جە گەریلاکاو جمیەروو ئازاڎیی کوردستانی بەیان حەمەد خدرە، ئشناسیۍ بە دەستینا قەندیلۍ ساڵەو ٢٠١٤، برووسک جەمال ئشناسیا بە باکور جیلۊ جە حەڵەبنە و سوهام عەبدولقادر موسا، ئشناسیۍ بە چاڤڕۍ فریشتەی ساڵەو ٢٠١٧ گەشمەرڎۍ بیۍ.

ئەنداموو کۊمیتەو ڕاوەبەریی پەکەکەی دوران کاڵکان بەشدارییش بەرنامەو وەروو وەڵاتوو ئاریەن تی ڤی-ینە کەرد و باسوو ژیوای و کۊشیای ئا یەرە گەریلایاشا کەرد.

ورسەنگناکەی چینەن:

باکور جیلۊ

بارەو هامڕا باکووریوە؛ من ساڵەو ٢٠٠٠ هامڕا باکوورم لە دۊڵەکۊکێنە ئشناسا، دماو کۊنگرەو حەوتیوە هەرمانەکاو ئێمە چاگە بێنۍ، وەڵۍ ئانەینە بە بۊنەو هەرمانوکارەکاو پانیشتیوە پەیوەندییما چەنی بنەیانەکەیش بۍ وەڵی ئادیچنە برا گەورەکەش بەشداروو خەباتوو تەڤگەرەکەیمان بییەبۍ و ساڵەو ١٩٩٧ ئاڤاشیننە گەشمەرڎە بی، من هامڕا سەمیان-ی برایچش ئشناسێنا، جە هەرێموو ئاڤاشینینە خەبات کەرۍ، هامڕاێوە فرە یارا و فیداکار بۍ، زیاتەریچ جە هەرمانەکاو  قەرارگەینە مەنێوە، بنەیانەکەش وەڵتەرۍ ئەندامۍ حزبوو شیوعیی بێنۍ، ئەدایچشا کەسێوە زانۍ بۍ، بەتەمامی مەزانوو، وەلێپاسە بزانوو تاتەیچشا گەشمەرڎەن. ئادیچ چا گرڎوو بابەتانە کاریگەر بۍ ببوو و هامڕێچش ئشناسێبێنۍ، پەوکای عومرێوە کەمەنە بەشدار بۍ، وەختێوە بەشدار بی متاومۍ بواچمێهەڵای زارۊلە بۍ، بڕۍ قەڵەو بۍ، ساعیب قەرار و پاگێرتە بۍ، ئاسایشوو ڕاوەبەریینە یاگێش گێرتە، گەنجێەوە ونشیرین بۍ، ئا وەخت من چاگە ڕاوەبەرایەتیینە بێنا، یۊترینما ئشناسا، پێوەرە هەرمانەما کەرڎە، ڕاسینە وەختۍ ئێمە یەکە جۊراوجۊرەکاما کەرێنمێوە سەر، بەسەر دەکرڎەوە، حەز کەرۍ چەنی من بۊ، وەختۍ ئێچ سەرەوکوویایەکانە زەحمەت کێشۍ، چونکوم  جەسەش تۊزی کوڵیلانە بۍ، وەلۍ فرە قەرارڎەر بۍ و پا گێرێرە سەروو چێوەکا، چیوی یاگە سەرنجش ئانە بۍ پێسە گەنجێوە پانیشتی نامۍ "باکوور" سەرنیشتییش نیێبۍ وێشۊ، یانۍ هۊشیاریێوە چانە یەکپارچەیی کوردستانیش ویر وزێوە.  وەروو ئانەیە برا گەورەکەیچش ئشناسێنمۍ نزیکۊ پەیوەندیما بۍ چەنیش، مەنۊ چەنیما، وەختۍ  ساڵەو ٢٠٠١دا لوایمۍ پەی بۊ خنێرەی، ئاما چەنیما، کوچۍ گەورەتەر بییەبۍ، ئیتر دلۍ  ئاسایشوو ئێمەنە مەنێوە، پێسە بنەیانەیچشا دلۍ جمیەرەکەینە بێنۍ،  پەوکای وێش بە زاڕۊلەو جمیەرەکەی زانۍ، ژیر بۍ، هامڕێکێچش وەششا سیۍ، زانیی چەنی یاگێوێش دڵوو وەراوەرینە کەرۊوە هیچ چێوۍ نەبۍ خراپنۊش یا ماڕۊشۊ، دایمە ئانە تەواناشنە بۍ، دایمە خولقنەر بۍ، ئا تایبەتمەندیێشە ئیسفادەی فرەشا بۍ پەیش. بەچالاکانە بەشداری جە خەباتوو ئێمەنە کەرۍ، ماوێوە فرە هەرمانەما پێوەرە کەرڎە، بەشداری جە پەروەرڎەی جیاوازنە کەرۍ، فێروو هەقیقەتوو ڕابەرایەتی و خەباتوو جمیەرەکەیما بی، حەزێوە فرەش پەی بواروو سەروازیی بۍ، پەروەرڎەی تەندروستییش دی، چاگەوە هۊشیاریی تەندروستییش ورگێرتەبۍ،  هامڕاێوە چانە بۍ کە گرڎوو بوارەکاوە خزمەتوو هامڕایاش کەرۍ، وەختۍ پێسە ناوەندوو پارێزنای گەلی سەرڎای مەنتێقە نۊعاونۊعەکاما کەرد، پێویسما پا نۊعە هامڕایا بۍ، کە قۊرتۍ وەش مەکەرا و ئا چێوی پەی  وەڵا کەرڎەیۊ نییەنۍ بەوریاییوە مامەڵەشا چەنی کەرۍ، هامڕا باکوور چا ڕووەوە هامڕاێوە نموونەیی بۍ، بەڕاسیچ بڕۍ رەفتارۍ نموونەییش بێنۍ، یانۍ حیچ تایبەتمەندیێوەش نەبۍ، نەبوو کە تووشوو زەحمەتیما کەرۊ، ئینسانێوە پۊزەتیڤ بۍ، هەرمانۍ پراکتیکیۍ کەرۍ قۊرتەکا سەرە نیێوە، ڕێکوستەی و ئامادیی کەرۍ و ژیوای ئاسان کەرێوە، یانۍ خزمەتێوە گەورە کەرۍ، پەنەوازا ئانیشا ڕۊشنانە وزوو ڕووە، پەوکای دلۍ ئا هەلومەرجەینە گەورە بیەبۍ، جە ڕووەو جەستەیۊە بی بە باڵا مامناوەندۍ، کوڵ و پەڕ، بڕۍ بەشداریێش جە خەباتی نۊعاونۊعنە کەرڎۍ، دایمە  خەیاڵش لاو ئانەیۊ بۍ بیاوۊ سەرنیشت، وەلۍ ئێمە چێروو ڕۊشنایی دۊخوو یانەیشا و هەرمانە و خەباتەکاشنە تەرسەو ئانەیە کە جە ڕووەو  تەندروسییەوە تووشوو مشکیلەی بۊ، ئیجازەما نەدا بلۊ، وەلۍ ئامادەکاریی ئادی پاسنە نەبۍ زەحمەتی فرەش چەشت، چونکوم گرڎوو ئا هامڕایا چەنیش بێنۍ، لوێنۍ سەرنیشت و بەشداریی جەنگی کەرێنۍ، ئادی چوێش