دەم پارتی دژو باڵبەسکەردە و سەرۆک شارەوانییەکێ جەهەپەی ناڕازیبییەیش نیشانەدا و ئەرەیاوناش: "بەهیچ شێوێ ئی ئۆپەراسیۆنا قبووڵ مەکەرمێ کە بە مەڵامەتو سیاسی ئەنجامدریانە. زیاڏبییەی نادادپەروەرییەکا گۆرەتەرین زەرەر بە هیواو ئاشتیی کۆمەڵایەتی مارۆنە."
دەسە و ڕاوەبەرایەتی مییانو دەم پارتی ئەرەیاونێوەش دەربارە و باڵبەسکەردە و سەرۆکو شارەوانییەکا جەهەپەی وەڵاکەردۆ و ئەرەیاوناش: "باڵبەسکەردە و ئی بەیانییەو سەرۆکو شارەوانیی گۆرە و شارو ئەدەنەی زەیدان قەرەلار، سەرۆکو شارەوانی گۆرە و شارو ئەنتاڵیای محێدین بۆجەک، سەرۆک شارەوانی سەمسور عەبدولڕەحمان توتدەرە و یاگەگیرو سەرۆک و شارەوانیی بویوکچەکمەجەی ئەحمەد شاهین، بەشێوەن جا میکانیزمەی دلێشنە بە مەبەسو سەرکوتکەردە و ئۆپۆزسیۆنی پەنا پەی هەر ئامڕازێوە کارگێڕی بریۆ."
ئەرەیاوناکە و دەم پارتینە ئامان، "ڕۆو بە ڕۆ جە ڕا ئامڕازە نایاساییەکا مێڏانو سیاسەتو دیموکراتیکی سنووردار کریۆ، ئیرادەو گەلی، مافو هورچنییەی و فشارەکێ سەر و ڕاوەبەرایەتیە خۆجێیەکا بەسیستەماتیک کریانە. هەڕەشێ پەی سەر و مافو هورچنییەی، نەک تەنها پارتە سیاسییەکێ بەڵکوم هیواو تورکیای پەی ئاشتی و چارەسەریی دیموکراتیکیش مکەرۆ ئامانج."
ئاماژە پانەیش کریان، "ئێمە واوەیش مکەرمێوە کە ئی ئۆپەراسیۆنێ بە مەڵامەتی سیاسی ئەنجامدریانە و هیچ دەستێوەردانێوە دادوەرییش کە دژو سەروەریی یاساین، بەهیچ شێوێ قبووڵش مەکەرمێ."
لاو وێشاوە هامسەرۆکا دەم پارتی تولای حاتەم ئۆغۆللارییە و تونجەر باکرهانیش سەر و تۆڕە وکۆمەڵایەتی دژو باڵبەسکەردەیش ناڕەزایەتیشا بەربڕی.
تونجەر باکرهان، هامسەرۆکو دەم پارتی ئەرەیاوناش، "ئۆپەراسیۆنەکێ ئی بەیانییەی کە دلێشەنە سەرۆکو شارەوانییەکێ جەهەپەی جە ئەدەنە، ئەنتاڵیا و سەمسور باڵبەسێ کریێ، دەستوەرداین دژو ئیرادەو گەلی و ڕەگەزە سەرەکییەکێ سیاسەتو دیموکراتیکی و مایەو قبووڵکەردەی نیا."
هامکاتەنە تولای حاتەم ئۆغۆللارییە، هامسەرۆکو دەم پارتی ئەرەیاوناش، "پەنەوازا دەست چی ستەمەیە دژو ئا کەسا هورچنیێنێ و گەلوو تورکیای هورگیریۆ."
