ئەنڎاموو کۆمیتەو ڕاوەبەری پەکەکەی دوران کاڵکان جە بەرنامېوە تایبەتی مەدیا خەبەرینە قسېش کەرڎۍ و بەمەڵامەتوو هامکارییەکاش چنی دەوڵەتوو تورکی ئاگاڎیش دا بە پەدەکەی.

کاڵکان ئەرەیاۋناش، پەدەکە هێزێوە پا جۆرەنە کە قەسەمش واردەن پەکەکەی دلېنە بەرۊ و ۋاتش، "چنی گرڎوو دوژمنا پەکەکەی پەیوەنڎی و هامپەیمانی ساز کەرۊ. دماو ئانەی کە پەکەکە چېۋېش پنەماچۊ، گېڵۊوەو ماچۊ "دژوو دوژمنی قسۍ کەرڎۍ'. تۆ گرڎ چۊۋۍ کەری، گرڎ جۆرە خیانەت و مامەحەمەییۍ کەری، بەڵام با کەس حیجت پنە نەواچۊ، چېوی پا جۆرە چکۊ هەن؟".

کاڵکان باسش چانەی کەرڎ، کە پەدەکە هامکاروو دەوڵەتوو تورکین و ۋاتش. "جە ئیسە بەدماوە جە مەتینا، گارە،خێرە. چکۊ هەنگامېوە بنیا و گولېوە تەقنا و بەیا وەڵېوە، ئانە بۊ بە مایۍ هۊرگیرسناو جەنگی. مشۊم گرڎ کەس ئانەی عال بزانۊ".

هۊرسەنگنایەکۍ کاڵکانی ئینېنۍ:

بە ڕېزۊ سڵام جە مدرامانی تاریخی ئیمراڵی و ڕابەر ئاپۊی کەروو. حۊڵۍ گرنگۍ ئینۍ ئارانە، کۊشیای ۋەردەواما.کۊشیای پەی ئازاڎیی جەستەیی ڕابەر ئاپۊی هەم جە ڕوو یاسایوە هەمیچ جە لایەنی سیاسیوە ۋەردەواما. ئارۊ جە فرەو شارەکا ئۊرووپاینە جە لاو گەلی و دۊسەکاماوە ۋېڕاگری هەن. بە ڕاسی هەڵۋېس و داواکاری ڕۊشنشا نیشانە دان. من جە کەسایەتی چالاکیەکا دۊسڵدۊرفی و ستراسبۊرگینە سڵام جە چالاکیەکا ئۊرووپای و گەلەکەیما و دۊساما و گەنجا و ئا ژەنا کەروو کە بەشڎاریشا جە چالاکیەکانە پەی ئازاڎیی جەستەیی ڕابەر ئاپۊینە کەرڎەن. هیواو سەرکۊتەیشا پۍ موازوو چی کۊشیایشانە، کۊشیایما سەرگنۊ. گەرەکما جارېوەتەر ئەرەیاۋنوش کە قەناعەتم پانەی هەن.

خۊتان کەرڎەی جە مېڎانەکا بەری گرنگا

دۋۍ ساڵۍ ونیم ۋیەرڎ، زانیاری نیا. پارېزنەرەکۍ چی دماییەنە داواشا جە سی پی تی کەرڎ، کە زانیاری و ئەرەیاۋناکا ۋەروو دەسیشا ئاشکرا کەرا. ئانە داوېوە گرنگە بۍ. ئا ئاژە ئینا چەمەڕایی جواب دایۊینە.

جە ڕاسینە کاروەدایۊکۍ جە مېڎانەکا بەرینە دژ بە سیستموو گۊشەگیری ئیمڕاڵی، ئەشکەنجەی، پاکتاوکەرڎەی زیاتەر ماناڎارتەرۍ بیېنۍ. ئانە بەرش وزۊ کە ڕابەر ئاپۊ دیوارەکۍ گۊشەگیری ئیمڕاڵیش وڕنېنۍ، ڕاسی ڕابەرایەتی ئانەن کە چنی ئاستېوە گەردوونیش بەدەس ئارڎەن، دلۍ گرڎوو چېردەساو ڕەنجدەرانە ۋەڵا بیەنۊ، چنی ڕاو ڕزگاریش بە ژەنا، گەنجا، ڕەنجدەرا و گرڎوو چەوەسیاکا نیشانە دان و بیەن بە ڕاسی ڕابەرایەتی. متاۋمۍ بە ڕۊشنی ئانەی دەسنیشان کەرمۍ.

پارېزنەرەکۍ ئەرەیاۋناشا، تا ڕابەر ئاپۊ جە ڕووی جەستەیوە ئازاڎ نەکریۊ، سیستموو ئیمڕاڵی هورنەشېویۊوە، قسەکەرڎەی سەروو ئاشتی بۍ مانان. ئانە ۋینیۊ، وەختۍ ئەندېشەکۍ ڕابەرایەتی، پاڕادیگمای تازە، پاڕادیگمای ئازاڎیپارېزو ژەنا، ئیکۊلۊژیک و دیموکراتیک ۋەڵابۊوە، سەرنجو ئینسانەکا پۍ لاو ۋېش کېشۊ، ئینسانەکۍ شۊنیرەلۋایش پۍ کەرا و قبوڵش کەرا. چارەکەرڎەو پەرسەکا ۋېشا چینەینە ۋینا.

ئینسان متاوۊ بۍ هەڵۋېسی داموودەزگا ڕسمیەکا مافەکا مرۊڤی پېسە هامکاری تاوانۍ پېناسە کەرۊ

ئانە بەڕاسی پەیجوری کەرڎەیۍ جدین. ئانە پەیجوریېوەن کە بەتایبەتی دماو وڕای یۊبیەی سۊڤیەتی دەسشپنەکەرڎەن. ئا گېڵای و شۊنیرەلۋایە جواب و ۋېش جە پارادیگمای تازەو ڕابەر ئاپۊینە ۋینۊوە. چا پاڕادیگمایەنە گرڎ کەسۍ ڕاو ئازاڎیی، دیموکراسی و یەکسانی مۋینۊ. ڕزگاری ۋېش جە پاڕادگماو ڕابەرایەتینە ۋینۊوە و سەرو ئا ئەساسیە زیاتەر پېشوازیش ۋنەکەرۊ و زیاتەر کۊشیۊ، بەشڎاریش چنە کەرۊو زیاتەر دەنگ هۊربڕۊ. پەی ئازاڎیی جەستەیی ڕابەر ئاپۊی هەڵۋېسېوە ڕۊشن نیشانە مڎۊ. بەشېۋېوە جددی فاشیزموو ئاکەپەو مەهەپەی وزۊ وەرو دەموو ۋەرپرسیاری و ۋنە پەرسایۊ.

بەڵام جە ئەرەمەرزیا ڕسمیەکاوە حیچ جوبۍ مەڎریۊوە. فرەو وەختی ئانەما ئەرەیاونان. ڕاوەبەری تەیب ئەردۊگانی متاومۍ فرەو جاری ئانەی واوەی کەرمېوە، ئاشکرابی کە بەتەمەمی درۊزنا. شمە واچدۍ بزان و جە چ بوارېنە بەڕاسی و دروسی جمۊوە؟ ۋېش جە ۋېشەنە ئیمپڕاتۊریەتوو دروا ئینا ئارانە. مشۊم ئینسان واچۊ ئیمپڕاتۊریەتوو تەرسۍ و دروا. ئانە ڕاستەرین پېناسەن پۍ دەسەڵاڎداری فاشستیانەو ئەردۊگانی. سەروو ئا مژاریە ئەرەیاۋنېوە گرڎیی دریا. بەڵام ئانەی واتشا جابەجېشا نەکەرڎ. ئېمە چانەی میاۋمېنە، ئېمە نەک حەر مزانمېش، بە سیاسەتوو ئاڎیشایچ مزانمۍ، ئەقڵیەتوو ئاڎیشا مشناسمۍ. ۋەروو ئانەی فاشیست، کۊلۊنیالیست و قڕکەرېنۍ پی جۊرە هجووم ئەنجام مڎا.

بەڵام ئینسان مەتاۋۊ بیاۊنە کە پۍ چی ئەرەمەرزیاكۍ تەرۍ ۋەرپەرس جە ئیمڕاڵی، پېسە ئانەی ڕاوەبەری تورکیای قبوڵ کەرا، بېدەنگېنۍ. قۊرتەی ئەساسیە ئیانا چېنە. چی ڕوۊ هامکاریۍ ئینا ئارانە. ئینسان متاوۊ پېسە هامکاری و بەشڎاری جە تاوانېنە نامېش بەرۊ.ئانېچ گرڎ هەنۍ. بەهامکاریۍ چی جۊرەیە ڕا جە ئازاڎیی جەستەیی ڕابەر ئاپۊی کریۊ، جە ئیمڕاڵینە قورستەرین پاکتاوکەرڎەی فاشیستی، کۊلۊنیالیستی، ستەمکارانە، ئەشکەنجەدای، جە تاریخەنە بیەیش هەن، ئینە ڕاسیېوە ئاشکران.

قۊرتەو کورڎی قۊرتېوە ئاساییە نیەنە

مشۊم ئینسان چېش کەرۊ؟ بېگوومان ئېمە گرڎ وەختۍ ئا پرسیارۍ کەرمۍ و مشۊم پرسیارەیچ کەرمۍ. ئېمە کۊشیەیمۍ. پەنەوازەن جە کۊشیای دورۍ نەگنمېوە. ڕەنگە چی کۊشیاینە ئەنجامی دەمودەسوو فرە چەمەڕایش ۋنە نەکریۊ. ۋەروو ئانەی سیستموو ئەشکەنجەو گۆشەگیری ئیمراڵی جە قۊرتەو کورڎیۊ سەرچەمەش گېرتەن. قۊرتەو کورڎی چېشەنە؟ بە ماناو ئەقڵیەتوو سیاسەتوو قڕکەرڎەین کە سەروو گەلوو کورڎیرە سەپیۊ.ئینە قۊرتۍ ئاساییە نیەنە. ڕەنگە یۊ جە قورستەرین قۊرتەکا مرۊڤایەتی بۊ. قۊرتەو عەرەب-ئیسرائیلی یۊ جە قورستەرین و قەڎیمی تەرین قۊرتەکا تاریخینە. بەڵام پەرسوو کورڎی ئانەیچش ۋیەرنان. پۍ چی؟ ۋرو ئانەی تەنیا پەیۋەنڎیش بە دۊڵەتوو ترکی و دۊڵەتا ۋەرکەوتوو میامینیۊ نیا. ۋەرو ئانەی هەژمونگەرای سەرمایەداری گەردونی، سەروو ئەساس و عەقڵیەتوو سیاسەتۍ کە سەروو نکوڵیکەرڎەی و ئەشریەیۊ کورڎ، ئەرەمەرزیان.ۋەروو ئانەی ئینسان چنڎە فاشیزمی ئاکاپە-مەهەپەی تەنگەتاو کەرۊ، فشار جە ڕاوەبەرایەتی ترکی کەرۊ، گورزەش دۊۋنە ، مارۊش لېواروو وڕنای، پۍ چارەسەری فشارش ۋنەکەرۊ، بڕۍ کەسۍ حۊڵ مڎا پەشتیوانی دۊڵەتوو ترکی کەرا ئاڎیشا ڕزگار کەرا. تا ئیسە فرەو جاری ئینە ڕووەش دان.