فێر کەرڎەبۍ و و ئاستێوە بەرزش بۍ، وەلۍ فێروو ئەزموونوو سەرنیشتی نەبییەبۍ، پیسە پێوسی نەکەوتەبۍ دلۍ قووڵایی جەنگیوە، ئینە بیەبۍ بە مشکیلە لاو ئادیوە، داوا کەرۍ وێش فێر کەرۍ، ئاخرۊ لوایشما بە خاس زانا، لوارە بۊتان، هەتا گاباریچ لوا، یەک-دووۍ ساڵۍ بەشدارییش هەرمانە پراکتیکییاو بۊتانینە کەرد، زمسانێوەیچ گابارنە مەنۊ، ئەزموونێوە خاسش دەس وست، وەلۍ هامڕۍ رەخنەشا وەنە گێرتیمۍ کە ڕاما دان بلۊ واگە، واتشا ئەگەر بەشداریی خەباتێوە تەری کەرۊ خاستەرا، چونکۊم مەنەیۊش بە تەرسئاوەر وینێنۍ، پەوکای داواما کەرد گێڵۊوە لاما، هەرچنەکیچش نەبۍ گێڵۊوە و بڕۍ تەنگاویێچش کێشتێبێنۍ، وەلۍ وەخطۍ پەنەما وات "مشۊم گێڵیوە"، جارێوە تەر ئاماوە پانیشتوو کوردستانی-هەرێمەکانی پارێزنای مەدیای، ئاماوە دیما، ئەزموونێوە خاس فێر بییەن، کەموکوڵیۍ وەڵێش نەمەنێنۍ، یاوابۍ ئاستێوە خاسوو ڕاوەبەریی، کە جە  رێکوستەی و جەنگی بیاوۊنە چەنەئاماییەکێش فرەتەرۍ بیێبێنۍ، ئینجا تواناو ورسەنگنایشفرەکەوتێبۍ وەڵۍ هەرچنڎ فرە نەوانێوە وەلۍ خاسخاسۍ گۊش گێری.  گۊش واتەوواچەکا گێرۍ و ئاستوو ئەنەیاوایش بەرز بۍ وەروو ئانەیە ئاستوو زاناییش باڵاش کەرد، پەروەرڎەیچش دی، تواناو یاواینەیش جە هەقیقەتوو ڕابەرایەتی و سەروو ئا بنەمایایچە شرۊڤەکەرڎەی ڕووەدایەکانە و ئەنجام دەسوستەینە وەڵۍ کەوت، چونکوم هەرڎەم چەنی ڕاوەبەریی ورسونیشت کەرۍ ئاستوو قەراریچش کەوت وەڵۍ، فرەو وەختا سەروو بابەتە جیاوازا قسۍ کەرێنمۍ، وەختۍ قۊرتۍ وەش بۍ چێش کەرمۍ و نەکەرمۍ، پەیلوایۍ گرنگێش بێنۍ. ئێمەیچ هامبەشیش پەنە کەرێنمۍ و چا ڕووەوە هامکارێوە گرنگوو هەرمانەکاما بۍ، دماو وینای پراکتیکوو بۊتانی   بڕواشبە وێش بۍ ئا هەرمانا کەرۊ، موێوە تەر هەرێمەکاو پارێزنای مەدیاینە  مەنۊ، چوارچوەو ناوەندوو پارێزنایی گەل-ینە بۍ، فرەو وەختا  پێوەرە هەرمانە کەرێنمۍ  جە ئامادەکەرڎەی کامپی تازەینە هەرمانە کەرۍ،  بڕۍ جار بێتاقەت بۍ واچۍ چی زوو بۊتاننە گێڵانیوە ئانەیجە چێوۍ سروشتی بۍ، هەوڵێما دۍ بە قسەوباس ئا بێتاقەتییاشە  ڕەمنمێوە، هامڕۍ تەرێچ پۊشۊ سەرقاڵۍ بێنۍ ئاخرۊ پاسە بزانوو پایزوو ٢٠١٢ بۍ، یانی فەسڵوو سەرڎای بۍ، قسەوباسێما هانە سارکا-و گارەینە کەرد، هامڕا جەماڵ [موراد قەرەیلان]یچ بەشداریی ئا قسەوباسیشە کەرد، ئێمە وەڵتەر جا بارۊ چێش کەرمۍ قسێما کەرڎێبێنۍ، چا ڕووەوە، قەرارما دابۍ  هامڕا باکووری کیانمۍ پەی وەرنیشتی، چونکوم شۊڕش وەرنیشتنە گیسیابێنە فرە پێویستشا بە کادری بۍ، هامڕایۍ تەرێچ و هامڕا جەماڵیچ ئا دۊخەشا بەگونجیا زانا، پەوکای قسێما سەروو دۊخ و هەرمانوکار و قۊرتەکاو وەرنیشتی کەرد، تا ماوێوە ویرێش کەرڎێوە، ئێمە قسەوباسی ڕۊشنما کەرد، دماتەریچ چەنی گرووپێوە جە هامڕایا کیاناما پەی وەرنیشتی، وەروو ئانەیە بەشداریی پراکتیکیی شۊڕشگێڵنیی بۊ، لوا وەرنیشت و چاگە ڕێکوستەیشا جە لاو راوەبەریی وەرنیشتیوە کریۍ، جارجاریچ زانیاریما بارەشۊ پەی ئۍ بڕۍ جاریچ نامە [نۊت]ێما پەی کیانۍ، پەیوەندیی سنوورڎارانەما نەبڕیا، وەلۍ چالاکانە بەشداریی هەرمانەکاشنە کەرۍ، دماتەر زانیاریما پەی ئاما کە خەباتوو حەلەبینە یاگێش گێرتێنە وێچ چا بارۊ نامە [نۊت]ش پەی کیانابێنا، بەشداریی جەنگوو حەلەبیش کەرڎەبۍ، دماتەر ئێمە زاناما و هامڕێچ باسشا کەرد و ئەوەکۊڵیایما چەنە کەرد و ڕاپۊرتەکیچنە و کرد و ئیساتێچ وچیۊ، کە حەلەب تاکە  یاگۍ بۍ چێروو نامۍ گەلی شۊڕشگێڵنینە، جەنگش جەنە کریا ڕاسیچەنە بەبۍ، پەشتیوانیی هیچ لێوە، گەل بە ئیرادەو وێش جەنگ کەرۍ، پا جەنگەیە کە حەلەبنە کەردشا، گەڕەکەکاو شێخ مەقسوودی و ئەشرەفییەی و شش گەڕەکای تەروو حەلەبی ڕزگارۍ کەرا و هامڕا باکووریچ ئاستوو یوەمینە فەرماندەییش کەرڎێنۍ، یانۍ چاگە بییەن بە ڕابەرێوە هەقەتینوو گەلی، بییەن بە فەرماندەو جەنگی و وەشەسیاو خەڵکوو حەلەبی، هەڵبەت وەختۍ ژنیماوە تەمام بەختەوەرۍ بییەیمۍ، چونکوم بەرەشڕووەو وەڵیکەوتەێوە چانەیرە کەرڎۊ، ئێمە فرە سوپاسگوزارێچش بیەیمۍ، تەنانەت وەڵۍ گەشمەرڎەبییەیچشنە فرە بە ئەرێیی باس جە پراکتیکوو ئادی کریۍ.

