سوپاو عێراقی شەنگالنە ورشا کوا سەروو چندین یانا، کە فرێشا عەرەبێ عەشیرەتوو شەمەری بێنێ بەعاجنە. دەسەی عەشایەریی شەنگالی چی بارەوە ئەرەیاونایوەش واناوە، کە یۆ جە سەرۆکعەشیرەتەکاو شەمەری، جاسم حرێری وەناوە و واتش، کەس نمەتاوۆنێ واڵە و برایی بەینوو عەرەبی و ئێزدییەکا تێک بدۆنێ.

ئەرەیاونایەکەنە ئاماژە پانەیە کریان، کە بڕێو پارتێ سیاسیێ بەروو شەنگالیوە گەرەکشانە پەیوەندیی بەینوو عەرەبی و ئێزدییەکان تێک بدانێ، ماچانێ: "چێگەوە ئەرەمیاونمێش کەس نمەتاوۆنێ واڵە و برایی بەینوو ئێمە و ئێزدییەکان تێک بدۆ و ئێمە واوەی یەکسانیی گەلاما بنیات نیان. سەدان ساڵێن پێسەو خێزانێوێ پێوە مژیومێ و دلێ خێزانەکایچەنە قۆرتێ ڕووە مدانێ، بەڵام نمەبۆنێ قۆرتەکا گەورەتەر بکریانێ. پێویسا قۆرتەکا چارەسەرێ بکریانێ و هامپەیمانی وەش بکەرمێ".

ئەرەیاونیا ڕا نمەدەیمێ پارتە سیاسییەکێ بەینیما تێک بدانێ و پەشتیوانییشا پەی هێزە ئەمنییەکا، ئەوەخوای کەردۆ، پەی وەرگێریی داعشی، ماچانێ: "واوەی ماچا، ئێمە عەشیرەتنمێ و پەیوەندیما بە سیاسەتیوە نیارێ، هەرچێوێ ڕووە بداۆ کەس نمەتاوۆنێ بەینیما تێک بدۆ".