حەرپۊکەی مشۊم ئېمە ئی ڕاسیە ۋینمۍ. پەرس و قۊرتەو کورڎی قۊرتېوە نیەنە بە ئاسانی و دەموودەس چارەسەر کریۊ. ئینسان متاۋۊ پېسە کۊشیای ئازاڎیی و دیموکراسی ۋەرفراوان گوزارشتش ۋنەکەرۊ، ۋەروو ئانەی پی جۊرەنە، چنی قۊرتەو ئازاڎیی ژەنا کە یۊ جە ۋەرفراوانتەری قۊرتەکا تاریخین، یۊش گېرتەن. ئینە بە ڕېکۊت نیا. دلۍ کۊشیای ئازاڎیی کورڎانە ژنۊلۊژی گەشەش ئەسان و ئاخېزوو ئازاڎیی ژەنا دەسش پنەکەرڎەن. ئانە پەیوەنڎیش بە جەوهەروو ۋەرفراوان بیەی قۊرتېوە هەن. کۊشیایۍ سەروو ئا ئەساسیە هەن.

کۊشیای پۍ ڕابەر ئاپۊی کۊشیاین پۍ ڕابەرایەتی

ۋەروو ئانەی ڕابەر ئاپۊ شۊنەو چارەکەرڎەو پەرسوو کورڎیرە گېڵۍ، پیلانگېڵی میان نەتەوەیی ئنجام دریا و ئاڎشا بەرڎ ئیمڕاڵی. سیستموو ئیمڕاڵی درېژ کریاوەو پیلانگېڵی میان نەتەوەییا. سیستمېوە کە حۊڵ مڎۊ پیلانگېڵیەکەی درېژە پنە بڎۊ جا بەجېش کەرۊ. بە ئامانجی پیلانگېڵیچ ڕابەر ئاپۊشا گېرت. پۍ چی؟ پۍ ئانەی جینۊسایدوو کورڎی جابەجۍ کەرۊ. چارەسەری پەرسوو کورڎی، پی جۊرە لەمپەڕشا ۋەروودەم و دیموکراتیک بیەو تورکیای و کاریگەریە دیموکراتیکیەکاش ئانەی جە ۋەرکەوتوو میامینی جەهانی سازکەرا، ئانەشا کەرڎ. مشۊم شمە ئانەیچ ۋیندۍ. چی ڕوۊ کۊشیای ئازاڎیی جەستەیی ڕابەر ئاپۊی، کۊشیای ئازاڎیی کورڎسانی، ئازاڎیی گەلوو کورڎی، کۊشیای دیموکراتیکبیەو تورکیایا. کۊشیایۍ پا جۊرەنە کە ژیۋایۍ ئازاڎانەتەر پۍ مرۊڤایەتی دەسەبەر کەرۊ.

وەرەقەو تورنوسۊڵ(لیتموس)ی دیموکراسی، ئاژەو ئیمڕاڵی، مامەڵەکەرڎەی ئیمراڵینە مامەڵەکەرڎەیا چنی ئازاڎیی جەستەیی ڕابەر ئاپۊی. ئینە ڕاسیېوە حاشا هورنەگیرا. ۋەرو ئانەیچ ئی کۊشیایە گوڕ بە چارەسەری بەخشۊ.مشۊم ئېمە جە گرڎ مېڎانېنە گوڕ پی کۊشیایە بڎەیمۍ. سەروو ئا ئەساسیە متاۋیۊ کۊشیای یاسایی ئەنجام بڎریۊ. ۋەردەوام واتەنما، شیاوو واوەی کەرڎەینۊ. مشۊم سیستموو ئیمڕاڵی جە چوارچېوەو یاسای دیموکراتیکینە گفتووگۊ و ۋنەکۊڵیایش جە بارۊ ئەنجام بڎریۊ. سیستمېوە چنی؟ مشۊم ئینسان جە دووری ئانەیۊ نەمرڎۊ. مشۊم فرە بەعالی شەرمەسار کریۊ. پەنەوازەن کۊشیای سیاسی، کۊشیای جەماوەری، چالاکی گەنجاو ژەنا جە گرڎ مېڎانەکانە ۋەڵۍ وزیۊ. جمیەرەکەما جە ئیسە بە دماوە گوڕ بە کۊشیای ئازاڎیی مڎۊ. گەریلاکېما قارەمانانە گژیا. کۊو ئا کۊشیایایچە بۊ بە کۊشیایۍ کە ئازاڎیی جەستەیی ڕابەر ئاپۊی دەسەبەرکەرۊ. مشۊم چی کۊشیاینە پا گیرۍ بیمۍ، دەسش چنە هۊرنەگېرمۍ. مشۊم ئېمە قەناعەتما بە سەرفرازی بۊ تا سەرفرازی بەدەس بۍ مشۊم کۊشیەیمۍ. جارېوەتەر سەرکۊتەی پۍ ئا کەسا موازوو کە ئی کۊشیایە ڕاوەبەر کەرا.

ئا ئاژەو ئیمڕاڵی کاریگەریېوە فرە جە زینڎانەکا ئیمڕاڵی کەرۊ

ڕابەرئاپۊ ئی چېوەشە واتەبۍ،"چېگە سیستمېوە چانە وەشکریا  کە من جەبارەو ۋېمۊ حیچ چېۋۍ مەواچوو، بەڵام بە بۊنەو منۊ فشاروو ستەم جە سەڎان کەسا کریۊ، ئینۍ زینڎانەکانە و ڕووبەڕوو ئەشکەنجەی باوە". ئینەیچ کاریگەریش سەروو گرڎ لایۍ بۊ. پۊکەی مشۊم ئینسان دژوو ئینەی مرڎۊ و کۊشیای کەرۊ. ئیسە ئېمە ئا ئاژەیەو ئەنجامەکەیش ۋینمۍ کە ڕووە مڎۊ. ئېمە مەواچمۍ گرڎوو زینڎانیەکا و ئاژەو زینڎانیا سیاسی پېسە ئاژەو ئیمڕاڵیا، نیا جا ئاستەنە، بەڵام کاریگەری فرەش ئینا سەرۊ. فشارېوە فاشیستی فرە قورس، تیرۊرو ئەشکەنجە زینڎانەکانە هەن. ئینە بە ئاشکرا ۋەڵاو بۊوە، زینڎانیەکۍ زینڎانەکانە گەشمەرڎۍ با جەنازەکەشا مۍ بەرۊ. چی دماییەنە شاکیر توران گەشمەرڎەبی، من بەڕېزۊ یاڎش کەرووە. جەکەسایەتی ئاڎینە  گرڎوو گەشمەرڎەکاما جە زینڎانەکانە ۋیر مارووە. من هامبەشوو ئېشەکا گەلی و خانەواڎەکەیشەنا.

ئیسە خانەواڎەکېشا چنی ئی زینڎانیا ئینۍ حۊڵداینە، ئینە گرنگا. گرنگا کە ئی حۊڵۍ بانۍ بە کۊشیایۍ ڕېکوستەکریای. پەنەوازەن چی ئاژەو ئیسەینە کە ئینایمېش چەنە ئینە کریۊ. بەڕاسی لاوازی هەن، مشۊم بەقوەت کریۊ.

قۊرتەکۍ تەنیا قۊرتەو خانەواڎەکا نیەنە. چن ڕووۍ چېوەڵتەر ڕېکوزیېوە مافوو مرۊڤی ئامارېوەش ئاشکرا کەرڎە. تا ئیسە ٣١٣ زینڎانیۍ سەرەڕاو ئانەی کە ماوەو زینڎانیشا تەمام بیەن، بە شېۋېوە هەڕەمەکی و بۍ بنەما ئازاڎۍ مەکریا. ئینە ئاژېوە فرە جدین. ئی چېوە ۋەڵابیەیۊ کرڎەوەی نایاساییا جە ئیمڕاڵی و جە گرڎ مېڎانېنە. ٣١٣ کەسۍ کەمۍ نیەنۍ. بڕېشا ٦ مانگۍ و بڕېشا ساڵېوە و بڕېشا ٢ ساڵۍ و بڕېشا ٣ ساڵۍ سەرو حوکمەکەیشارە تەمام بیەن، بەڵام ئازاڎۍ مەکریا. ئینۍ سزۍ نا حەقېنۍ. حیچ لایەنېوە دیموکراتیک و یاسایی نیا.بە تەمامی ئا سزۍ  کە بە ۋیرکەرڎەیۊ ئەرەگیرانەو قڕکەرانە دریېنۍ، بەڵام ئیتر ئانېچشا پەشتگۊش وستېنۍ. ئیسە گرڎ چېوۍ بە شېۋېوە هەڕەمەکین. لوجنېوەشا پېک ئارڎەن، خەڵکی مارا ۋەرودەموو ۋېشا، حیچ مامەڵۍوە ئینسانانە نیا ئارانە.

جەهان دووە ڕووی کەرۊ

حەر چا گوزارشتېنە ۋاتشا کە جە سەر ۋنەداکای ساڵەو٢٠٢٢ ېنە سەردوەدای جە بارەو ئەشکەنجەیۊ هەن. ئاشکران کە ڕاوەبەری ئەردۊگانی ڕاوەبەردەیۍ ئەشکەنجەدای چنینا. بېجگە چی ڕاوەبەریا ئەگەر بڕۍ کەسۍ تەرۍ نزیکەو چارەکۍ چی فشاروو ئەشکەنجاشا ئەنجام دابیۍ، فرېوە جە دۊرو بەری قیامەت هورئېزنېنۍ. بەڵام با وریۍ بیمۍ.دەنگېوە فرە جە ۋەران ۋەروو ڕاوەبەری ئەردۊگانینە نیا. گرڎیچ جە نەژنەویەی و نەدیەی و نەزانایۊ مۍ، دووە ڕوېنۍ.. جەهانیچ جە وەران ۋەرو ئا چېوا کە ئاکەپە سەروو کورڎاشەرە مارۊ دووە ڕوېنۍ.