ڕوۍ تەماشەو تەلەفزیۊنیم کەرد و دیم ڕسمەکەش ئاما سەروو شاشەی و قسەکێش نویسیۍ، یەکسەر گومانێوە دڵمنە وەشە بییە دماتەر زانیاریی ئاما کە جەنگێوەنە حەلەبنە  گەشمەرڎە بییەن، دماتەر هامڕۍ کامێرەکەش و بڕۍ کەرەسۍ تەرێشا کۊ کەرڎێبێنێوە و پەیشا کیانانۍ، کە بەساقیی مەنێبێنیوە، هەڵبەت ئێمە ئا کەرەسێچما یاگێنە نیێرە و ورسەنگنایشا پەی کریۊ، ئێمە هەوڵێما دۍ جە جەنگوو حەلەبی بیاومێنە و کۊڵیەیمیوە کە هامڕا باکوور پراکتیکێوە چەنینش کەرڎەن، زاناما کە بییەن بە میلیتانێوە  هەقەتینی ئاپۊیی و سەرمەشق و ڕابەروو گەلی، جە کەسایەتیی وێشنە خابەتی فیکری، سیاسی و سەروازییش کەرڎێنێوە یۊ، یانۍ بییەبۍ بە میلیتانێوە فرە ڕەهەند و هەقەتینوو پەکەکەی، کەسێوە یەکلایەن و تەنگ نەبۍ، کە بڕۍ هەرمانۍ کەرۊ و بڕۍ نەکەرۊ، گرڎ ڕوێوە ئەزموون جە جەنگی ورگێرۍ و بی بە شۊڕشگێڵن و میلیتانێوە تەمام، بە تاکتیکی خولقنەرانە و چەنەئامایی ئانەش خولقنا، تا ئیساتێچ کە باسش کەرا گەلوو حەلەبی بە ژەن و گەنج و گرڎ کەسێوە ئەشرەفییەی و شێخ مەقسوودی بە نامۍ هامڕا باکوری ورمێزاوە سەروو پایا و بەڕێزۊ یادش کەراوە، ئانە بابەتێوە فرە بەنرخا، بەڕاسیچ مەبارەکا، هامڕا باکوور مەبارەکیۍ چانەش جە مدرامانوو حەلەبینە وەش کەرد، مشۊم ئینە پێسە وینیۊ، بەڕاسی برا گەورەکەیچش کەسێوە چانەبۍ، کە فرە بێدەنگ بۍ و کەم قسۍ کەرۍ، وەلۍ زانۍ کەی قسۍ کەرۊ، دەکات، خاس جە وەڵێکەوتەی یاوێنە و ورش سەنگنۍ حەوڵۍ دۍ وختی پێویسنە ئا هەرمانا کەرۊ، کە کەرڎەیشا گەرەکا، هامڕا باکووریچ چێگەوە ئۊو براکەیش شۍ.  

هەڵبەت بە پراکتیکی مدرامانوو حەلەبیش  ئاستێوە باڵاو فەرماندەیی و میلیتانینە وەش کەرد، بێگومان فرەڕەهەندی و یەکپارچەیی فرە گرنگا، ئاد ئەزموونوو جەنگوو گەلیش وەڵی وست، ئەزموونوو جەنگوو گەلیچ گرنگا، وێیاونای ئاستی نەتەوەیی گرنگا، لایەنێوە گرنگوو هامڕا باکووریچ ئانە بۍ، بەتایبەتیچ کەسایەتییێوە نموونەیی بۍ  پەی ئانیشا کە جە ڕوانگەو پارچەیی و بە وچکلەیی وردبییەیۊ جە پەرسەکانە ورڎۍ بێنێوە و نەتاوێنۍ نەتەوەپەرسیی پارچەیی ویەرانا، نامۍ باکووریش نیێبۍ وێشۊ، بەڵام بەخەمسەردییوە مامەڵە چەنی خەباتوو پانیشتی نەکەرۍ، هامڕایاو پانیشتیچ فرەشا وەش ئسیۍ، جە نزیکۊ پەیوەندیدارۍ بێنۍ پۊشۊ بە پەروەرڎەیشۊ، یانۍ متاوو بواچوو گرڎوو هامڕایا پەیوەندی و گرنگییش دێنۍ پەنە، فرە حەز کەرۍ بلۊ پەی سەرنیشتی، بەشداریی شۊڕشوو وەرنیشتیش کەرد و بی بە فەرماندە و سەرمەشقوو جەنگوو حەلەبی، وەڵیکەوتەی شۊڕشگێڵنیی گەورە خولقنۍ، یاوا ئاستوو میلیتانێوە، کە سەرانسەروو کوردستانینە جەنگ کەرۊ و تێدەکۊشیۊ، بەرزتەرین ئاستنە یەکپارچەیی نەتەوەیی، وەڵاتپارێزنیی کوردستانی، دڵسۊزی پەی گەلی، یارای و فیداکارییش نیشانە دا، گەنجۍ پاسنۍ پانیشتنە دروسۍ با، فرشۍ با و یاوا پەنە و هەوڵۍ فرۍ مدا تا بیاوا بە یۊبییەی نەتەوەیی و جە حەرچوار پارچەو کوردستانینە خەبات کەرا.

