سەندیکاو مییاننەتەوەیی ڕۆنامەوانا (IFJ) ناڕەزاییش وەرا وەر بە باڵبەسکەردەی ٧ ڕۆنامەوانا نیشانەدا کە پەی یاڏکەردەیۆ ئا هامپیشاشا کە جە لایەنو دۆڵەتو تورکیۆ تیرۆرۍکریێبێنۍ جە چالاکینە بێنێ و ئەرەیاوناش، "داواکارێنمێ دەمودەس ئازاڎۍ بکریا".
٢١و کانونو یوەمی ڕۆنامەوانێ گەرەکشا بۍ ئیستەنبوڵەنە تیرۆرکەردەو ڕۆنامەوانا نازم داشتانی و جیهان بیلگینێ شەرمەزار بکەرا، کە جەلایەنو دۆڵەتو تورکیۆ کریێبێنێ ئامانج. چالاکییەکەنە ڕۆنامەوانێ گوڵستان دورسونە، خەیری تونچ، ئەنەس سەزگین، عوسمان ئاکین، جان پاپیلا، پنار گایپ و سەرپیل ئونال بە ئەشکەنجەدایۆ باڵبەسێ کریێبێنێ.
فیدراسیۆنو مییاننەتەوەیی ڕۆنامەوانا (IFJ) ناڕەزاییش وەرا وەر بە باڵبەسکەردەی ٧ ڕۆنامەوانا نیشانەدا.
ئەرەیاوناکەو IFJ ینە ئامان، "دماو تیرۆرکەردەو ڕۆنامەوانا کوردی نازم داشتانی و جیهان بیلگینۍ جە سەرنیشتوو وەرکەوتوو سوریای، جە ٢١و کانونو یوەمینە جە ئیستەنبوڵەنە چالاکی ناڕەزایی ئەنجامدریا و لاوکەمیۆ ٧ ڕۆنامەوانێ باڵبەسێ کریێ. داوا جە کاربەدەسا مکەرمێ دەمودەس ئا کەسا ئازاد بکەرا".