ئا چېۋۍ کە وەران ۋەروو کورڎا کریا بېگومان ۋەران ۋەر بە ڕەنجدەرا، ژەنا، گەنجا، سۊسیالیست دیموکراتیکوازە شۊڕشگېڵنەکا تورکیایچ کریا.ئینۍ جە یۊی جیۍ نیەنۍ. پۊکەی ئاژەکە جددین. زینڎانیەکۍ زینڎانەکانە مدرامان کەرا، چونکی ئاڎۍ پەیڕەوی جەنەریتوو مدرامانوو ١٤ و تەموزی کەرا. خەتەو مدرامانوو ساڵەو ١٩٨٢ ڕاوەبەر کەرا. حیچ فشارو ستەمېوە مەتاۋۊ جە ئامانجەکاشا دورشا وزۊوە و ئیراڎەشا ماڕۊ. بېگوومان نەمەڕیا. دماین گەشمەرڎە چېشش ۋات؟ ۋاتش، من سەربەرزەنا. با گرڎ کەسۍ سەربەرزبۊ. حەر ئانڎە.

گرڎوو ئا کەسا کە دلۍ زینڎانەکانە بە سەربەرزیۊ مرڎېنۍ، کۊشش کەرا   

ڕاوەبەری ئەردۊگانی چېشش کەرڎ؟ بە دەیان هەزار ژەن و پیۍ فڕەدریۍ زینڎانەکاوە. کەس بەپاو ئاڎیی مامەڵەش نەکەرڎ. گرڎ بەسەربەرزیۊ مرڎۍ، کۊشیایشا کەرڎ و کۊششا ۋەردەواما. ئېمە واوەی سڵام چا کۊشیایە کەرمۍ و سەرکۊتەیشا پۍ وازمۍ. ڕەنگە سەخت بۊ، بە ئېش بۊ، ڕەنگە ئەشکەنجە بڎریا و گەشمەرڎۍ با. ئەنۍ جەنگەوانۍ ڕاو ڕېبازی گۊرەینۍ. بۊنەو ڕېبازوو ئازاڎیی و دیموکراسی و سەروازی گەشمەرڎانە کۊشیا. ئاڎۍ مزانا چېششا کەرڎەن و چنی مژیۋا پۍ چی ئا جۊرە ئەشکەنجەشا وەران ۋەر کریۊ.

پەنەوازەن گرڎ کەسۍ خۊتانکەرڎةی کەرۊ جە کۊشیای زینڎانەکا

 پەنەوازەن گرڎ کەسۍ پەشتیوانی ئی کۊشیایە کەرۊ، ئی کۊشیایە بۋینۊو خۊتانکەرڎةیش ۋنەکەرۊ. چی ڕوۊ قۊرتەکۍ تەنیا قۊرتەو خانەواڎەکا نیەنە، بەڵکم جە ڕاسینە قۊرتەو گرڎوو گلېرگەینە. چونکی ئەگەر ئاستوو ئەشکەنجەدای زینڎانەکانە یاۋا بۊ پی ئاستیە، سەوای ئانڎەی تەر ۋەڵا بۊوەو گرڎوو گلېرگەی گېرۊوە. ئیسە گرڎ ماچا، ئەشکەنجەو ئیمڕاڵی ۋەڵا بیەنۊ سەروو گرڎیمارە. گۊشەگیری ئیمڕاڵی جە گرڎ یاگېنە ۋەڵا بیۊ، فشار، ستەم، ئاورایی، قەیران، قەیرانەی ئابوری، قەیرانەی سیاسی ئینۍ گرڎ چینەیۊ سەرچەمە گېرا. ئیمڕاڵی پۍ قۊرتەو کورڎی هەن. ئە گرڎ جەنگوو ۋنەو مەرڎەیە گرڎ جە ئاکاموو قۊرتەو کورڎینە ئامان ئاراوە. پۊکاتی ئانۍ کە وەرپەرسېنۍ چینیشا ئانېنۍ کە قۊرتەو کورڎیشا ۋەش کەرڎەن و چارەسەرشا نەکەرڎ. ئانۍ کە فشاروو قڕکەرڎەی سەروو کورڎیرە سەپنا و بیەو ئازاڎیی و مافە دیموکراسیەکا کورڎی قبوڵ مەکەرا گەرەکشانە کورڎی دلېنەبەرا. وەختۍ باس جە قۊرتەو کورڎی کریۊ ، با کەس کورڎی بە ۋەرپەرس نەزانۊ. بە پېچەوانۊ فشاروو ستەموو نا دادی ۋەران ۋەروو کورڎی هەن کە ئینۍ مەڵامەت و پاڵنەرېنۍ.

سەروو ئی ئەساسیە پەنەوزەن خەڵک جە مدرامانوو زینڎانەکا بیاۋۊنە، پەشتیوانی زیاتەرشا ۋنە کریۊ، زیاتەر ئا کرڎەو وەحشیانا ئاشکرا کەرا. حیچ دەسەڵاتېوە مەتاۋۊ ۋەرگەو ئی جۊرە ئەشکەنجا گېرۊ، تەنیا بە ئاشکراکەرڎەیش وڕۊ. ئاژەو زینڎانەکا ڕۊشنا.چا ڕووانگۊ پەنەوازەن ئینسان پەشتیوانی زیاتەر جە مدرامان و زینڎانەکا کەرۊ.

هەشت ساڵېن مدرامانۍ گۊرە هەن

من جە ١١ەمین ساڵیاڎوو گەشمەرڎەبیەیشانە، هامڕا محەمەڎ گۊیی، مېرخاس و ڕېڤانی کە جە ٤ و ئەیلولینە گەشمەرڎۍ بیۍ، بە ڕېزۊ یاڎشا کەرووە. ئاڎۍ فەرماندارۍ ویلایەتوو وانی بېنۍ. ئاڎۍ چالاکیۍ گۊرەشا بە سەرکۊتانە ئانجامدا و ساڵانېوە فرە کۊشیایشا کەرڎ. دماو چالاکیۍ چانەی گەشمەرڎۍ بیۍ.

پېسە ئاڎیشا بە سەڎا، هەزاران، دەیان هەزار گەشمەرڎېما هەنۍ. گەریلۍ فیدایۍ و گەلۍ کە بیەن بە فیدایی فرەن کە سوپاو گەشمەرڎا ڕابەرایەتی ئینەی کەرا. سەروو ئی ئەساسیە ئېمە خەبات کەرمۍ. مدرامان کەرمۍ و جەنگ کەرمۍ. جە زاپ، ئاڤاشین، مەتینا،واتە هەرېمەکا پارېزنا مەدیاینە ڕاسی جەنگی هەن. بەڵام جەنگەکە چاگەنە سنوردار نیا، جە گرڎ بەشۍ سەرنیشتینە جەنگ هەن. با تەماشېوە خەرزان، ماردین، ئامەڎ، سەرحەدی و شارە گۊرەکا، گرڎوو شارەکا، جە پانیشتوو ۋەرنیشتی کەرمۍۋینمۍ کە جە تەماموو کورڎسانینە جەنگ هەن. ترکی ئەرەگیر هجووم کەرۊ سەروو حەریاگۍ کە کورڎش چنە بۊ پۍ ئانەی کورڎا تیرۊر کەرۊ. ئېمەیچ دژ پینەیە مدرامان کەرمۍ.

مدرامانوو جەنگ و زاپی ئینا ئاستېوە یەکلایی بیەینە. ساڵ و نیمېش خواینا. پۍ ئەرەگیرکەرڎەو بڕۍ مەنتیقا هجووم کەرا، هەڵای هجوومەکۍ ۋەردەوامېنۍ. ماوەو دوۍ ساڵاو نیمین هجووم کەرا سەروو هەمان مەنتیقەی. جە ڕاسینە ٨ ساڵېن هجووم کەرا. ئی هجوومە ئەرەگیرکاریە جە ٢٦ و ئاب و ٢٠١٦ یۊ دەسش پنەکەرڎەن. پاش نیا ساڵەو هەشتەموو ۋېشۊ. حەشت ساڵېن ۋەردەواما. جە ۋەران ۋەروو ئانەیچەنە مدرامانۍ گۊرەهەن.

هجووم و مدرامانی ئەخیر بە تەئکید گرنگتەرا. گرڎ ئینەی ۋینا. قەرارگەی ناوەنڎیما ئامارەو مانگانەیش ئاشکرا کەرڎەو ئەرەیاۋناشکە ٣٢٣ چالاکیۍ کریېنۍ . ئاماژەش پانەیچ کەرڎ، گەریلاڕۋانە چنڎین چالاکیې کەرۊ. ١٣٤ سەروازۍ کوشیېنۍ، مەزانوو چنڎیچ زامڎارۍ بیېنۍ، چن چالاکیۍ سابۊتاژ کریېنۍ و چنیڎن ئامېرۍ دلېنە بریېنۍ. ئامارۍ قورسە هەنە، جەنگېوە گۊرە هەن.

قیامەت هورمېزنا کە چۍ جەنگ هەن ، چا جەنگ هەن. ئا ئامارۍ کە ئاشکرا کریۊ، ٥ مەرڎۍ، ١٠ مەرڎۍ، ڕۋۍ ، دۋۍ ڕۋۍ ملەملانۍ وەسېن. چېگە گرڎ ڕۋۍ، گرڎ سەعاتۍ، ٢٤ سەعاتۍ، گرڎ ساڵۍ جەنگ هەن. هجوم کریۊ جەنگەکە وەردەواما، دوژمن بە سەڎان جارۍ هجومش کەرڎەن. بە تەیارە هجووم کەرۊ، بە کۊپتەر هجووم کەرۊ، چەکی کیمیاۋی بەکارمارۊ، چەکی تاکتیکی ئەتۊمی بەکارمارۊ، گرڎ جۊرە چەکېوە بەکار مەرۊ، گرڎ شېوازۍ تاقی کەرۊوە.

کورڎ بیەو ۋېش جە مدرامانەنە ۋەردەوام کەرۊ

ساڵەی ۋیەرڎۍ پۍ ئەرەگیری هجومشا کەرڎ و ئیسە گەرەکشانە کاریگەری ۋېشا سەروو ئا مەنتیقا زیاڎ کەرا، بەڵام سەرۍ مەگنا. بڕۍ ماچا ئۊپراسیۊنوو کرېڵ هۊرگېرتەی بیەن بەڵام گیر بیەن. بەڕاسیچ سوپاو ترکی گیرش وارڎەن. چن مانگېوەن جە مەنتیقەو ۋەرنیشتوو زاپی هجووم کەرا پۍ دەس وستەو کەشېوە . ۋڵاتېوە گرڎوو هېزوو ۋېش کۊکەرۊوە و سەفەربەرشا کەرۊ و سەرەڕاو ئا گرڎ پەشتیونیەی جە ناتۊوە هورش گېرۊ، بەڵام هەڵای سەرمەگنۊ. گورزە دماو گورزۍ وەرش گنۊ، پەی ئا جەنگەیە بەدیلېوە فرە مڎۊ. چی ڕوۊ جەنگ و هەرېمەکا پارېزنای مەدیای گرنگا. پەنەوازەن گرڎ کەسۍ بە هەستیاریۊ تەماشەش کەرۊ. ئی جەنگە جەنگېوە فرە ماناڎارا. جەنگېوە تاریخین. گرنگتەرین مدرامان و تاریخیا. مشۊم گرڎ کەسۍ سڵام و خۊتانکەرڎەی چی جەنگیە کەرۊ. مشۊم ئا قارەمانۍ ئی جەنگشا کەرڎ گەشمەرڎە قارەمانەکۍ ئی جەنگیە هەمیشە بە ڕېزوو ئیحترامۊ یاڎ کریاوە. ئاڎۍ لایەق و ئینەینە.