هەوڵۍ فرۍ دۍ دژوو هێزە سەرڎەسەکا و سیاسەتی نەتەوەپەرسیی دماکەوتانەی، نەتەوەییبییەی وزۊ یاگۍ پارچەکەرڎەی و هەڵوێستی تەنگی، وەروو ئانەیچە بەتەمامی با بە کوردستانیۍ و یەکپارچەیی کوردستانی وەش کەرا، ئانەیچ هەڵوێستی فرە بەنرخ و بەمانان، هامڕا هەڵمەتیچ یۊبۍ  چا سەرمەشقا، هەرپاسە فرە هامڕۍ تەرێچ هەمان چوارچوەنە بێنۍ، پەی نموونەی هامڕا ڤیانە، جە سەرنیشت، پانیشت، وەرنیشت و وەرکەوتوو کوردستانینە خەباتش کەرد، هەڵای عومرش ٢٤ ساڵۍ بۍ، هەرمانەو ڕاوەبەرییش گێرتە گەرڎەن، نزیکایەتی و هەڵوێست و کەسایەتیی چانۍ فرۍ بێنۍ، ئانەیچە کارڎایۊیۍ بۍ دژوو هێزە پارچەکار و تەنگ و نەتەوەپەرستەکا، جە هەقیقەتوو ڕابەر ئاپۊی و پەکەکەینە، یەکپارچەیی و وەڵاتپارێزنیی کوردستانی و ئازاڎیوازیی بەدەر جە بەژەوەندیپەرەسی موینا و وەروو ئانەیچە بەرزتەرین ئاستنە، چەنی پارتەکەیما باوە یۊ، هامڕا ڤیانە جە پارتیبییەینە یاوا قەلاپۊپە، هامڕا ئەندامەو کۊمیتەو ئەرەمەرزنای بۍ، هامڕا ڤیانە چەنی هامڕا نودۍ، دووۍ بێنۍ جە سیمبولەکاو قۊناغوو یەرەمووو پارتیبییەیما، هامڕا باکووریچ خەباتێوە هامشێوە بەرۍ ڕاوە و بی بە نوێنەروو ئا خەباتەیە، حیچ گومانێوەش نەبۍ، هیچ وەختێوە هەنگامە پەی دمای نەنیۍ و تەنگ نەبۍ و کۊشیاینە لاواز نەبۍ، من حەتا ئاخروو عومریچش لاوازیێوەم پۊوە نەدی، دایمە چەنی سەقامگیری و هەوڵدای و وەڵیکەوتەی بۍ، کەسایەتیی پراکتیکیی هامڕا باکووری چانە بۍ، ڕەنجدەر و ئۊسێوە گەورە بۍ، کەسێوە فرە چەنەئاما بۍ، تاوۍ گرڎ چێوێوە کەرۊ، وێچش سەروو ئا ڕێبازەیۊ ئامادە کەرۍ، ئەنجامەکەیچش جە مدرامانوو حەلەبینە بە خوڵقنای کەسایەتیێوە شۊڕشگێڵنی یەکپارچەیی نیشانە دا،  سەرنیشتنە و وەرنیشتنە هەقیقەتوو ڕابەرایەتییش بەرزتەرین ئاستنە وەش کەرد، بی بە میلیتانێوە سەرمەشقوو گەلوو کوردی، بی بە قەوەتتەرین فەرماندەو خەتۍ میلیتانیۍ ئاپۊیۍ، مشۊم ئا هەقیقەتە لاو هەرکەسێوە بۊ پاسە بوینیۊ، من سەروو ئا بنەمۍ بە ڕێز و وەشەسیاییوە یادش کەرووە، دڵنیانا چانەیە، کە یادەوەرییەکێش دایمە کوردستانێوە ئازاڎ-نە مەناوە.  

چاڤرۍ فریشتە

هامڕا چاڤڕۍ؛ بەڕاسی هامڕا چاڤرێچ ئینسانیوە بۍ پێسە نامەکێش، پێسە فریشتەکا بۍ؛ ئانڎە پاکە، بێگەرڎە، ئینسانە وەشەسیۍ، هامڕا وەشەسیۍ و هەمان وەختنە ڕەنجدەرە، ئینسانێوە بۍ، کە بە جەستە گولانۍ، وەلۍ بە مەژگ و دڵ گەورۍ بۍ. بەڕاسییچ جە بەرزتەرین ئاستنە وەڵاتپارێزنی، ئازاڎیوازی، تایبەتمەندییە‌کاو گلێرگەپارێزنی، کەسایەتیی کۊشەر و هەڵوێستی ئازاڎ و قووڵوو ژەنەو کوردی و ژەنەو پانیشتی وێنا کەرۍ. هامڕا چاڤڕۍ دماو جەنگوو قەندیلی، یان ئا وەختە قەندیل بەتەمامی کەوت دەسوو پەکەکەی و جە مەیڎانوو قەندیلینە ڕێکوستەی پەکەکەی وەڵۍ وزیا، چا وەختە بەدماوە، دلۍ کۊمەڵەو یوەموو هامڕایانە، کە بۊنەو هەرمانۍ و چالاکییەکاوە کاریگەرییشا سەرۊ نریابێرە، یاگێش گێرتە. جە قۊناغەکاو ٢٠٠١، ٢٠٠٢ و ٢٠٠٣ کۊمەڵێوە هامڕۍ، کە جە کناچا و کوڕا پێکۍ مەیا، بەشڎارییشا کەرد و فرە کەوتۍ وەڵۍ. خزمەتی گەورەشا بە کۊشیای کەرد. هامڕا چاڤڕۍ یوە بۍ چانیشا. خەڵکوو سوورەدەگۍ بۍ، جە ئەنجاموو خەباتی سەرەتایی جەماوەرینە بەشڎارە بییە. یان چا خەباتاو ئێمەنە دەگایەکانە کەردما، کاریگەرییش سەرۊ دروس بی. وەلۍ بنەڕەتۊ کاریگەریی گەریلایش سەرۊ بۍ. کاریگەریی ژەنە گەریلاکا و کەشیش سەرۊ بۍ. سەرباروو ئانەیە بە عومر و جەستە گولانۍ بۍ، وەلۍ ئیرادەو بەشڎاربییەیش نیشانە دابۍ، قەرارش دابۍ. وەلۍ سوورەدەگانە بەرئامایش  و کیانایش پەی مەنتێقێوە تەری دژوار بۍ. یا ناڕەزایەتی بنەیانەی و دەگانشینایچ بۍ. چا عومرەنە بەشڎاربیی فرێچ بێنۍ، قەرارما دا