فڕۊکە جەنگییەکۍ دەوڵەتو ئەرەگیری تورکی چن دەگېۋە مەنتیقەو برادۆستی سەر بە ئیدارەو سۆرانی بۊمبۋاران کەرۊ، ئا دەگۍ کە بۊمبۋاران کریۍ ئینېنۍ، دەگاو بێرکمەی و بنقەڵاتی و تارستای و چیایی کونە کۆتری.

بۊمبۋارانەکە زەرەرش بە یانە و موڵکو ئەرەنیشتا دەگایەکا یاۋنان.

حەر ئارۊیچ، تەیارە جەنگیەکۍ ئەرەگیری تورکی، چن جارێۋە کەشو کورەژارۊیش جە سنوورو شیلادزۍ بۊمبۋاران کەرڎ، بۊمبۋاراکەی تەرسی و دڵە تەپېش لاو دەگا نشینەکاوە ۋەشکەرڎەن و هەڵای قەبارەو زەرەرەکا ئاشکرا نەبیەن.

دەوڵەتو ئەرەگیری تورکی، ڕۋانە هجوم کەرۊنە سەرو مەنتیقە جیاجیاکا پانیشتوو کورڎسانی، ئی هجومۍ بیېنۍ بە مەڵامەتو کوشیا و زامڎاربیەو دەیان هاموڵاتیا مەڎەنی مەنتیقەکەی.

هـ .ش