چونکی چېگەنە کوردایەتی بیەو ۋېش ۋەردەوام کەرۊ. ئازاڎیی کورڎی پا جۊرە مدرامانا بەدەس مۍ. ئاینڎەو کورڎی پا مدرامانا خولقیۊ. حیچ ڕېوەتەرە پۍ ئینەی نیەنە. کەس مەتاۋۊ چېوۍ تەر واچۊ، مەتاۋۊ بە ڕېوەتەر نیشانەش بڎۊ.

چا هەلوومەرجەنە پەنەوازەن حەرکەسۍ پەشتیوانی جە ئازاڎیی کورڎی کەرۊ، تەنانەڎ ئانۍ کە ماچا ئېمە کورڎېنمۍ، پەنەوازەن ئی ڕاسیە ۋینا. نەک حەرئانۍ ماضا ئېمە کورڎېنمۍ، بەڵکم ئانۍ ئیسفاڎە جە ئازاڎیی کورڎی هۊرگېرا پەنەوازەن ئی ڕاسیە ۋینا. مدرامانوو زاپی سەروو خەتەو مدرامانوو زینڎانەکا ساڵەو ١٩٨٢ۍ، سەرو خەتەو مدرامانوو ئیمڕاڵی ۋەردەواما. ئینە ماناڎارتەرین مدرامان و تاریخیا. مدرامان چی ئاستەنە نمونەش نیا.

چی چوارچېوەنە مشۊم ئینسان بەعالی بیاۋۊنە، هجومەکۍ دوژمنی ۋەردەوامېنۍ و  مدرامانیچ بە هامان جۊر . ڕاسیېوە هەن ئاڎیچ ئانەن دوژمن چا یاگېنە کەا ئامان دلۍ گیرش کەرڎەن مەتاۋۆ تەکانە وەرۊ.

جەنگ جە مەنتیقېوە فراوانەنە وەردەواما

ۋاتما جەنگ تەنیا چېگە ۋەردەوام نیا، پەنەوازەن مەنتیقەکۍ تەریچ ۋینیا. پېسە ئانەی کە ئاڎۍ فرە مەوزیا ڕووە، بەنەبیەی منریارەو شاریاوە، پا جۊرەنیا. جە فررەو مەنتیقەکا گەریلاینە جە سەرنیشت جەنگ هەن، مدرامان هەن، چالاکی هەن، گەشمەرڎەهەن.

تەماشەو حەرمەنتیقۍ کورڎسانی کەرمۍ مەنتیقەی قەڎەغەکریا هەن، سوپاو ترکی گرڎ یاگېنە هجووم کەرۊ. ئینە چېشا ئەگەر جەنگ نەبۊ؟ بەڵام گرڎوو ئی چېوا شارۊوە. وەزیرەکۍ وەڵتەریش واچېنۍ،'ئېمە تەمامما کەرڎ و تەمامشا کەرمۍ' . ئاڎۍ ۋېشا چا ئاژەنە بېنۍ ئیسە جە گرڎ یاگېنە جەنگ هەن، ئەگەر واچا ئینایمۍ جەنگەنە ئانە دروۍ وەزیرکاشا ئاشکرابۊ کە واتشا تەمامما کەرڎۍ و دمایما پنەئارڎې. پۍ ئانەی کە ڕۊشنش نەکەراوە شاراشۊ.

جە شارەکایچەنە ۋەردەواما،ئینەیچ فرە گرنگا. مەبۊ بە سوکی ۋینیۊ. جمیەری شۊڕشگېڵنی گەلی یۊگیرما چی ڕوۊ دەورۍ عالش گېڵنا. جە ڕاسینە متاۋۊ دەوری زیاتەریچ گېڵنۊ. جەنگاوەرۍ هەبەدەهەی هەرمانۍ کاریگەرەشا کەرڎە، دەورشا گېڵنا. ئاڎۍ پاسشا بە فاشیزمی کەرڎ هەست پانەی کەرۊ کە فاشیزم جە حیچ یاگېنە مەتاۋۊ بە ئیسراحەت بوسۊو سەرە بنیۊوە. فاشیزمشا کەرڎ ئامنجو ۋېشا. بیېنۍ بە مۊتەکە پۍ فاشیزما.

حەرپاسە یەپەسەو ڕېکوستە هامشېوەکایچش چالاکی ئەنجام مڎا. ئینەیچ گرنگا. ڕاسیېوە مدرامان هەن کە جە گرڎ یاگۍ تورکیاینە بیەیش هەن. ئینە گرنگا، تاریخین. مشۊم ئینسان گرڎی بۋینۊ.

گردوو پەرەسانەیەکا پەیوەندییشا بە جەنگیوە هەن

دوژمن هجوومە ئەرەگیرییەکاش درێژە پەنە مدۊ، وەراوەروو ئانەیچنە مدرامان ئینا ئارانە. پا نۊعە دیارا، کە هجوومەکاش وەرفراوان کەرۊ و پێسە درێژەشا مدۊ پەنە. ئانەیچ بە ماناو ئانەیە مۍ، کە گەریلایچ مدرامانوو وێش فراوان و وەروەڵا کەرۊ، بە قەوەتی وێگێری کەرۊ، جەنگ کەرۊ، گورزی قورس وەنەو دوژمن مشانۊ.

رەنگا ئامارەکە کەم بۊ. ئێمە جە ڕاو دماکۊبییەیۊنە ئەرەیاوناما، کە مەکریۊ جە ڕاو ژمارەکاوە قسێش سەر کریۊ، شوورەیین و تاوانا. ناوەندوو ئەرەیاونای و چاپەمەنیی هەپەگەی ئەرەیاوناش، کە ١٣٤ سەروازۍ کوشیێنۍ، لایەنوو تورکیای حیچ کارڎایۊێوەش نییا. بەڕاسی ئینە خراپا. نەک ١٣٤ کەسۍ ئەگەر کەسێوەیچ بیۍ، یەرۍ کەسۍ بیێنۍ ئەشیا ڕێزشا گێرتۍ.  مشۊم تورکیانە دلۍ گلێرگەینە و ژەنانە و گەنجانە و ڕەنجدەرانە ڕێزشا وەنە گێریۊ. ئەشیا گرد لاێوە پەرسیشا کەرڎۍ زارۊڵاو ئی خاکی، ئی گلێرگەیە، شمە چەنی متاودۍ ڕوانەو مەرڎەیشا کەرڎێ؟ ئشیا یەخۍ دکتاتۊریەتیی فاشیستیتا گێرتۍ. وەلۍ پێسە بەرڎەوام مەبۊ. پێچەوانەو ئینەیە. سەرنجە بدەیدۍ ماچا ئاندە فڕۊکێما وەشۍ کەرڎۍ، ئاندە تۊپۍ، ئێمە ئا چێوە کوشندێما وەشۍ کەرڎۍ. ڕیکلامش پەی کەرا و کۊمەڵگایچ بەوریاییوە مدیۊش پەی، تۊ پا چیوا کوشا مەگەر کیۍ تەری کوشا؟ ئارۊ کورڎەکا کوشا، وەختۍ ئاڎێشا کوشتۍ تۊیچ کوشا. زینڎانەکۍ ئینۍ جە چە دۊخێوەنە؟ ژیوای ئینا جە چە دۊخێوەنە؟ قەیرانی ئابووری ئینا چە دۊخێوەنە؟ پاسە کەرا بۊنەو ئاوراییوە مرا. کەمتەرین مووچە جە ئاورایۊ بەرەو سنووروو مەرڎەی ملۊ، ئینۍ گرد پێوەسێنۍ بە جەنگیوە.

ئینۍ جە گلێرگەی شارییاوە، گلێرگێوە چانەشا وەش کەرڎەن، کە ئا چێوا مەوینا، وەختێوەیچ ویناشا مەواچاشا، بە دروۍ ئامیێنۍ ئاستیوە کە بەشیوەیچش مەوینییۊ. بڕۍ بەشێچش وینا وەلۍ بۊنەو تەرسێوە بەرش مەوزا. ئەقڵیەت و سیاسەتێوە نەژادپەرستانە، سۊڤینییانە و دوژمنایەتیی کورڎا وەراوەروو ئێمەوە هەن. یاوان یگێوە کە هامڕا قەرەسوو واچۍ، تورکبییەی دەوڵەتوو تورکی بەماناو کوشتەی کورڎان. دلێنەبەرڎەی کورڎا بە ماناو دوژمنایەتیکەرڎەی کورڎان.

چی؟ بە هەزاران ساڵۍ کورد و تورک برۍ بێنۍ. جە مەلازگرتیوە دەسش پەنە کەرد، مەزانوو تا کۊگە جە ڕووەو بەئەرەمەرزیاییبییەی تورکیوە، ئانە زیاتەر هامکارییش کەرد کورڎەکۍ بێنۍ. قەرەبووکەرڎەیۊ ئانەیە پەی ئانەیە بۊ بە کۊکوشی، ستەم و مەرگ بۊ؟

مشۊم خاس خاسۍ سەروو دۊخوو تورکیایۊ مردمۍ. مشۊم پرەنسیپەکاو ئەرەمەرزنای دەوڵەتوو تورکی، سیاسەتەکێش، دوژمنایەتی وەراوەروو کورڎاوە، کە فاشیزموو ئاکەپەی و مەهەپەی بەراش ڕاوە، ئەقڵیەت، سیاسەت و ئەرەگیرکەرییەکەیش بە قەوەتی وزیۊ وەروو وەنەپەرسایۊ و ویەرنیۊ، تا ئانە نەکریۊ تورکیا دیموکراتیک مەبۊ. وەروو ئانەیە مدرامانوو گەریلای بۊ بە گەورەتەرین کۊشیای، کە تورکیانە دیموکراسیی وزۊ وەڵۍ. مشۊم گرد کەس ئانەیە بوینۊ.

دەوڵەتوو تورکی ئەرەگیرینە شکسش ئارد، شۊنەو پەشتیوانییرە گێڵۊ.