کە ئێمە ئادیشا چوارچوەو بارەگای ناوەندی بیرڎۊزینە جە خنێرەنە کوۍ کەرمێوە. دوۍ گرووپۍ هامڕایە گەنجا چا مەیڎانەنە کوۍ بیێبێنێوە. هامڕا چاڤڕێمان کیانا واگە. خاس وەختەکەم ویر نەمەنەن، وەلۍ ساڵەکۍ ٢٠٠٢ بۍ. ئێمە ئامایمۍ قەندیل، هامڕۍ واچێنۍ 'هامڕۍ چانێشا چەنەنۍ کە شمە بەرڎێشا، فرە خاسا. سەرباروو ئانەیە بە ئیرادەو وێشا بەشڎارییشا کەرڎەن، دیسانیچ بنەیانە و دەگانشینەکۍ ناڕەزایەتییشا هەن. پەوکای مشۊم بڕۍ  بەوریاییوە ڕوانە کریۊ'. ئێمەش بڕۍ هامڕۍ بێنمۍ واتما "متاومۍ بەرمێشا". هامڕا چاوەڕێشا ئارڎە، ئێمە پەنج-شش کەسۍ وستەما گەلوو وێما و کەوتیمۍ ڕا، پا نۊعە سورەدەگارە لوایمۍ،  وێش وەڵۍ بەشڎاربییەینە قەراروو وێش دابێش، چەنی هامڕایاو واگەیە جووڵیێوە. وێچش گەرەکش بۍ چاگەوە فاڕیۊوە لەوێوە پەی شۊنیوە تەری. بەرڎەما پەی یۊبییەی گەنجانی جە خنێرەنە. دلۍ یۊبییەی گەنجامانە گەنجتەرینە بۍ، بە باڵا و عومریچ گولانەتەرینە بۍ، وەلۍ بە ژیری گەورەتەرینە بۍ. بییە بە فەرماندۍ مانگۍ. هامڕا ژەنەکۍ یاوۍ ئاستوو تاقمێوە، بییە بە فەرماندۍ تاقمی. کەسۍ تەرۍ بێنۍ بە عومر و جەستە گەورۍ و قەوەتۍ، وەلۍ بە ژیری، هێزوو قەراری و پەروەرڎەی، هامڕا چاوەڕۍ وەڵێشاوە بۍ. ڕاستتەرین قەرار دۍ. زیاڎتەر وێش پەی ئینسانەکا تەرخان کەرۍ، زیاڎتەر کێشەکاو ئادیشا چارەسەرۍ کەرۍ. وەروو ئانەیە کەرڎەشا بە ڕاوەبەرە. هامڕایە ژەنەکێچ ئا قەرارەشا تاوتۊ کەرد. پەی ماوێوە فرەی ڕاوەبەرایەتیی یۊبییەی گەنجاش کەرد. بەرنامەی پەروەرڎەییما وست وەروو دەمیشا. سەروو بنەماو ئا بەرنامەیە سەرجەنۊ پەروەرڎەی تیۊریک و بیرڎۊزییشا ورگێرتۊ. خولی پەروەرڎەیی سەروازیما ساز کەرد، بەشڎارییشا خولی پەروەرڎەیی سەروازینە کەرد. بەشڎارییشا خەباتی گرڎینوو کەمپینە کەرد. جە مەنتێقە جیاجیاکاو مەیڎانەکەینە وێشا یاگەدار کەرد. چاگە وەڵێوەلوای خاسما دەس وست، هامڕا چاوەڕۍ وێش پەروەرڎە کەرد و هەم جە پەروەرڎەو هامڕایای تەریچنە دیکەدا یارڎەیدەرە بۍ. بە جیاجیا  بڕۍ قۊرتۍ ئێنۍ  ئاراوە، چەنی هامڕایای تەری زوو حەلسا کەرێنمۍ. وەلۍ هەرگیز نەدیم کە هامڕا چاڤڕۍ هیچ قۊرتێوە ساز کەرۊ. ئانەم نەدی کە بە کێشەکاو وێشۊ خۊیەوە ڕاوەبەریی سەرقاڵ کەرۊ، بە پێچەوانەوە بەرڎەوام جە یاگۍ چارەسەرینە بۍ. یا  لە ئاستوو ژیری، شرۊڤەکاریینە، جە وەراوەرەکەیش یاوێنە، کاریگەریی کەرۍ سەرش، ڕاش نیشانە دۍ یان قایلش کەرۍ. پەی ماوێوە فرەی مەیڎانوو بادینانینە مەنۊ. جە فەرماندەیی قەرارگەو ناوەندیی یەژاستارینە مەنۊ. جە دەسەو پارێزگاریی فەرماندەیی یەژاستارینە مەنۊ، ئەکادیمیاو گەشمەرڎە بێریتانێنە پەروەرڎەش دی. بڕۍ جە خەباتەکاو ئا مەیڎانیچەنە بەشڎارە بییە. چا قۊناغەنە جارجار تووشوو یۊی بێنمۍ؛ قسەوباس بەینمانە ئاما ئاراوە، بڕۍ جارۍ نامۍ نویسۍ؛ سەرنجەکاو وێش نویسۍ، بڕۍ جارێچ ڕەخنۍ گێرۍ. وەختۍ کەموکوڵیۍ جە ڕێکوستەینە جە ڕاوەبەرینە وینۍ واچۍ ئینە و ئانۍ غەڵەتێنۍ.  یان جە دما ئاستنە ئا ڕەخنۍ کە ئێمە ئیسفادەما چەنە ورگێرتە و حەرپاسە ئا بابەتۍ  هۊشیارکەرەوۍ بێنۍ. متاومۍ ئانەیچە واچمۍ وەختۍ گارەنە بۍ، داواش کەرڎە کە دیدارێوە ساز کەرمۍ، وەختوو پەروەرڎەینە بۍ، جوان ویرم نمێوە، وەلۍ بە بەشڎاریی هامڕایا دیدارێوەما ساز کەرد، واتەواچەکەش بەرد ڕاوە. یاوایمێنە کە گەرەکشا بلۊ پەی سەرنیشتی. یا قسەوباس چا بارەوە کەرۊ، وەروو ئانەی ڕاوەبەرایەتی جە بەشکەرڎەی هەرمانێنە ڕوانەو سەرنیشتیش کەرۊ، داواو پەشتیوانییش وەنەو ئێمە کەرد. بڕۍ جەنی ئاڎێچ واتەواچما کەرد. چنڎ ساڵۍ لوا ملوو عومریشەرە، گەورەتەرە بییە و وێچش پەروەرڎە کەرد، بە جەستە بڕۍ لاوازە بۍ، یانۍ جەستەش قەوەت دیار