بە پاو زانیارییەکاو ئاژانسوو ڕۊژنیوزی، دێروەختوو شەوەی وەڵینۍ فڕۊکەی جەنگیی دەوڵەتوو تورکی ئەرەگیری، بەنزمی عاسمانوو حەریۊ جە سنوورەکاو شارباژێڕوو سەر بە پارێزگاو سلێمانی و بناروو قەندیلی و دەوروو ڕاپەڕینی و باڵەکایەتیی سەر بە پارێزگاو هەولێرینە سووڕیێنێوە و بەهەسی بۊردومانوو ئا مەنتێقاشا کەرڎەن.

ئانەیچ وزیان ڕووە، دەگاو گەڵاڵەو سەر بە شارباژێڕینە سنووروو پارێزگاو سلێمانیینە، بە پاو زانیاریی سەرچەمە وێمانەکا، ١٠ جارۍ سەروو یۊی فڕۊکەی جەنگیی دەوڵەتوو تورکی ئەرەگیری بۊردومانش کەرڎەن. هەرپاسە  بۊڵێنە و دۊڵوو شاورێنە بناروو قەندیلینە دەنگوو فڕۊکەی و بۊردومانی ژنییان.

هاموەخت شارەدەگاو ئیسێوەو سەر بە دەڤەروو ڕاپەڕینیچ بۊردومان کریان و پەنجەرەو بڕۍ یانا مەڕیان و کەشوو قەندیلیچ بەهەسی بەهەسی بۊردومان کریان.

مەنتێقەو باڵەکایەتیی سەر بە پارێزگاو هەولێریچنە، فڕۊکەی جەنگیی دەوڵەتوو تورکی ئەرەگیری فرە بەنزمی عاسمانوو مەنتێقەکەیرە سووڕیانۊ و دەنگوو بۊردومانی ژنییان.

بە پاو زانیارییەکاو ئاژانسەکەی، فڕۊکەی چەمداری و جەنگیی دەوڵەتوو تورکی ئەرەگیری فرە بەنزمی عاسمانوو مەنتێقەکەیرە سووڕیێنێوە  و ئانەیچ تەرسی و دڵەکوتێش لاو ئەرەنیشتاو ئا یاگاوە وەشە کەرڎێنە.

س.ز