خۊ دیارا ئیدارەو هەولێری چێشش کەرد، ئێمە مزانمۍ. کۊکوشیی گەریلایشا کەرد. ئێمە جە دووەمین ساڵیادوو کۊکوشیی هامڕا تۊڵهەڵدانینە، کە خەلیفاننە گەشمەرڎۍ بیۍ. بەڕێزۊ، یادشا کەرمێوە

نرخنای پەی ئی کۊبییەیوا کریۊ. زیاتەر سەرشا مردیۊ. چێش کریا، داواو چێشی کریا، گرد لاێوە گەرەکشانە بیاوانە. ئەرڎۊگان واتەبێش، "دماو ورچنییەی هجوومەکا زیاتەرۍ کەرمۍ، هەم زیاتەر ڕۊشنایی وزمۍ سەروو دیپلۊماسی". بەغدانە ڕەوشەکە بە دڵوو ئادیشا بۍ، چەنی بە دڵوو ئادیشا بۊ؟ ئارگۊمێنتەکێشا لاوازێنۍ. لوۍ پەی کوشتەی کورڎا، نەوتە و ئاوەو کورڎا کەرا بە مژاروو بازاڕی.

ئاواتەوازا وەڵۍ دەرئەنجاموو کۊکوشی کوردینە بۍ وەڵێوە. زیهنیەتی ئیدارەو تەیب ئەرڎۊگانی چی ئاستەنە. وچییۊ خەڵک گێجا، وەلۍ پاسەیچ نا.

بێگومان گرد کەسێوە تەیب ئەرڎۊگان نییا. گرد کەسێوە ئیدارەو دەوڵەتوو تورکی نییا. ئیدارەو بەغدای دژایەتیی کوردی مەکەرۊ. ھەرێمێوە کوردستاننە ھەن. واقیعنە ئەگەر بە دیموکراتیبییەی کوردی ڕووە بدۊ، کاریگەرییەکەش سەروو عێراقی چانەی ئازادیوازتەر و دیموکراتیکتەر بۍ. هەرپاسە چی ڕووەوە هومێدشا هەن. وەلۍ دایوسانای جیاواز هەن.

وەختوو کۊبییەوەکەو هەولێری، کەنەکە ئەرەیاواناش، "شەرمەزاریین". دەوڵەتوو تورکی مەیدانێوە ئەرەگیرکارییش دیاری کەرڎەن؛ هجوومۍ کەرۊ پەی ئەرەگیرکەرڎەی ئا یاگا، وەلۍ شکس مارۊ. ڕەوشەکە پێسنەن،  میاومێنە  پەی ئانەیە کەرۊش، مشۊم بلۊ لایۍ جیاواز. وەختۍ هجوومە ئەرەگیرکارییەکۍ دەسشا پەنە کەرد، هجوومسا کەرد سەروو کەشێوە، ئێمە واتما ئەرنەتاوا ئاگەی گێرا، ناچارۍ با بڵاوە کەرا، سەرنەکەوتۍ و گیرشا وارد. مەتاوا وەڵۍ باوە. هێزشا نەمەنەن. ئەگەر هێزشا بیۍ هجووم کەرێنۍ سەروو گرد لیوە و گێرێنێش. نەخشەی گەورەش کێشت. ماچۊ، میساقی-میللی وەش کەروو، عوسمانیی تازەیوزوو وەڵۍ، حەوڵۍ مدۊ گرد لاێوە داگیر کەرۊ. ئەگەر بە میساقی_میللی کوردستانی گێرۊ، ڕووە وەنەو مەیدانوو عەرەبی کەرۊ. تا ئیساتۍ ڕۊشن نییا چێش ڕووە مدۊ و چکۊنە مرڎۊ. پێسە فراوانبییەی عوسمانی جە سەرەتاو سەدەو١٦

 

مدرامانوو کورڎی فراوانبییەی ئیمپریالیستیش پووچەڵ کەرڎۊ

ئیساتۍ بە کۊکەرڎەیۊ سەرمایەی سەروو بنەماو سەرمایەی قووڵی گەرەکشانە تورکیانە وەڵۍ باوە. گەرەکشا ئاندەی تەر کۊڵۊنیاڵیزمی کورڎستاننە و عەرەبستاننە. بڕۍ ماچا عارەزوو ئیمپریالیستی مارۊ دی. بەڵۍ گەرەکشا سەرجەنۊ کۊڵۊنیاڵیزمی پەرە پەنە بدۊوە، وەلۍ هێزی پێویسش پەی ئینەیە نییا. مدرامانوو کورڎی گرڎوو پلانەکاش دلێنە بەرڎۍ. ئی  فراوانبییەیە ئیمپریالیستی و داواو کۊڵۊنیاڵیستیێشە پووچەڵە کەرڎۊ. ئادیچش ئارڎۍ ئاستوو وڕایرەی. ئیساتۍ کەوتەن بەینوو قەیرانۍ و ئاژاوا. ئیساتۍ پەی ئینەیە پێویسش بە هێزی هەن. هاکان فیدانت دی؛ چەنی نێچیرڤان و مەسرورش گێرتۍ باوەشی. پێویستی چێشا؟ چێگەنە گەرەکشا زیاتەر بەکارشا بارۊ. زیاتەریش گەرەکشا بوزۊشا دلۍ جەنگیوە، گەرەکشا پاسەشا پەنە کەرۊ چا شۊنێنە، وزۊشا هەرمانە، کە هێزی پێویسش نییا. ئەگەر هێزش وەسۍ بی هجووم کەرۊ سەروو وێش. بە کەسی مەواچۊ. چونکوم هێزی پێویستش نییا، گەرەکشا کێشۊشا دلێوە. ئادۍ ماچا ئێمە پەشتگیرییش کەرمۍ، حەرپاسە پەشتگیرییشا کەرڎ. تا ئیساتۍ هامبەشوو تاوانوو ئادیشا بێنۍ. وەلۍ با پەی ئایندەی ئینەیە واچمۍ. ێولای مەتینا بۊ، گارە بۊ، حەریاگێوەنە بۊ هەنگامێوە پەی وەڵۍ بنیا، ئەگەر فیشەکێوە تەقنا؛ بۊ بە  جەنگ. پێویسا گرڎ کەسێوە ئینەیە بزانۊ.

گرڎوو ئەگەرەکا نرخنا

با پەدەکە ویرۍ چانەیە نەکەرۊوە من چێش کەروو، ئانە پەیوەندییش بە منۊ هەن. بڕێشا ماچا پەکەکە لاواز بییەن، تورکیا قسۍ کەرۊ. با ویەرڎەشا ویر بۊ. وەڵێچنە دەوڵەتوو تورکی پێسە خەڵەتنێنێش؛ چێششا سەر ئاما. پەدەکە مەبۊ گەمە  بە ئایری کەرۊ.

لاو دەوڵەتوو تورکیوە ڕەوشەکە ڕۊشنا. بە ڕاو من پەدەکە ئاندە هێزش نییا. کەوتەن دلۍ چێوێوە، ئینۍ دۊخێوەنە، کە مەتاوا بەرپشا دلێشنە، چەنی بەرمشا؟ ئانە زەحمەتا. ئاخرۊ ڕەنگا بیاوا دۊخێوە، پەنا پەی هێزی جیاوازی بەرا پەی بەرشییەی. خاستەرا ئینسان ئینەیە وینۊ، وەلۍ ئینە خۊفناکا. مەترسیدارە. بەتایبەت گەلوو پانیشتی مشۊم خاس ویناش،  پێویسا گەلەکەما پانیشتنە و گرڎوو کورڎی بزانۊ ئەگەر تا ئیساتۍ نەتاوابۊشا ئی هەرمانۍ کەرا، ئانە ئینا سایۍ ئا گەریلا و مدرامانکەرانە، کە ئازایانە سەروو خەتەو فیداکاریوە مدرامان کەرا. ئەگەر فرسەتێوە بوێزاوە ئی هەرمانۍ کەرا. گەرەکشانە کەراش، پەدەکەیچ کەرۊش، چونکوم بەڕاسی پەدەکە قەسەمش وارڎەن پەکەکەی دلێنە بەرۊ. چەنی گرڎوو دوژمناو پەکەکەی پەیوەندی و هامپەیمانیی جیاواز بەسۊ. ئینجا وەختێوە پەکەکە قسۍ کەرۊ پەدەکە ماچۊ "دژوو من دوۊ". فرە خاسا! تۊ گرڎ چێوێوە کەرە، گرڎ نۊعە خیانەت و هامکاریێوە کەرە، وەلۍ کەس دژوو تۊ نەدوۊ. ئاخۊم پەدەکە جڤاکوو کورڎی و کورڎستانی بە چێش مزانۊ؟ مشۊم ئی ڕاسییە بوینییۊ.

دۊخەکە پێسنەن. ئێمە موینمۍ و چەمداری کەرمۍ، یانۍ گرڎ ئەگەرێوە نرخنمۍ. مەواچمۍ ئینە و ئانە مەبا، فرەو چیوا نرخنمۍ، گەرەکشانە چێش کەرا ئێنە سەرشۊ مرڎمۍ. پێسە ئامادەسازی کەرمۍ، مشۊم گرڎ لێوە پێسە جووڵییاوە مشۊم گرڎوو گەلوو کورڎی وەڵاتپارێزنیما، ئی ڕاسییە بوینا و نرخناش، مشۊم گرڎ لاێوەما دژوو هجوومەکا پێسە ئامادۍ بیمۍ. وینمێش و هۊشما نەشۊوە ئێمە ماچمۍ، ئەگەر پاسە کەرمۍ ، سەرۍ گنمۍ.

مەتاوۊ داگیرش کەرۊ، پەوکای گرڎ ڕوۍ هجووم کەرۊ

ڕاسییەکەش، دماو ورچنییەی، ئیدارەو تەیب ئەرڎۊگانیدەسش کەرڎ بە ئەوەکۊڵیای. لوا ئاستانە و لوا ناتۊ گەرەکش بۍ داوسانای سەروو ئەندامبییەی سویدی ناتۊنە کەرۊ و چایچۊ پەشتیوانی ور گێرۊ ئینەش کەرڎ تا پەشتیوانیی زیاتەر پەی هجووموو سەروو هەرێمەکاو پارێزنای مەدیای ورگێرۊ، گەرەکش بۍ پی هەرمانۍ زیاتەر پەدەکەی هانی بدۊ پەی جەنگی .

دووەم: گەرەکش بۍ هجووم کەرۊ سەروو سەرنیشتی و وەرکەوتوو سوریای. وەلۍ چا وەختەنە چێوویش دەس نەکەوت، ئەنجاموو پەیوەندی و هەرمانە  دیپلۊماسییەکاپێسنۍ بۍ. تا ئیساتێچ ڕا وەنەو هجوومی پەی سەروو سەرنیشت و وەرکەوتوو سوریای و هجوومی تازەو ئەرەگیری کریۊ، دماتەر چێشش کەرڎ؟ گرڎ ڕوۍ هجوومۍ کەرۍ، بە فڕۊکە هجووم کەرۍ، بە فڕۊکەی بێفڕۊکەوان و توپواران گرڎ ڕوۍ خەریک بۍ، گرڎ ڕوۍ سەیارۍ کەرۊ ئامانج ئینە میتۊدشانە..