نەبۍ، وەلۍ مەژگ و ژیرییش فرە بۍ. وەروو ئانەیە پەشتی بە هێزوو جەستەی نەبەسۍ پەشتی بە هێزوو عەقڵی بەسۍ، تاوۍ گرڎ یاگێوەنە خەبات کەرۊ، ئێمەیچ واتما کریۊ، یان ئانڎە کە ویرم بۍ چا کۊبییەیۊنە پێسەما وات، هامڕێچ ئامادێشا کەرڎە، دماتەر ڕووەو بۊتان پڕاوە. هامڕا چاڤڕۍ پەی ماوێوە فرەی بۊتاننە دلۍ پراتیکینە مەنۊ، جە هەلومەرجی دژواروو بۊتانینە بەسەرکەوتەیی گەریلایەتییش کەرد. یەک-دووۍ جارۍ سەبارەت بە هەرمانۍ و خەباتی چاگەوە نامەش کیانا، حەرپاسە جە فەرماندەیی یەژاستاریوە زانیاریێش یاوێنۍ و ئا هامڕێما بارەو دۊخوو وەڵیوەلوایشۊ هاگادارێما کەرێنێوە. وەروو ئانەیە کە کەسایەتیێوە نموونەییش بۍ، یان وەڵتەر بارەو هامڕا باکووریچۊ واتما کە پانیشتنە دەمارێوە هەن پاسە پا گێرۊرە سەروو یۊبییەی نەتەوەیی، مدرامان، ژیوای ئازاڎی. یان پێسەن ئانەیە وەراوەر پا خەتەو خائین-هاوکارییە دژە بۊ، دەمارێوە ئینسانی کە داکۊکی جە ئازاڎی، یۊبییەی نەتەوەیی و شۊڕشگێڵنی جە وەڵیکەوتەتەرین ئاستنە بەزیندەیی مازاوە و وزاش وەڵۍ، هەن. ئانە دلۍ ژەنۍ و پیاینە هەن، نموونەما چا هامڕایا ئارڎۊ. هامڕا چاڤڕێچ چا نموونا بۍ. پراتیکوو بۊتانینە بەشڎارییش چنڎین خەباتەنە کەرڎەبۍ، ئندە شۊنیشەرە لوێبیمۍ، ئەزموونی گەورەش دەس وستەبۍ.  بۊتاننە گەشمەرڎۍ کریا. هامڕۍ زانیارییشا بارەو گەشمەرڎەبییەکەیشۊ ئەرەیاونا. دماتەر جە ئەرەیاونایەکایچۊ وەڵا کریاوە. یان متاوو بواچوو کە بەهاێوە گەورە بۍ. بەڕاسییچ هامڕا چاڤەڕۍ پەی گەلوو پانیشتی، ژەناو پانیشتی، گەلوو کوردی، پارتەکەیما، جمیەروو ئازاڎی بەهێوە فرە گەورۍ بۍ. پێسە جەنگاوەرێوە ئازاڎی فرەو چێواش دلۍ وێشنە پەشتڕاسۍ کەرڎێوە. خەبات؛ بە هێزی جەستەیی و عومرۊ مەکریۊ. ئەی بە چێش؟ بە عەقڵ، هەوڵدای، جەوێویەرڎەیی، وێتەرخانکەرڎەی، ئارڎەینەی و شێوازی دروس ملۊ ڕاوە. بەڕاسییچ هامڕا چاڤڕۍ نوێنەرەو گرڎوو ئانیشا بۍ، حەر یاگێوەنە مەنێوە سەرمەشقە بۍ، سەرەمڕ وەڵۍ یەکینەکاوە لوۍ ڕارە. وەختۍ تەلەفزوێنەکانە دیمەنەکاو وەڵۍ وەڵی کریاوە، ئێمە ملمۍ شۊنیشەرە. ئێمە کە واتما ئینا بەرزتەرین ئاستنە، بە بەهای نەتەوەیی، خەتەو پارتی و کۊشیایی ئازاڎیی ژەناوە پێوەسە بۍ. بوو. ئینسانۍ خولقنەرە فرە یارۍ، گیانبازە، فرە بێگەرڎە، ئینساندۊسە و جەوێویەرڎۍ بۍ. پێسە نامەکێش فریشتۍ بۍ. دروستتەرین و خولقنەرتەرینەو ئینسانەکا بۍ، ئیرادەو ژەنێوە ئازاڎۍ بۍ، خەتەو ژەنە ئازاڎانە گەورۍ بییە. بەگەورەیی گژیۍ و لوۍ جەستەی گولانەشنە دڵیوە گەورەش سەیناوە، خزمەتی فرەش کەرد. بەرڎەوام بییە سەرچەمەو ورەی و جۊشو خرۊشی. بەرڎەوام بە ڕوخساری دەم بەخووەوە، وزەی ئەرێیی وەڵا کەرێوە. جە کۊشیای ئازاڎی و گەریلایەتیی ژەنێنە، جە هامڕا چاڤڕێنە؛ هێز و پەشتیوانیێوە گەورە بەدەس ئاما. سەروو ئا بنەمێوە بە ڕێز، وەشەسیای و پەنەزانایۊ یادەش کەرمێوە. یادش سەرەمڕ جە شۊڕشوو ئازاڎیی ژەنێنە، کۊشیایی ئازاڎیی کوردستانینە بەزیندەیی مەنۊوە.

دەستینا قەندیلە

هامڕا دەستینا؛ هامڕا دەستینایچ جە یەکینەو گەنجاو هامڕا چاڤرێنە بۍ، دابوو. چێروو ڕاوەبەری، فەرماندەیی هامڕا چاڤڕێنە هەرمانۍ فرێش کەرڎۍ و پەروەرڎەش دی. ئادەیچ خەڵکوو دەگاو باڵەیانی بۍ، بوو، حەر چا قۊناغەنە بەشڎارە بییە، عومرش فرە کەم بۍ. پەوکای کیاناما دلۍ یۊبییەی گەنجاوە. هاموەخت جە دەسەو پارێزگاریی قەرارگەی بیرڎۊزینە یاگێش گێرتە  و وێچش پەروەرڎە کەرد. پاسە گرووپێوە گەنجۍ کوڕۍ گروپێوە گەنجۍ کناچۍ هامڕۍ بێنۍ، هەمان وەختنە جە مەیڎانوو قەرارگەی بیرڎۊزیمانە، بیۍ بە سەرچەمەو ورەی. بیۍ سەرچەمەو جۊشوخرۊشی. بەرڎەوام ئاستوو ورەی و قەرارگەی بیرڎۊزیماشا بە بەرزی  ئاستۊ.

