جە دماو ڕێککۆتننامەو سەروازی بەینو ئەنقەرە و بەغڎای کە بە دەوری سەرەکی هێڵۊو خیانەتو پەدەکەی جە ١٥و ئابی مۆرکریا، هرووژمەکۍ دۆڵەتو فاشستو تورکی دژ بە کەسا مەدەنی زیاڎشا کەرڎەن.
جە دماو ڕێککۆتننامە سەروازیەکا دۆڵەتو تورکیوە کە ئامانج چنەش 'لکنا'ی خاکو پانیشتوو کورڎەسانیا. هرووژمەکۍ دۆڵەتو تورکی سەرو مېڎانە ژیۋاییەکا و کەسانی مەدەنی جە پانیشتوو کورڎەسانینە زیاڎشا کەرڎەن و پا مەڵا مەتۆ لاو کەمیۆ ٨ کەسۍ تیرۆرۍ کریێنۍ و ٩ی تەریچ زامڎارۍ بیێنۍ.
**
جە درێژەو هرووژمەکا دۆڵەتو تورکینە پەی سەرو ئەرەیاۋنای ئازاڎی، جە ٢٣ۍ ئابینە جە ناوچەو سەیسایەقی سەر بە پارێزگاو سلێمانی، جە هرووژم و فڕۆکێوە بۍ فڕۆکەوانو دۆڵەتو تورکینە پەی سەرو ترۆمبێلو ڕۆنامەوانا هەردووە ڕۆنامەوانۍ گوڵستان تارا و هێرۆ بەهادینە گەشمەرڎۍ بیۍ.
جە ٤و ئەیلولینە جە هرووژم و فڕۆکێوە بۍ فڕۆکەوانو دۆڵەتو تورکینە پەی سەرو ترۆمبێلوە مەدەنی کە تاتێوە و دووۍ کوڕێش چنە بێنۍ نزیک بە خەلەکانو ناوچەو دۆکانی. جە ئاکامەنە هەر یەرە کەسە مەدەنیەکۍ گەشمەرڎۍ بیۍ.
جە ٥و ئەیلولینە جە هرووژم و فڕۆکێوە بۍ فڕۆکەوانو دۆڵەتو تورکینە پەی سەرو ترۆمبێلوە مەدەنی ٣ مەدەنیۍ گەشمەرڎۍ بیۍ.
دما هجوومی عاسمانی دەوڵەتوو تورکی پەی سەروو خەڵکی مەدەنی هجوومو سەروو کامپوو ئاوارەکاو مەخمووری بێ، ١٠و ئەیلولینە کە یەرێ ژەنێ بریندارێ بیێ.
چوارچوەو هجوومە ئەرەگیرییەکاو دەوڵەتی ئەرەگیروو تورکینە ساڵەو ٢٠٢٣ەوە لاو کەمیوە ٢٣ مەدەنیێ تیرۆرێ کریێنێ، چندین کەسێچ بریندارێ بیێنێ، چندین بارەگێ تازێ وەشێ کریێنێ، کۆچبەرییچ سەروو دەگانشیناوە سەپیان و باخ و مێوەکاو کوردسانیچ کولێ کریێنێ و سۆچیێنێ، هجوومو چێرخانی مەدەنییچ کریان.