وەلۍ بەرکەوت دلێنە چەتەکا ڕێکۍ وزۊ و هانیشا مدۊ، یەکسەر نەتاواش ئەرەگیری کەرۊ. ئامادەسازییش کەرڎ، تا دلێوە پشێویی بنیۊوە و ڕاو چەتەکاوە هجووم کەرۊ، هاموەخت هجوومە عاسمانییەکێچ بەرڎەوامێنۍ، ئینە موینییۊ.

ئینسان مزانۊ کە ملا پەی سۊچی، شۊنەو  پشتیوانیرە گێڵا، دایمە گرنگی بە ئێرانی مدا، ماچا وەزیروو جبەری ملۊ ئێران، گەرەکشانە دۊخوو ئادیشا بیاوانە. هەرپاسە سەرنیشت و وەرکەوتوو سوریاینە حاڵەتێوە هەن.  قەسەدە ئەرەیاوناش، کە  بە نامۍ ئۊپەراسیۊنوو پتەوکەرڎەی ئاسایشیوە دەسشا بە خەبات و کۊشیای کەرڎەن. ئیساتۍ بڕۍ لایەنۍ ماچا، قەسەدە جەنگ و ملەملێش دەیرەزۊرنە ئەرەیاونان وچییۊ بڕۍ عەشیرەتۍ تلیێنۍ چۊوە، وەلۍ وەڵتەرۍ قەسەدە واتەبێش، کە دژوو چەتەکا کۊشیا، دژوو ئەوەمەنەکاو داعشی کۊشیا.

براڵەیی کورڎی و عەرەبی مۍ دی

لایۍ تەرۊ، سوپاو تورک و چەتەکێش هجوومشا کەرڎ سەروو شاروو مەنبەجی. زارۊڵاو دەگێکێشا کوشتۍ. ئەگەر فرسەتشا بیۍ ئەرەگیریی زیاتەر کەرێنۍ، ئادۍ هاگاشا جە یۊترینی هەن.

دەوڵەتوو تورکی تەنیا شۊنەو هجوومی ئەرەگیریوە نیا، تەنیا بە هجوومی عاسمانییوە مەمرڎۊ. هەواڵگێریی دلۍ و بەکرێگیریا و ڕێکوزیاو چەتەکا گرڎ یاگێوەنە وەڵا بییەنۊ، ڕا جە گرڎ چێوۍ گێرا و گرڎ هانی دریا. پەشتووگرڎوو ئینیشاوە ئیدارەو تەیب ئەرڎۊگانی مرڎان. ئیدارەو تەیب ئەرڎۊگانی پەشتیوانی جە چەتەکاو داعشی و گرڎوو هێزە چەتەکاو سووریای گێرۊ، پەوکای پێویس مەکەرۊ کەس شۊنەو سەبەبی تەریرە گێڵۊ. ئاکەپە و مەهەپە بەرزتەرین ئاستنە هامکاریی ئی هێزاشا کەرڎ. هەڵای بەرڎەوامێنۍ چی پەشتیوانییە.

شۊڕشوو ئازادیی چاگە گەشیۊوە، پەی سەرکوتوو ئی شۊڕشی، تەیب ئەرڎۊگان وێش سەرووکاریی هجوومەکا کەرۊدماو هجوومکەرڎەی سەروو کۊبانۍ. چاگە سیستەموو نەتەوەی دیموکراتیکی گەشە کەرۊ. گەرەکشانە ڕاش وەنە گێرا. پەیوەندیی دۊسایەتیی و براڵەیی کورڎی و عەرەبی پەرە سانۊ و قەوەت بۊ. گرڎ حەوڵێوە مدا پەی تێکدای ئی پەیوەندییەو بەینوو کورڎی و عەرەبی. ئەگەر کورڎ و عەرەب یۊبییەێوە  دیموکراتیکیشا بۊ سەروو خەتەو وەڵاتپارێزنی دیموکراتیکی و ئازادی، ئی هجوومە  فاشیستانۍ چەنی ڕووە مدا؟ چەنی مەناوە؟ مەتاوا بژیوا. وەختۍ ئینەیو وینا مرڎا، ئینە جەوهەروو مەسەلەکێن.

پێویسا ئیدارەو وێڕاوەبەریی سەرنیشتی و وەرکەوتوو سوریای ئی گەما وینۊ

چی لایەنەوە دەیرەزۊرنە پلانی نۊعۍ هەنۍ. گێڵای هێزە نۊعەنۊعا، پاڵوو هێزە وێمانەکانە، هێزی میاننەتەوەیی چی چێوەنە بەشدارێنۍ. ساعیبۍ سەرچەمەو وزەی و خەتەو وزەینۍ، هیلالی شیعی هەن. گرڎ ئینۍ چا هەرێموو جەنگین. مشۊم پێسە وینمێش.

ئینجا ڕاوەبەرڎەی دەیرەزۊری زەحمەتا. یاگۍ نەفیکریایاو عوسمانیی بیێنە.  یانۍ چاگە کۊکوشیی کریان. حەرکەس ناڕەزایەتیێوەش  دژوو کۊشکۍ نیشانە دابۊ، ڕوانەو واگەیە کریان، ڕووبەرێوە چانەش هەن، کۊبییەیۊیۍ گلێرگەیی چانەش هەن، گرڎ دەسشا هەن جەنەش چندین پاڵنەرۍ چاگە هەرمانە کەرا، مشۊم ئیدارەو سەرنیشتی و وەرکەوتوو سوریای ورڎتەر مامەڵە کەرۊ، خاستەر جە دۊخەکەی بیاوۊنە ئیستیفزاز نەبۊ، گەمەکا وینۊ و هۊشیار و هەستیار بۊ. گەمەکۍ هەنۍ، وەلۍ مشۊم ئامادەکاریی پێویس کەرۊ و پاسە کۊشیۊ مشۊم چی ڕووەوە ‌‌‌سەروەریێوە ڕەها بۊ.

داوا جە گەلوو عەرەبی کەروو با هېزەکاما یۊ وزمۍ

گەرەکما داوا جە گلېرگەو  عەرەبی و عەشرەتەکا کەروو، گۊرەتەرین پەرەئەسای جە سەرنیشتوو ۋەرکەوتوو سوریای، پەرەسانای نەتەوی دیموکارتیکیا. دیما چنی بڕۍ جەمۍ ئیتنیکی جیاجیۍ سەروو بناغەو ئازاڎیی ۋېشا ڕېکوست و یۊبیەیۍ دیموکراتیک و برایانەشا وەشکەرڎ. ئینە هەڵۋېسېوە گرنگ و تاریخی بۍ. خەتەو نەتەوەی دیموکراتیکی ڕابەر ئاپۊی، سەڵەمناش ڕاو ئازاڎیی و دیموکراسی و ڕزگارین پۍ گرڎیما.با ورتتەر چینەی بیاۋمېنە و خۊتانکەرڎةیش چنە کەرمۍ. مەبۊ هانی دریاو بلانۍ دلۍ حساباتی سوکی و گولانەیۊ. فرەو کەسی دژ بە هامپەیمانی کورڎوو عەرەبی مرڎاوە و چنەش تەرسا. فرەو کەسی گەرەکشانە ئینەی تېک بڎا. ئینسان مشۊم جە ئیدارەو ئەردۊگانی و ئی چېوا بیاۋۊنە.

با ئی هەرېموو ئازاڎییە پارېزنمۍ کە دەیان هەزار گەشمەرڎېش پۍ دریېنۍ، حەرپاسە سەروو بناغەو جەنگکەرڎەی  دژوو داعشی و بەزنایشا بەرکۊت. با هەرمانە کەرمۍ و گفتووگۊ کەرمۍ و هېزەکاما یۊ وزمۍ پۍ پەرەپنەدای ئینەی، ئینە فرە گرنگا. قەناعەتما پاسەن، سەروو ئی ئەساسیە وەڵېکۊتەی مۍ ئاراوە. سەرەتا، پەنەوازەن ئیدارەو ۋېڕاوەبەری ۋەڵۍ گرڎینە چینەی بیاۋۊنە، چی گەما بیاۋۊنەو سەرشارە زاڵ بۊ.

ڕۊو ئاشتی نیا، ڕۊو جەنگین

وەختۍ بڕۍ واچېنۍ چالاکی پەی ئاشتی کەرمۍ، ڕاۋەبەری ئەردۊگانی جە هەمان ڕۊنە هجوومەکا زیاتەر کەرۍ. جە ئاسۊسۊ تا قەندیل و گرڎ یاگۍ بادینانی، جە سەرنیشت بەهەمان جۊر تا ۋەرنیشت و منبج هجومش ئەنجامدا. ١ و ئەیلوولی ڕۊو ئاشتی نیا، ١ و ئەیلوولی ئا ڕووەنە کە هیتلەری فاشیزم هجومش کەرڎ سەروو پۊڵەندای. واتە ڕۊو دەسپنەکەرڎەو جەنگی جەهانی دووەمین. جە ڕاسینە ڕۊو جەنگین. فاشیستەکۍ ئی سەردەمیچە هجووم کەرا. جە ڕاسینە بەپاو ئا ڕووەیە جماوە. ئېمە ئارۊ ۋینمۍ کە درېژکەرەوەو هیتلەروو سەردەموو ئېمەن. ئانەیچ ئاژېوە کریاوەو مایۍ ئەنەیاۋایا. جە لایۍ تەرۊ جە لاو کورڎەکاماوە تەنانەڎ جە لاو هېزە دیموکراتیکەکاوە ئینسان چنە متاۋۊ باس و ئاشتی کەرۊ؟ پارېزنەرېوە ئۊرووپی بە ئاشکرا واتش، تا ڕابەر ئاپۊ بەجەستەیی ئازاڎ نەبۊ، بۍ مانان ئینسان باس و ئاشتی کەرۊ . واتە ئینەشا کەرڎەن، باسکەرڎەی جە ئاشتیچ غەڵەتا. مشۊم گرڎ کەسۍ ئا ڕاسییە ۋینۊ. کامە ڕاسی. چ ئاشتیۍ؟ ئاشتی چېشی؟ ئا گرڎ هجومە هەن. ئیسەیچ مشۊم ڕۆڤ چانەی بیاۋۊنە کە ڕووە مڎۊ. وەختۍ چېگۊ تەماشەش کەرمۍ بە ڕاسیچ جە ئامەڎ گلېرۊبیەی ئاشتی سازکەرڎەی چن پەنەوازوو ماناڎاربۍ؟ ئینسان متاۋۊ هۊرش سەنگنۊ. ۋەروو ئانەی کورڎ جەنگ مەکەرۊ، هجووم مەکەرۊ، بە ڵکوو ئینۍ چېروو ئاێروو جەنگینە. ئینا چېروو هجومی کۊکوشی و پاکتاوکارینە... ڕووبەڕوو هجومېوە پا جۊرەیە باوە. بەڕاسیچ جەنگۍ نیا ئارانە . ڕاۋەبەرایەتی هامپەیمانی کۊماری و ئەردۊگانی نپۍ پاکتاو کەرڎەی گەریلای و پەکەکەی، سەروو ئی ئەساسیە پۍ بەئەنجام یاۋنای قڕکەرڎەی کورڎا هجوومێ پاکتاو کاری فاشیستی ئەنجام مڎا و کۊکوشی کەرا.