ئا وەخت هامڕا دەستینا قەڵەوە بۍ، ئەوەڵوو گەنجییش بۍ، قەڵەوە، فرە بێدەنگە و دلۍ وێشنە بۍ، فرە قسۍ نەکەرۍ زۊر تەماشەو ڕوخساروو خەڵکیچ نەکەرۍ، دایمە پەی وەرڎەموو وێش دیۍ. وەختۍ هامڕۍ واچێنۍ تۊیچ قسۍ کەرە، بەرڎەوام خوای خوۍ. ساعیبەو کەسایەتێوە چانەیە بۍ؛ دلێوێشنە و کەمقسۍ و بێدەنگە بۍ. وەلۍ ژیوایشنە پراتیکنە چالاکە و کاریگەرە بۍ.  هێزی جەستەییش خاس بۍ، هەرمانەو خەباتی پراتیکینە خولقنەرە و ژیرە بۍ. هەرمانێفرێش بەسەرکەوتەیی یاونۍ یاگۍ. نیا دلۍ وێشنە بۍ ئجێت کەسۍ سیاووینەنە، وەلۍ هیچ چانۍ نەبۍ بە جۊشوخرۊشۊ بەشڎارە بۍ، زیاتەر قورسایی وزۍ سەروو خەباتی پراتیکی. وەلۍ ڕەنگای تایبەتمەندییەکای تەرێش پەیوەندییشا بە شێوازوو پەروەرڎەکەرڎەی خێزانییشۊ بیێبا. یەکینەو گەنجا بڕۍ فاڕاشا  لایەنە بێدەنگ و دلێوەبییەکەیشا ماڕا. ئیتر یاوا ئاستێوە کە قسۍ کەرۊ. تا ماوۍ فرە دلۍ ئا یەکینەینە مەنۊ، گەورۍ بییە، لوا وەڵیوە  و دماتەر چاگە بەشڎارییش پەروەرڎەنە کەرد. چایچۊ بەرەو مەیڎانوو بادینانی لوا، ئەکادیمیاو گەشمەرڎە بێریتانێنە پەروەرڎۍ بییە، هەفتانین و مەیڎانەکاو ئاگەینە دلۍ یەکینەکاو خەباتی پراتیکینە مەنۊ. جارجارە دیدار کەرێنمۍ، ئەزموونێوە گرنگی پراتیکی، ئاستێوە دیاروو وەڵێوەلوایش دەس وستەبۍ. وەلۍ چەنی بڕۍ هامڕیا نەگونجیۍ، ڕەخنە جە هەڵوێستوو ڕاوەبەرا، فەرماندەکا گێرۍ، وەختۍ ئاڎێچ وەراوەروو ڕەخنەکاشۊ سینەفراوانۍ نەبیێبێنۍ هەستش بە مەڕیای کەرڎەبۍ، پیویسییش پانەیە بۍ کە زیاڎتەر قسێش چەنی کریا، وەختۍ هامڕۍ پەنەشا واتیمۍ واتما قسێش چەنی کەرمۍ. جا وەختۍ قۊرتۍ چانە ئۍ ئاراوە ئێنە دیدار ساز کەرێنمۍ. ئاما پەی گارەی. باسوو ئا دۊخەیشە کەرد کە چەنەش ژیوێنە؛ کە چەنی بێزارە بیێنە و ڕووبەڕوو چە نۊعە قۊرتێوە بیێنۊ، بە پاو وێش ڕەخنێش بێنۍ. چنڎ ڕۊۍ قسێما کەرڎۍ، لایەنۍ سەروو حەقیچ بێنۍ فەرماندەیی تاوۍ ئا هامڕایا قایل کەرا. وەختۍ کە نەکەرڎەبێشا، تووشەو مەڕیای بیێبۍ. چوون کەسایەتیێوە هەستیارش بۍ. کاریگەرییش سەرۊ نیابێرە. بە نۊعۍ کە خەریک بۍ بڕواش کەمە بۊوە.  ئێمە ڕەخنەما چا ورسوونیشتیشا گێرتە و واتما غەڵەتێندۍ ئشیا فەرماندەکێش ڕاشا نیشانە دۍ. بەڵۍ کەموکوڵی هەن، بەس کریۊ گرڎکەس چانە نەبۊ، پەوکای مەڕیێبۍ، بڕوانە بڕۍ لاوازە بیێبۍ. یان ئانە دۊخێوە نەبۍ مایۍ قبووڵکەرڎەی بۊ. بڕۍ هێز و ورەما پەنە بەخشا. یانۍ ئاستێوەنە زەروورش بە ورەی و هێزی بۍ. بە بەشڎاریی هامڕایاو ڕاوەبەری سەروو ڕێکوستەیۊ هەرمانەکا قسێما کەرڎۍ. و چەنیشا قسەوباسما کەرد. کرد. پەی ئانەیە بزانمۍ کە پێوە متاومۍ چێش کەرمۍ. بە گونجیاما زانا پەی ئانەیە بەشڎاری جە شۊڕشوو وەرنیشتینە کەرۊ، کیانیۊ واگە. یانی چەنی گروپێوە جە هامڕا ژەنا چا بارەوە قسێما کەرڎۍ، گرووپەکەینە هامڕا ڕۊناهیی ڕەشۊ و هامڕۍ تەرۍ پێسە ئاڎۍ بێنۍ، گرڎشا وەرنیشتنە گەشمەرڎۍ بیۍ. ئادە وێچش بە گونجییاش زانا. ڕاوەبەریی یەژاستاری، وەڵتەرۍ قسێما چەنی کەرڎێبێنۍ؛ ئاڎێچۍ بە خاسشا زانا پەوکای کیاناما پەی وەرنیشتی، لوا چاگە چوو بەشڎارەو خەباتوو ئاگەیە بییە. خەباتوو یەپەژەینە، هەڵای ئا خەباتە ئەوەڵش بۍ، چاگە مەنۊ نامۍ وێشش کەرڎێبۍ بە هەفتانین دەستینا. ئێمە پێسە دەستینۍ کیاناما پەی وەرنیشتی. ئا تایبەتمەندیۍ هامڕا باکوونەر کە جە مدرامانوو حەڵەبینە بەرۍ کەوتۍ، سەرمەشقایەتی، تایبەتمەندییەکاو کەسایەتیی هامڕا دەستینێچ جە مدرامانوو کۊبانێنە ئامۍ ئاراوە. مدرامانوو کۊبانێنە هەرماندرە بییە و بەشڎارییش کەرد. هامڕۍ مزانا کە بییە بە فەرماندۍ دەسەی.  