جە ۋڵاتەکا ئەڵمانیا، سویسرا، فەرەنسا، ئینگلتەرا، ئیسپانیا، ئیتالیا و بۆلیڤیاینە نزیکەو ٤٠ گەنجا ئینتەرناسیۆنالیستی و ٢٠٠ گەنجۍ کورڎی پۍ ئازاڎیی جەستەیی ڕابەروو گەلوو کورڎی عەبدوڵا ئۆجالانی ڕاپیمایېشا بە نامۍ 'گېڵای ئازاڎیی' دەسپنەکەرڎەبۍ، جە ڕۊوو چوارەمینە وەردەوامیش هەن.

جە چوارەمین ڕۊنە گەنجەکۍ جە شاروو نیوسی جە ئەڵمانیاوە حەتا شاروو دوسیڵدۊرفی نزیکەو ١٥ کېلۊمەترا ڕاپیمایشا کەرڎ. ڕاپیماکەی بەدروشمەو ئازاڎیی جەستەیی پۍ ڕابەر ئاپۊی ۋەردەوام بۊ.

سەوای دما ڕۊو گېڵاکەین. جە ٨ و ئەیلولینە گەنجەکۍ بە ڕاپیمای ڕووەو ناوەنڎوو شاروو مولهایمی ملا و حەرچا دمایی بە چالاکیەکاشا مارا.