ئانۍ جە ١ و ئەیلوولینە ئامۍ سەروو جاڎەکا ئشیای جە ١٥ و ئابینە ئامېنۍ بەرۊ

دژوو ئانەی کورڎ ۋېڕاگری کەرا، ئینۍ ئاژەو مدرامانینە. گەرەکشانە دلېشانە بەرا و ئاڎېچ دژوو ئانەی ئینۍ مدرامانەنە. بېجگە چینەی متاۋا چېش کەرا؟ ئا وەختە مشۊم ئینسان ئا مدرامانەیە بارۊ ئاراوە. ئامەڎییەکۍ تەرەفی هجوومکەر نیەنۍ کە ئېمە واچمۍ هجووم مەکەرڎۍ مۊچیاری یاگۍ کەرا پۍ بەرقەرار بیەی ئاشتی. کۍ هجووم کەرۊ ، چکۊ هجووم کریۊو ئا هجوومە بەنامۍ کېوە ئەنجام مڎریۊ، مشۊم ئانۍ مۊچیاری کریا. با جە ئەنقەرە، ئیزمیر و ئیستەنبوڵەنە کەراش..  کەراش بەڵام ئەگەر زیاتەر کریۊ ماناڎارتەر بۊ. ۋەروو ئانەی ئی هجوومۍ سەروو ئی ئەساسیە کریا. گەرەکما ئانەی واچوو، داواو ئاشتی کریۊ، خۊتانکەرڎەی جە ١ و ئەیلوولی کریۊ، بەڵام ئانۍ جە ١ و ئەیلولینە مجیېرە جاڎەکا، داواکارۍ بېنمۍ کە ١٥ و ئابیچ مجیېنېرە جاڎەکا. ئشیۍ ٤٠ەمین ساڵەو هەڵمەتەو ١١٥ و ئابیشا مبارەک کەرڎۍ، پېشوازیشا ۋنەکەرڎۍ. ۋەروو ئانەی هەڵمەتەو ١٥ و ئاب و ١٩٨٤ یۊ جە ماناڎارتەرین چالاکیەکا ئازاڎیی و دیموکراسی مرۊڤایەتین. چا مەعنېنە چالاکی ئاشتیچا. ئانە تەنیا جە قسېنە نیا، بە کرڎەوەیچ پی جۊرەبۍ. دماو هەڵمەتەو ١٥ و ئابی دۊڵەتوو ترکی کەسېوەش دا قەنارە. دماو ئانەی نەتاۋاش کەسی تەری بڎۊ قەنارە، ناچار کریا کە جە قەنارەدای دەستووری هەمیشەینە لابەرۊ. ئا هەڵمەتۍ پا ڕادە خزمەتش بە ئاشتی کەرڎ. بە واتەیش ئانەن'ئینە گەریلان،جەنگا' گولانەکەرڎەیۊ ئا چالاکیە دەردەمەوەرۊ  پی جۊرە ئەنجامېوە بەدەس نمۍ. مشۊم ئېمە قسەکەرڎەیمانە وریۍ بیمۍ.

ئینایمۍ سەرووبەنڎوو ١١ و ئەیلولینە.ئی مدرامانەو گەریلای، هەڵمەتەو ١٥ و ئابی،کودەتاو سەروازی فاشیستی ١٢ و ئەیلولیش پوچ کەرڎۊ. پاسەش کەرڎ جیای ئانەی ئینسانەکۍ درییا قەنارەو کوشیا، ئینسانەکۍ بەزینڎەیی جە زینڎانەکانە بزیارە، ئەشکەنجەش کەمکەرڎۊ و مامەڵەی دیموکراتیانەش وەڵۍ وست. جە لایۍ تەرۊ ١٥ و ئەیلوولی هەن. ساڵیاڎوو هجووموو داعشی پۍ سەروو کۊبانۍ. ئا ڕووەی هجوم پۍ سەروو کۊبانۍ دەسش پنەکەرڎ . ئانۍ کە جە کۊبانیۊ دەسشا بە ماڕای داعشی کەرڎ، ئا گەریلۍ بېنۍ کە هەڵمەتەو ١٥ و ئابیشا ئارڎە ئاراوە. مرۊڤایەتیشا جە بەڵاو داعشی نەجاڎ دا.

بە ڕاسیچ ئینسان مشۊم بە ڕاسی بیاۋۊنە بە ڕاسی خۊتانکەرڎەیش ۋنەکەرۊ. مشۊم ئینسان گرڎ چېۋۍ بە عالی بشناسۊ. وەختۍ ئینسان پا جۊرە تەماشەش کەرۊ بڕۍ مامەڵەکەرڎەی بە دی کریۊ، کە بەپاو ئاژېوە ۋەرچەم و ڕاسی نیەنۍ، مشۊم ئینسان ئانیشا ۋیەرنۊ.

مشۊم ئېمە گژیەیمۍ

متاوو ئانەی بەگەلەکەیما، بەگەلا تورکیای واچو. جە بارەو ڕاسی کورڎسانی و کورڎیۊ متاوو ئینەی واچوو.ئېمە ئینایمۍ چېروو ئەسڕیەیۊ و جینۊسایدۍ قورسینە. ئېمە دەسما پانەی نەکەرڎەن، جە پەیماننامەو لۊزانیۊ دەسش پنەکەرڎەن. سیاسەتی جەهانیچ ئینا دلۍ ئانەینە. دەوڵەت ڕاوەبەرش کەرۊ. هجوموو ئی دماییە ئېمە دەسما پنەنەکەرڎ. جە ٢٤ و تەموزوو ٢٠١٥ ینە ٧٠ تەیارۍ هجومشا کەرڎ سەروو ئېمە. جە ٢٥ و نیسانینە ڕاۋەبەری ئەردۊگانی مېزەو ئیمڕاڵیش هەڵو دیمە کەرڎۊ. ڕابەر ئاپۊیچ ۋاتش، ئیدارەو ئەردۊگانی دەسش پا هجومیە کەرڎەن. دژ بە بیەو ئازاڎانەو ئېمەنۍ گەرەکشانە ئازاڎییما دلېنەبەرا. ئېمە ئینایمۍ چېروو هجووموو قڕکەرڎەی و دلېنەبەرڎەینە.. مشۊم ۋەران ۋەرش مرڎمېوە. مشۊم ئېمە گژیەیمۍ. مشۊم پا زۋانەی کە دوژمن میاۋۊشەنە ئېمە جە دوژمنی بڎەیمۍ. حیچ ڕېوەتەرەما پێ ئی مژاریە نیا. مشۊم ئ ڕاسیە بە عالی ۋینیۊ. حیچ چېۋۍ بە مەڵامەتوو ئېمۊ ڕووەش نەڎان، بەلام پۍ ئانەی دلېمانەبەرا هجومۍ ئینا ئارانە. ئېمە چېش کەرمۍ؟ ئېمە سەرە مەنامنمېرە. چی مەگەر ئېمە ۋەرانۋەرشانە بۍ جوڵە مرڎمۍ؟ وەختۍ ئاڎۍ بڎا ئېمە ئېمە واچمۍ ئاشتیما گەرەکا؟ ئەگەرئېمە ئانەی واچمۍ ئایا هجومەکۍ مرڎا؟

گەنجۍ ئاپۊیی گەنجۍ جەنگینۍ، گەنجۍ مدرامانینۍ

ئېمە گژیەیمۍ و جەنگ کەرمۍ. چی ڕوۊ مشۊم ڕاسیەکۍ عال ۋینیا، گەلەکەیچما عال ۋینۊش. مشۊم ئېمە ئا هجوما ماڕمۍ. مشۊم دژ پا هجووما جەنگ کەرمۍ. مشۊم بەگرڎ جۊرۍ دژوو ئا کرڎەوا مرڎمېوە. ٤٠ ساڵېن ئەگەر گەریلا دلېنە شیەبیۍ حیچ چېوۍ ساز نەبۍ. جە زاپ و ئاڤاشینەنە پۍ چنین مانگا ۋەرگیریشا کەرڎ کە حیچ ئینسانۍ مەتاۋۊ پا جۊرە ۋەرگیری کەرۊ. ئەگەر ئا گەریلا ۋېڕاگرۍ دلېنە شیېبیېنۍ کورڎیچ دلېنە شۍ. ئینە ڕاسین. چی مدرامانەنە گرڎ چېۋۍ ڕووەمڎۊ، گرڎ چېۋۍ پی مدرامانەیە خوڵقیۊ و بە دەس مۍ. سەروو نامۍ کورڎایەتی، ئازاڎیی، مرۊڤایەتی،ئازاڎیی ژەنۍ.. ئا وەختە مشۊم ئا ڕاسیە عال ۋینیۊ. مشۊم دەس جە قسۍ حەماسیۍ هورگیریۊ، خۊتانکەرڎەی جە گەریلای کریۊ. بەتەرس و لەرزۊ ئینسان مەتاۋۊ بە حیچ یاگۍ بیاۋۊ. داوا جە گەنجا کورڎی و گەنجا ئاپۊیی کەروو. گەنجۍ ئاپۊیی گەنجۍ گژیای و جەنگینۍ. گەنجۍ کۊشیای ئازاڎیینۍ. ۋەروو ئانەی مەکریۊ چېۋۍ تەر بۊ. کۍ چېش ماچۊ ئېمە مەزانمۍ، بەڵام ئېمەی پەکەکەیی بە شېوازوو گەریلای جە ۋەران ۋەرو ئا هجوومە فاشستی و کۊلۊنیالیستی و قڕکەرەینە جەنگ کەرمۍ.

ستراتیج و ئېمە جەنگا، ئېمە ناچارېنمۍ. بەڵام پانەیۊ هەنمۍ و سەرۍ گنمۍ. ئېمە پی جۊرە کورڎایەتی خوڵقنمۍ. حەرپۊکەی مشۊم ڕاو گەنجا ئینۍ بۊ. مشۊم گەنجۍ ئینەی عال بزانا. زیاتەر خۊتانکەرڎەی چی کۊشیایە کەرا، زیاتەر بشناساش و بەشڎارۍ با. هەم پۍ ڕاسی پارتیما، هەمیچ پۍ ڕاسی گەریلایما مشۊم ڕووەکەرا گەریلای و زاپی. مشۊم ڕووەکەرا هەرېمەکا پارېزنای مەدیای و مېڎانەکا گەریلای.