بەڕاسییچ هامڕا پا دەسەو ویشۊ بیە بە یۊ چا دەسا، کە بە کۊشیای و بە چنڎ چالاکیێوەشا چارەنویسوو کۊبانێیشا یەکلایی کەرڎۊ. گەریلایەتییش وست وەڵۍ، بڕۍ هامڕۍ لوۍ چالاکی گیانبازیی هامڕا نالینۍ ئاما ئاراوە. دلۍ ئا مدرامانینە کە زیاتەر کاریگەرییش کەرد سەروو سەنتەروو کۊبانۍ، مدرامانوو دەسەکەو هامڕا دەستینۍ بۍ.  وەراوەروو هجوومەکاو داعشینە پەی چنڎین ڕوا پارێزگارییشا وەنەو بینێوە کەرد، ناستشا داعش بلۊ دلێشۊ کە یۊ بۍ جە کاریگەرتەرینوو جەنگەکا مدرامانوو دەسەو هامڕا دەستینۍ ئینەشە کەرد. هامڕا جەمال ئینەیە خاستەر مزانۊ باسش کەرۊ. سەبارەت پا مدرامانەیە زانیاریما چا هامڕایا ورگێرت، کە ئشناسێنێش. وێش وەختۍ کە مدرامانوو کۊبانۍ گێڵیۊوە، باسوو ئانەیە کریۊ، کە تایبەتمەندیی فەرماندەیی بێهامتایانەش نیشانە دان. دەسەکەش کە کەس چەمەڕوانییش نەکەرڎەن، هەرمانێوە نەکەرڎێشا کەرڎێنە. ئانە کە بە چالاکیی وێشا بیناکێنە، ئیرادەو داعشیشا ماڕان، گورزی کوشندەشا دانوەنە، مدرامانوو کۊبانێشا بەرەو سەرکەوتەی بەرد، هامڕا دەستینا و دەسەکەش بێنۍ. فەرماندەییەکەش پاسە وست وەڵۍ، بینێکۍ وڕا ملشارە و پاسە گەشمەرڎۍ بیۍ. یوە جە فەرماندە سەرمەشقەکاو مدرامانوو کۊبانێنە. بە فەرماندەیی و وەڵیوەبەرڎەی و مدرامانوو کۊبانێوە، بییۍ بایسوو دەسپەنەکەرڎەی دلێنەشییەی داعشی، مدرامانوو کۊبانێشا یاونا ئاستوو سەرکەوتەی. بەڕاسییچ بییە بە پرڎێوە بەینوو قەندیلی و کۊبانێنە، خەتێوەش بەینشانە کێشتە. بارەو هامڕا دەستینێوە کە ئەوەڵۊ واتم بێدەنگە و سەرووۍ بۍ، وەلۍ کۊشیاینە نا کەوتە وەڵی و بەرزە بییۊ، وەختۍ گارەوە وستەما ڕا، هەڵای بڕۍ تایبەتمەندیۍ وێش بێنێش. پەی نموونەی فرە سەرسەختە و پاگێرەکەرە بۍ، تا حاڵییە نەبیۍ  هیچ نەکەرۍ، هەروەخت یاوێنە و زانێش کەس نەتاوۍ ڕاش وەنە گێرۊ، پەوکایچ چەنی ڕاوەبەری تووشوو مشکیلەی بیێبۍ،  چارەسەرکەرڎەیچ فرە ئاسان بۍ، وەلۍ چون سەرسەختە بۍ و پێداگرییەی بابەتەکە بڕۍ یاوابۍ بە بنبەس. ئا وەخت ورما سەنگنا و ئادەیچ وێشش ڕەخنە کەرد.  ئا پاگێرتەیرەشە فرەو وەختا هەڵوێستی ئەرێییش چەنە گنێوە. ئاخر سەروو خەتەو هێڵ عینادیوە پاگێرتەیرەیۊ مدرامانیچنە پاسنۍ بۍ، مدرامانوو کۊبانێنە دیما. ئێمە ئەنجاموو ئا کەسایەتییە عیناد و پاگێرتەیرەکەر و خولقنەرێنە، گیانبازی، یارای و خوڵقنای گەورەما مدرامانی گەورەما وەراوەروو داعشی فاشیستینە دی. زیاڎتەر کۊمۊنیالیزم، هامبەشیکەرڎەی، خزمەتکەرڎە بە ئینسانەکا وینییا. بەتەمامەتی ڕەنجدەرە بۍ. وەلۍ بڕۍ جارێچ بە عینادی و پاگێرتەیرەوە نزیکە بێوە، لایەنی وێگیرانەش بۍ، ئا تایبەتمەندیێشە جە مدرامانوو کۊبانێنە دەورشا گێڵنا جە سەرکەوتەی کۊبانێنە.  جە باڵەیانۊ ورگنی و بی بە یوە جە فەرماندەکاو سەرکەوتەی کۊبانۍ گرنگا. بە گرڎیماش نیشانە دا وەختۍ هێزوو ژەنۍ، هێزوو ژەنەو پانیشتی خەتەو ڕابەرایەتینە کە دلۍ خەتەو پارتەکەیمانە پەروەرڎۍ  بۊ زانۍ بۊ جەنی بۊ بە هێزێوە گەورە، جەنگاوەرێوە گەورۍ ئازاڎیی. دەیسان بەرش وزۊ کە بە خەبات و کۊشیاێوە، کە بەرۊش ڕاوە چەنی پەی گرڎ لێوە بۊ بە نموونە. بەڕاسی هەم هامڕا باکوور و هامڕا چاڤڕۍ و هەمیچ هامڕا دەستینا، فرە ڕەنجشا کێشت؛ جمیەرەکەما، مدرامانوو گەریلای، کۊشیایی ئازاڎیی ژەنۍ، پەناو مدرامانوو بۊتانی و پانیشتیشا یاونا وەرنیشت یۊشا چرەنویسوو مدرامانوو حەڵەبیش دیاری کەرد، هامڕا دەستینایچ بییە بە یوە چانیشا کە چارەنویسوو مدرامانوو کۊبانێش دیاری کەرد. مشۊم ئا هامڕۍ پاسە بشناسیا، پاسە یاد کریاوە، مشۊم گرڎ کەس ئا کەسە گەورا پاسە بشناسۊ. سەروو ئا بنەمێوە ئادیشا بە وەشەسیای، ڕێزداری و بە پەنەزانایۊ یاد کەرووە. ئەرەیاونووش کە ئێمە یادوو ئادیشا بەرڎەوام جە شۊڕشوو ئازاڎیی ژەنۍ و کۊشیایی ئازاڎیی کوردینە، بەزیندەیی مازمێوە.

س.ز