دەزگاو وزەو ئەتۊمی ئېرانی:''ۋەردەوامېنمۍ جە پیتنای یۊرانیۊمی''
محەمەڎ ئیسلامی سەرۊکو دەزگاو وزەی ئەتۊمی ئېرانی ئەرەیاۋناش، ۋڵاتەکەشا ۋەردەواما جە پیتنای یۊرانیۊمی.
محەمەڎ ئیسلامی سەرۊکو دەزگاو وزەی ئەتۊمی ئېرانی ئەرەیاۋناش:"پیتنای یۊرانیۊمی بەپاو چوارچېوەکا هەرمانۍ کە جە لایەنوو پەرلەمانوو ۋڵاتەکەیماوە دیاری کریان، ۋەردەواما".
ئی قسۍ سەرۊکو دەزگاو وزەی ئەتۊمی ئېرانی ئینا وەختېوەنە کە چن ڕۋۍ چېوەڵتەر ڕۊنامەو وۊڵ ستریت ژوڕناڵی ئەمریکی ۋەڵاش کەرڎەبېوە، ئېران بەشېۋېوە خېرا پیتنای یۊرانیۊمیش خاو کەرڎەنۊ کە ۋەڵتەر نزیک بۍ جە ئاستوو ۋەشکەرڎەی چەکی ئەتۊمی.
ڕۊنامە ئەمریکیەکەیچ باسش چانەیچ کەرڎەن، ئا هەنگامۍ ئېرانی کریۊ هامکارەبۊ جە کەم کەرڎەیۊ گرژیەکا بەینو ئېرانی و یەمریکای و واوەی دەسپنەکەرڎەیۊ گفتوگۊکا تایبەت بە زینڎە کەرڎەیۊ ڕېککۊتنامەی ئەتۊمی ساڵەو ٢٠١٥.
هـ.ش