بۍ جەنگ ئاشتی چگۊوە مۍ؟

ئەگەر مەتاۋۊ ۋېش بیاۋنۊ ئا یاگۍ، با بلۊ دېرەزوور و بەشڎاری جەنگی دژوو داعشی کەرۊ. بەڵام جە وەران ۋەروو دماکۊتەیی ئاکەپە- مەهەپەی، داعش و پەدەکەو هامپەیمانە کرۍ گرتەکېشا تەنیا بە مدرامانوو جەنگ و شېوازوو کۊشیای گەریلای متاومۍ سەرۍ گنمۍ. ئېمە ناچارېنمۍ ئینەی کەرمۍ و سەرۍ گنمۍ. گەنجۍ کورڎی مشۊم درک پی ڕاسیە کەرا. ڕەنگە بڕۍ کەسۍ تەرۍ قسۍ جیاجیۍ کەرە. دژ بە جەنگی تایبەتی، ئینسان تەنیا متاۋۊ بە بە جەنگی شۊڕشگېڵانە جمۊوە. ئا وەختە مشۊم ئېمە بیمۍ بە هېزوو جەنگی شۊڕشگېڵنی. پەنەوازەن ئېمە تەماشەو جەنگی شۊڕشگېڵنانەی کەرمۍ. ما باقی چېش ماچا با واچا پۍ ئېمە موهیم نیا. گرڎما ئانەی مزانمېش کەرمېش، بەڵام ئەگەر بیدۍ بە گەنجی ئاپۊیی و پەکەکەیی و گەریلای بە ڕانیشاندەرو ۋېتا بزاندۍ، ئینە خەتەو ئاڎیشانە. پەنەوازەن سەروو ئی ئەساسیە کۊشش کەرمۍ.

ڕابەر ئاپۊ جارېوەشا ۋاتش،"شمە ماچدۍ ئاشتی، ئاشتی، بەڵام جەنگ کەرڎەی پەی ئاشتی قورستەرین جەنگا، ئینەیچ بە جەنگ خولقیۊ". ئەگەر گەرەکتانە ئاشتی بەدەس باردۍ، ڕېکۍ جە ڕاو ئازاڎیی و دیموکراسیوە ۋیەرۊ. فەرمانڎەی گۊرەو مدرامانوو شرناخی هامڕا زەریان ۋاتش،"با ئاشتییەکەتا پۍ ۋېتا بۊ، ئېمە ئازاڎییما گەرەکا". ئاشتی بەبۍ ئازاڎیی و بەبۍ دیموکراسی و بەبۍ ڕزگاری و بەبۍ جەنگ کە بەدیئاوەروو ئانەین، ئاشتی چکۊوە مۍ؟ تەنیا بەقسۍ مەتاومۍ بارمېش دی. چا وەختەنە مشۊم ڕاسیەکۍ عالتەر ۋینیا. زیاتەر خۊتانکەردةی جە کۊشیای ئازاڎیی کەرمۍ. بەتایبەتی داوا جە گەنجا کەروو چی وەختەنە بەشڎارۍ دلۍ ڕیزەکا گەریلای با و جە حەر مېڎانېنە دژ بە هجوومە فاشیستیەکا ئاکەپە- مەهەپەی جەنگی شۊڕشگېڵنی بە هېزوو ۋېتا جە گرڎ بوارېنە ڕېک وزدۍ و ئانڎەی تەر وەڵېش وزدۍ.

پایام پۍ فیستیۋاڵی

ئی فیستیۋاڵە گرنگا، جە ساڵەو ٩٢ ېوەن  گرڎ ساڵۍ ملۊ ڕاوە. نوېنەرایەتی گلېرگەو نەتەوە و کورڎی جە ئۊرووپا کەرۊ. چی ڕوۊ ماناڎارا. جە لایۍ تەرۊ ئېمە ئانەی مزانمۍ ، هجوومی سەروازی کەرا، گېرا، ئەشکەنجە مڎا، تیرۊر کەرا و ستەم کەرا. ئینۍ گرڎ پۍ سەروستەو جینۊسایدی کلتوریا. گەرەکشا بەشېوە جە کورڎەکا  دلېنە بەرۊ و ئەویشای تەریچ ئاسیمیلە(تاونۊوە)کەرۊو کەرۊشا بە تورک. پۍ ئینەیچە پاڵ و فشارە ئابوریەکانە بە فشاری سەروازی و فشاری پۊلیسی ئانڎەیتەر هجوومی کلتوری ڕاوەبەرکەرۊ. پەرە بە تاونایۊ زۋانی، کولتوری و تاریخیش مڎا.ئینەیچ جە ڕاو پڕوپاگەنڎەی وهونەری و ئەدەبیۊ ئەنجام مڎۊ. چا بارۊ هجومېوە فرە هەن.

چی ڕوۊ ئەنجامدای فیستیۋاڵی کولتوری کورڎی و پەرەپنەدای ڕاو ڕەسمی ڕۊشنۋیری و چالاکی کلتوری فرە گرنگا. گەشەپنەدای بە وېژە، هونەر و زۋانی کورڎی فرە گرنگا.بەڵام مشۊم ئینسان پاڵ و کۊشیای ئازاڎیینە ئی هەرمانۍ کەرۊ و چنی بەهاکا گەریلای یۊ گېراو هەمان هەرمانۍ کەرا. هەرمانەکۍ پی جۊرە ماناڎارۍ با. چی ڕوانگۊ مەراسیمی کولتوری گرنگ و ماناڎارا. بەڵام گەرەکما پی بۊنۊ ڕەخنەشا کەرو. جە ڕاسینە بڕۍ جە  ڕەخنەکاما پۍ گەلەکەیما جە ئۊرووپا ئامۍ ئاراوە، مشۊم دیسان پېش زیاڎ کەرمۍ.

پەنەوازەن گرڎ ڕووۍ جە ئۊرووپانە فیستیۋاڵی کولتوری بۊنە

جە ساڵېنە بەیەک فیستیۋاڵ مەبۊ. ئینە بەخەباتی یەک ڕۊ یان چن ڕووۍ ڕووە مەڎۊ. پەنەوزەن جە ئۊرووپانە گرڎ ڕووۍ فیستیۋاڵی کلتوری بۊ. فیستیۋاڵی کلتوری سەروو ئاستی نەتەوەیی متاۋیۊ چن مانگ جارۍ یان ساڵانە جارۍ بلۊڕاوە. بەڵام مشۊم هەمیشە جە مەنتیقېوەنە، جە یەرۍ هەرېمېنە، جە پەنج هەرېمېنە، مەراسیمی کلتوری بۊ.پەنەوازەن گرڎ ڕووۍ بۊ. گرڎ ڕووۍ بە دڵنیایۊ جە خن مەنتیقېوەنە با بۊ. جاران پی جۊرەبۍ. نەورۊزەنە پی جۊرەبۍ. لاو کەمیۊ ٢ پۍ ٣ مانگا زەماونە گېڵیۍ. ١٥ و ئابی زەماونەشا گېڵنا. ٢٧ و تشرینوو دووەمی پیرۊز کریا. جە ڕاسینە گرڎ ڕووۍ جە ئۊرووپانە لاو کەمیۊ  ٣ پۍ ٤ مەراسیمۍ کلتوریۍ کریېنۍ. ۋەڵتەر هونەرمەنڎۍ بەشڎاری ئی مەراسیما کەرېنۍ. بە مانېوەتەر هونەروو هونەرمەنڎا کورڎی چا مەراسیمانە گەشەش کەرڎ. ڕابەر ئاپۊ پەرەش پینەی دا. شېوازوو ڕابەر ئاپۊی بۍ. ئیسە ئی ممەراسیمۍ مرڎېنۍ. بە دەگمەن ئەنجام مڎریا. هونەرمەنڎەکۍ هەرمانە مەکەرا. هونەرمەنڎۍ جە مېڎان و جەمەکانە چنی گلېرگەی کوۍ مەباوە! نامېش جەمەی کلتورینە بەڵام خەباتی کلتوری ئەنجام مەڎا. جە ڕاسینە زارۊڵۍ چا یاگانە بە کلتوروو زۋان و ۋېشا پەروەرڎە کریېنۍ. ۋینیۊ ئا سیستمەی کە ڕابەر ئاپۊ پەرەش پنە دان فاڕیایش سەرەرە ئامان. پېۋیسا خەڵک گېڵۊوە پۍ شېوازوو سیستمی وەڵین و ڕابەر ئاپۊی. ئانەیچ مشۊم پەرەش پنە دریۊ و بېجگە چینەی حیچی تەر مەبۊ.

هەم تۊ بی بە ئەنڎاموو گەلۍ کە ئینۍ چېروو جینۊسایدینە، هەم جە بەریچۊ چنی پېکئاما جیاوازەکا  مژیۋی و جە هەمان وەختەنە جە کلتوری کورڎینە مەنیۊ. ئینەیچ محاڵا، تەنیا مەگەر جە هەڵۋېسۍ کلتوری چی جۊرەو پی خەباتا بۊ. کە ئینە سەروزیۊ. بەتایبەتی گلېرگەی کورڎی جە ئۊرووپا، بۊ بە تۊم و نەتەوەیی دیموکراتیکی کورڎی. ئینەیچ بە هەڵمەتەو ١٥ و ئابی مەرزیارە. ئېمە ڕۊح، زانست و ئیراڎە و ئانەیما جە ١٥ و ئابیۊ هۊرگېرت. ڕېکوستەی کەرڎەو ئینەیچ جە پارتی و ڕابەر ئاپۊیۊ هورگیریا، ئا وەختە پەنەوازەن ئینیشا واوەی هورگېرمۍ، زیاتەر ۋەڵاشا کەرمېوە، پەرەشا پنە دەیمۍ و مەراسیمە کلتوریەکا کەرمۍ بە بەشۍ جە چالاکیە جەماوەریە جیاوازەکاما و بەشۍ جە ژیۋای ڕووانەیما.

پی بۊنۊ گەرەکما بۍ پی جۊرە بارمېشا سەروو زۋانی. حەرپاسەمبارەک بایی کەروو چا فیستیۋاڵەیە کە ٩ و ئەیلوولی ملۊڕاوە. جە ئیسۊ بەنامۍ پارتیماوە هیواو سەرکۊتەی گۊرەیشا پۍ موازوو. حەرپاسە بەڕېزۊ سڵام جە گرڎوو ئا کەسا کەروو کە بەشڎارۍ با جە فیستیۋاڵەکەنە و سوپاس و گرڎوو ئا کەسا کەروو کە مەراسیمەکەنە بەشڎاری کەرا و بەشڎارېنۍ جە حۊڵەکانە. حەرپاسە بە هونەرمەنڎاو ڕەنجدەرا تەریچ ماچمۍ، کە ئانڎەی تەر جە فیستیۋاڵەکانە یۊ گېرتۍ