ئەنداماو ڕێکوزیا مەدەنییەکان پەی چارەسەرکەردەی پەرسەو کوردی، ئیمراڵییشا پێسەو موخاتەبی نیشانە دا و واتشا: "دەسەڵات ئیتر نمەتاوۆ پەرسەو کوردی پەشتگۆش وزۆ."

سیاسەتوو دلێنەبەردەی چندین ساڵێن کوردستاننە کریۆ و بەردەواما. دەوڵەت جە شارەکاو کوردستانینە سیاسەتوو جەنگی تایبەتی کەرۆ. دەسەڵات بە ئۆپراسیۆنوو قڕکەردەی سیاسی هەوڵێ مدۆ  گەلا تەرسنۆ، بە گۆشەگیرکەردەی ڕابەروو گەلوو کوردی عەبدوڵا ئۆجالانی، گردوو گەلا پەلکێشوو دلێ قەیرانی کەرۆ. دەسەڵات بە فشار و هجوومێ جوابوو داوایەکاو گەلوو کوردی مدۆوە، ئیساتێنە تا گەلوو کوردی نەمەنۆ چەمێ کۆمنۆرە حاسوو پەرسەو کوردینە.

'وەروو ئانەی ئاشتیینە بژیومێ، چارەسەری مەرجا'

ئەندامەو  سەندیکاو گەنەل-ئیشی ئایشە گولەرە ئانەش دیاریی کەرد کە پەرسەکاو کوردی کاریگەرییشا سەروو گردوو گەلوو کوردی و گلێرگەی نیانرە و واتش: "پەرسەی گەورێ کوردی تاویایۆ و ئاسمیلەکەردەی زوان و چاندەکەیشا. من کوردێوە بێنا، مەکتەبەکانە بەتورکی پەرەوەردەما ورگێرت، چا پەرەوەردەیە نەیاوێنانە. وەڵی ئانەینە بەتەمامی تورکی فێرە بوو بەرەو تەمامیای لوێ. ئیساتێ هەم زوانی کوردی و هەم زوانی تورکی مزانوو.  گرد زوانێوە گرنگییش وێش هەن. بەڵام هجوومێوە فرە سەروو زوانی کوردیوە هەن. داوامانە زوانی کوردی پێسە زوانێوە ڕسمی بەکار بارمێ. ژیوای گەلوو کوردی بە کوردیین. بە کوردی ورمێزمێ و مووسمێ. وەروو هەزارا هۆکارا گەرەکمانە پەرسەو کوردی چارەسەرە بۆ. پێسە گەلاو جیهانی گەرەکمانە دلێ خاک و زوانوو وێمانە بژیومێ، جگە جە ئاشتی هیچ ڕایێوە  تەرە نیەنە پەی چارەسەری چی خاکەنە."

سیاسەتوو جەنگی تایبەتی

ئەندامەو دیسکوو سەندیکای حەنیفە کارداشە وستش ڕووە، کە موخاتەبوو پەرسەو کوردی هەر ئیمراڵیین و واتش: "مشۆم ئی کێشێ چارەسەرێ کریا. ئانێ زیاتەر گنا چێروو کاریگەریی ئی قەیراناو ژەنینێ. پێسە ژەنا گەرەکمانە ئی کێشێ چارەسەرێ کریا و ئاشتیما گەرەکا.  پەرسەو کوردی بە ماناو جەنگی و و ئاڵۆز مێ شارەکامانە. بۆنەو جەنگی تایبەتیوە شار و کۆڵانەکێما نائارامێ با. گەنجەکێما ئالودێ مادەو هۆشبەری با. فکروو دەسەڵاتداری فاشیستی گرد مەیدانێوەنە جەنگی تایبەت کەرۆ. دژوو ئی هجووما مشۆم پەی پرسەو کوردی کۆشیەیمێ. مشۆم گرد کەسێوە ئی وەرپەردییشە بۆ. پەی دماڕۆو گەلیما چی خاکەنە کێشەکێ چارەسەرێ کریا، ناموونیشانوو ئی چارەسەریچە ئیمراڵیین."