوردی بە نامەکاو پەخشان عەزیزیێ، شەریفە محەممەدیێ بەرکەردەن. جمیەروو دەسوەڵێوزییەکاو ژەنا هەڵمەتەو "نا پەی قەنارەدای، بەڵێ پەی ژیوای ئازادی" دەسش پەنە کەردەن. ئێمەیچ باوڕما پاسنەنە کە گردو ژەناو جیهانی چە ویر و ڕێباز و پەیلواێوەشا بۆ،یۆ بگێرا و پێوە دژوو ئا دەسەڵاتدارا، کە دوژمنایەتی ژەنا مکەرا، کۆشیایشا بەرز بکەراوە. بە پاو باوڕوو عەلەوییەکا، داوا جە گرد لاێوە مکەرا پەی خاسی و جوانی و ڕاسواچی بەیانە وەرۆ. چونکوم نەک تەنیا ڕژێموو ئێرانی فرەو وەڵاتاو دنیێنە دژوو ژەنا تاوان مکریۆ، وەلێ جیهان بەگردین بێدەنگییش هورچنییەن. عەقڵییەتی پیاسالاری هەوڵێ مدۆ، بە ئامانجگێرتەی چالاکە سیاسییا، نوێنەرە سیاسییا، ڕۆنامەنویسا، هونەرمەندا و پارێزنەرا، کە دەنگوو کۆشیای ژەنانێ بێدەنگێشا بکەرۆ، وەلێ تارێخ مدرامانوو ژەنە قارەمانەکاش هۆش نەشییەنۆ و ڕا نمەدۆ هۆش بشۆوە، ،ژەنی ئازێ کە پەی ئازادیی مکۆشیانە خاوەنداریی وەنەو میراتوو وێشا پەی ئایندێوە شکۆمەندی مکەرا.
ئێمە پیسەو ئەنداماو یۆبییەی ژەنە دیموکراتیکاو عەلەوی،کاریگەری دیایگەو " ژەنی، ژیوای،ئازادی'ی کە بە ویروباوڕەکاماوە مبەسۆماوە موینمێ و بە گردوو زوانەکا خاوەندارییش وەنە مکەرمێ.
دژوو ئا کەسا کە هجووم مکەرانە سەروو شوناسی، کەسایەتی، جەستەی، ڕۆحی و گردوو بوارەکاو ژیوای ژەنا، وێپارێزنای مافێوا جە کۆشیای ئازادی و خاستەرین شێوازوو پارێزنایا و مشۆم گردوو ژەنا خاوەنداریی وەنەو ئازادیی بکەرا و بانە بە کۆشەرێوی ئازادیی.
ئێمە پێسەو داکەبەی سڵام و ڕێزوو وێما ئاڕاستەو گردوو ئا ژەنا مکەرمێ،کە پەی ڕاسیی جیهانی ئینێ کۆشیاینە، دەنگشا بەرز مکەراوە و باجەکەش چێش بۆ مدانێش و دژوو گرد نۆعە کۆنەپەرسیێوە ئەرەپڕێنێ."
